Шәкірттеріме тілек жыр жолдары тәрбие материалы

Шәкірттеріме тілек...Шәкірттерім, мен сіздермен мақтанам,Балапан қанат кездерден өзім баптаған.Сусындап қанып біліммен он бір жыл бойыАзамат болдың, мінекей,бүгін жас,балаң.Азамат болдың,есейіп, ақылың толысып,Ғасырда жарқын жылдар мен жолдар тоғысып.Соқпағын тауып, ұядан алтын аттаныпЖатырмысыңдар ұшқалы қанат қағысып.Шәкірттерім, өмірдің жолы бұралаң,Шығады шыңға талапты адам шыдаған.Тілейді тілек, арманға асқақ аңсағанҰстаздар ұлы жетсе деп сізді дін аман.Шәкірттерім, кеңейер сізбен өрісім,Еңселі болып жалғаса ұрпақ - ер ісін.Ұлымыз ерлеп, қызымыз үміт ақтасаБерері анық мәуелі ағаш жемісін.Көкейде көп-ақ армандар талай сіз жайлы.Үкілеп үміт, сенімнің оты маздайды.Биіктен самғап, қаға алмай қанат құласаңҰстаздық балаң жүрегім сонда сыздайды.Шәкірттерім,сіздермен өтті сан жылым.Осылай екен ұстаздық жолым, тағдырым.Тарыдай болып келіп ең бүгін таудай бопТөрімде тұрсың, төгілте әсем ән-жырың.Мен сіздермен біргемін, аязда ызғар қарыса суық қолыңды,Мен сіздермен біргемін, аптапта ыстық күйдірсе табан жолыңды.Мен сіздермен біргемін, көктемдей гүлдеп, жемістер бақта піскендеМен сіздермен біргемін, сарғайған сары жапырақ жерге түскенде.