Шамаларға амалдар қолдану есептері, 3-сынып сабақ жоспары

60-сабақ. Есептер шығару. Шамаларға амалдар қолдану

Тақырып: Жылдам әрі дұрыс есептейміз.

Мектеп: А.Тұяқбаев

Күні:

Мұғалімнің аты-жөні:Садирова Б

Сынып: 3

Қатысқандар саны:

Қатыспағандар саны:

Оқу мақсаттары

3.1.3.2 мм, км/ г, т/см2, дм2, м2 /сек өлшем бірліктерін қолданып өлшеу

3.1.3.3 шамалар мәндерін (мм,см, дм, м/ г, кг, ц, т / л/ см2, дм2, м2, га/ сек, мин, сағ, тәул, жыл, ғасыр) салыстыру және амалдар орындау

3.1.3.4 ұзындық (мм, см, дм, м, км)/масса (г, кг, ц, т)/ аудан (см2, дм2, м2/ уақыт (сек,мин, сағ, тәул. ғасыр) бірліктерін олардың арақатысына сүйеніп түрлендіру

3.5.1.2 есептерді шығаруда ұзындығы, ені, ауданы ұғымдарының өзара тәуелділігін пайдалану

3.5.1.5 тікбұрыштың (шаршының) ауданын және қабырғаларын табуға берілген есептерді талдау және шығару

Күтілетін нәтижелер

Барлық оқушылар үшін:

Шамалар арасындағы тәуелділікті: есептерді шығаруда ұзындығы, ені, ауданын қолдану, шамалардың мәнін салыстыру.

Бірқатар оқушылар үшін:

Шамалармен амалдар орындау, шамаларды салыстыру.

Кейбір оқушылар үшін:

Алған білімді күнделікті өмірде қолдану.

Тілдік мақсаттар

Оқушылар:

Тіктөртбұрыштың (шаршының) ауданы белгілі болса, қабырғаларын қалай табуға болатынын түсіндіру.

Пәндік лексика және терминология:

Фигуралар, шамалар

Сабақта диалог/жазу үшін пайдаланылатын тіл.

Талқылау:

Тіктөртбұрышты қалай салу керек?

Тіктөртбұрыштң ауданын қалай табу керек?

Жазу:

Есептердің шешуін жазу.

Тірек білім, білік, дағдылар

Фигуралар салу, аудандарын табу.

Жоспар

Жоспарланған уақыт

Жоспарланған іс-әрекет

Ресурстар

Ынталандыру.

Математика керек әр күнге,

Математика қажет өмірде.

Математиканы оқимыз,

Миымызға тоқимыз.

Белсендіру.

Мұғалім тапсырманы оқушылардың амалдар тәртібін анықтай алуын, жылдам есептеу дағдыларын тексеру үшін шығартады.

Мақсат қою (мәселелі жағдаяттар).

Бүгін біз өз білімімізді нақтылаймыз, әрқайсыңыздан қандай да бір туындаған қиындықты тауып, оны түзейміз.

Топқа бірігу. Геометриялық фигуралар арқылы топқа бірігеді.

(Т.Ж)1-тапсырма топпен орындалады.

І топ.1-тапсырма. (а)

ІІ топ.1-тапсырма. (ә)

ІІІ топ.1-тапсырма. (б)

ІV топ.1-тапсырма. (в)

V топ.1-тапсырма. (г)

Тапсырмада не белгілі? Қандай сұрақ қойылған? Алдымен нені тауып алу керек? Қалай? – деген сұрақтарға оқушылар жауап береді.. Тапсырманы талдағаннан ке йін оқушыларға тапсырманы орындауға уақыт беріледі. Содан соң, бір топтың өкіліне жауабын тақтаға жазып, шешімін түсіндіреді.

(Ө.Ж) 2-тапсырма өзіндік жұмыс түрінде орындалады.

Бұл тапсырмада тіктөртбұрыштың ұзындығы белгілі,ені ұзындығынан 2 есе кем.Ауданы мен периметрін табады.