Шамдарыңды жарқырат шыршам балабақшаға арналған материал

Шамдарыңды жарқырат, шыршам! 2-ші кіші топ

Қатысушылар:

Ересектер: жүргізуші, Аяз ата, Ақша қар

Ересек топ балалары: Тышқан, Сайқымазақ

Балалар көңілді жаңажылдық музыканың сүйемелдеуімен музыка залына кіреді де шыршаның жанына орналасады. Жүргізуші балалармен және қонақтармен амандасады, оларды Жаңа жылмен құттықтайды.

Жүргізуші

Жүзімізде күлкі ойнап,

Қанаттанды жанымыз.

Жаңа жылды біз тойлап,

Шаттанамыз бәріміз.

Бүгін біз көңілдіміз,

Жаңа жылды қарсы алып.

Мерекеге келгендерді,

Құттықтаймыз ән салып.

Жүргізуші шыршаға назар аударады.

Балалар, қараңдаршы, біздің мерекеге қандай сұлу шырша келді! Балалар, ендеше шыршаны айналып, жаңажылдық ойыншықтарды тамашалайық.

Баяу музыка ойнайды, балалар ойыншықтарды тамашалап, шыршаны айналады.

Жүргізуші

Жаңа жылды қарсы алып,

Шыршамызды айналып

Би билейік, ән салып.

Баршамызға жар салып.

Балалар, ендеше шыршамызға өлең оқып берейік.

Балалар өлең оқиды.

Жасыл шырша жамылған

Асыл моншақ тағылған,

Келді жасыл шыршамыз

Көптен күтіп сағынған.

Жасыл шырша орманнан,

Бізге арнайы келіпті.

Ойыншығын балалар,

Шыршаға әсем іліпті.

Әсем шырша сәнденген,

Өз аңдарын күтеді.

Жаңа жылмен бірге біз,

Орманға кеп жетеді.

Тамаша, тамаша,

Шыршамыз тұр жараса.

Басында әсем жұлдызы,

Көз тоймайды қараса.

Жүргізуші

Төрлет, төрлет, Жаңа жыл!

Айтамыз тебіренте Жаңа жыр.

Төрлет, төрлет құтты жыл!

Әр кез жүрші төгіп нұр.

«Сәлем, жаңа жыл!» әні. Б.Дәлденбай

Жүргізуші (үйшікке қарап)

Қараңдаршы, үйшік тұр!

Ішінде кім тұрады екен?

Қане, балалар, тыныш тұр?

Ән салып отырған кім екен?

Әуен ойналады, Тышқан шығып, ән салады және балалармен бірге билейді.

«Мышки пляшут на дорожке» ән-биі Г.Анисимова

Тышқан

Сәлем, балалар!

Мен сұр Тышқамын,

Қатты қорқамын,

Суықтан інімде қорғанамын.

Жалғыз тұрамын

Астында қардың,

Сендерді қонаққа шақырамын!

Жүргізуші: Ой, рахмет шақырғаныңа, Тышқан! Ал сенің ініңде шырша бар ма?

Тышқан

Шырша бар, қонақ жоқ,

Келіңдерші тезірек!

Ал сендер оны безендіруге көмектесесіңдер ме?

Жүргізуші: Қуана-қуана!

Балалар «паровозикпен» Тышқанның артынан жүреді, орталық шыршаны айналып, оның ініне жақындайды.

Тышқан: Көңілді ойындар ойнап, шыршамызды безендіреміз!

«Шыршаны безендір» ойыны

Ортаға кішкентай жасанды шырша қояды, Тышқан 5-6 балаға шар таратады, көңілді музыка ойнайды, балалар шыршаны безендіреді. Ойын 2-3рет өткізіледі.

Тышқан: Жарайсыңдар, балалар! Сендер шыршамды қалай керемет безендірдіңдер!

Тышқан сиқырлы қоңырау көрсетеді.

Шыршаң неткен керемет,

Саған қоңырау тарту етемін!

Жүргізуші: Рахмет саған Тышқан! Қоңырауым, сыңғырла, Ақшақарды шақыршы! (Қоңырауды сылдырлатады)

Ақшақар кіреді.

Ақшақар: Сәлеметсіңдер ме, балалар! Менің атым Ақшақар, мен-Аяз атаның немересімін!

Ақ көрпесін жамылып,

Ұйықтап жатқан дала нұр.

Балаларды сағынып,

Келді міне жаңа жыл!

Күттіріп келген жыл басы,

Бізбен бірге жырлашы,

Дастарханыма елімнің,

Береке, ырыс сыйлашы.

Жүргізуші: Әндет, әндет, сүйкімді Ақшақар!

Ақшақар әні

Жүргізуші: Ақшақар, қарашы, біздің шыршамыз қандай әдемі! Онда қанша ойыншықтар бар!

Ақшақар: Иә!

Тауда туып, тауда өсіп,

Шырша келді ортаға.

Қандай жақсы шыршамыз,

Ән шырқайық баршамыз!

Ақшақар (шыршадағы ойыншық сайқымазақты байқайды).

Қалып едік сағынып,

Күтіп алдық жабылып.

Жолын қойдық жарық қып,

Шыршаларға шам іліп.

Жүргізуші: Ал сенің сиқырлы қоңырауың қайда? Ал, Тышқан сылдырлат, Сайқымазақты тірілт!

Көңілді музыканың сүйемелдеуімен Сайқымазақ шығады, қолында ғажайып қабы бар.

Сайқымазақ

Мен шыршадан секірдім!

Достар бұл менің әзілім!

Жүргізуші

Сайқымазақ, балалармен биле,

Шырқап салшы әсем әнге!

Балалар тұрыңдар шеңберге,

Көңіл көтеріңдер бірге!