Шәмші әндерінің кешіне арналған мерекелік сценарий

Сценарий

Күні: 12.01.2025ж.

Уақыты: 15.00

Қатысушылар: 6-10 сынып оқушылары және ӘБ мұғалімдері.

Шәмші әндерінің кеші

Сахна қараңғы. Ортада Әділет мырза. Жарық тек ӘДілет мырзаға жанып, монолог оқылады.

ШӘМШІНІҢ МОНОЛОГЫ

Жарықтың барлығы сөніп, қыздар шығады бір-бірлеп.

ӘН: Ана туралы жыр

Халықтың қошеметінен кейін, барлық залдың жарығы жанып, ортаға кеш жүргізушілері шығады.

Жүргізушілер: Ахан, Мерей

Ахан: Армысыздар, ардақты ағайын!

Мерей: Бармысыздар, жаны жайсаң, пейілі дархан қадірлі ән сүйер көрермен!

Ахан: Теңдессіз дарынның арқасында қазақтың ән өнерін өзгеше биікке көтерген, көзінің тірісінде-ақ аты аңызға айналып, халықтың ыстық ықыласына бөленген, Қазақстанның Еңбек ері, Қазақстанның Халық әртісі, Мемлекеттік сыйлықтың лауреаты, Қазақ вальсінің королі, көрнекті композитор Шәмші Қалдаяқовтың шығармашылығына арналған «Шәмші әндерінің кешіне» қош келдіңіздер!

Мерей: Шәмші Қалдаяқов насихаттауды қажет етпейтін тұлға. «Тау алыстаған сайын зорая түседі» демекші, Шәмші әндері қанша дәуір алмасса да, өз маңызын жоймайтыны анық.

Ахан: Сіздердің алдарыңызда Шәмшінің монологын оқыған педагог-ұйымдастырушы-куратор Әділет Дінмұхаммедұлы. Шәмшінің анасына деген сағынышынан туған тамаша әнін орындағандар: педагог-ұйымдастырушы-куратор Айгуль Габдрахманқызы, 7В сынып оқушылары: Еркеназ, Аида, Малика; 6В сынып оқушылары: Айсана, Амина.

Мерей: Ал, келесі тыңдайтын әндеріңіз Тұманбай Молдағалиевтің сөзіне жазылған, Шәмші Қалдаяқовтың әні «Әнім сен едің» орындайтын бастауыш сынып мұғалімінің ассистенті Усеинова Раушан Жамалдинқызы. Қарсы алыңыздар!

Ахан: - Мына бір қызық жайтты айтқым келіп тұр, Мерей! Осы күнге дейін ән падишасының жарыққа шықпаған талай әндері бар екен. Халық арасында Шәмші Қалдаяқовтың ауызша таралған 287 әні белгілі екен. Көзі тірісінде солардың тек 43-і ғана қазақ радиосының алтын қорына жазылған көрінеді. Осы уақытқа дейін оның ән кештерінде 40-қа жуық әндері орындалады екен.

Мерей: Қызық ақпарат екен, Ахан! Композитордың ерекшелігі - оның әндері халықпен сабақтасып кеткендігінде. Халық әндері қазаққа қандай жақын болса, Шәмші әндері де сондай жақын.

Келесі тыңдайтын әндеріңіз Нұрсұлтан Әлімқұловтың сөзіне жазылған «Қайдасың» әні. Орындайтын бүгінгі концертімізге арнайы қонақ болып келген, мектебіміздің 9Е сынып оқушысы Мамажан Нұрдың атасы Рысмағамбетов Бүркітбай Өтепбайұлы. Қарсы алыңыздар!