Шебер қолдар 8 сыныпқа сыныптан тыс жұмыс

Сабақтың тақырыбы: Шебер қолдар

Сабақтың мақсаты: Жарысу арқылы оқушылардың бәсекелесу қабілеттерін дамыту. Эстетикалық талғаммен қабылдау қабілеттерін, өнерге қызығушылықтарын, шеберліктерін дамыту.

Сабақтың түрі: сайыс

Өту барысы:

М: Құрметті сайысқа қатысушылар мен көрермендер! Бүгін бізде 8 – 9 ссынып ұл балаларының арасында сайыс өтеді. Ендеше сайысымыздың кезеңдерімен таныс болайық: 1.таныстыру

2. кім білгір?

3. кім жылдам?

4. үй тапсырмасы

5. алғыр топ

М: Сайысымыздың әділқазы алқаларымен таныс болайық:

- Эстетикалық пәндер бірлестігінің жетекшісі Өмірова Дана

- Технология пән мұғалімі Кенжеғазина Майра

М: Өнерлі жастар ортамызда

Бүгінгі келді сайысқа

Таныстырып өздерін,

Шықсыншы, қане ортаға, деп сайысымызды таныстырумен бастайық. (әр топ өздерін таныстырады)

М: Келесі кезеңіміз «Кім білгір?».

Қазақтың түрлі – түсті дәстүрі бар,

Оның сырын ашқанға жұрт қызығар

Жауаптарын таба ма екен батырларым

Сол себептен қоятын сұрақтар бар, дегендей бұл кезеңде сұрақтарға жауап береміз

Қазақта топ аттылар жарысын не дейді?( бәйге)

Ат әбзелдерін ата

Әшекей бұйымдар жасайтын қолөнер шебері қалай аталады? (зергер)

Ер кісілердің ұлттық киімі?(тақия, шапан т.с.с)

Ұлттық аспап? (домбыра)

Қазақтың ұлттық сусындарын ата? (қымыз, шұбат, көже т.с.с.)

Ағаш шеберлерін топта (үйші, балташы, оймашы, тоқушы)

Ағаштан жасалған әшекейлі үлкен сандық? (абажа)

Қаңылтырдан бедерлі бұйым жасау (шекіме)

Мақалдың жалғасын тап: шешеннің тілі алтын (шебердің қолы алтын)

М: «Кім жылдам?» кезеңінде «шеберхана» сөзінен бірнеше сөздер құрастырып шығару. Қай топ көп сөз құрастыратынын көрейік.

(шебер, ана, ер, бер, нар, бар, шар, не, т.с.с)

М: «Үй тапсырмасы» кезеңінде әр топ үйден дайындап алып келген бұйымдарын қорғап, жасалу жолдарын, қолданылған материалдарымен таныстыру. Жасалған заттың тиімділігі, қажеттілігі туралы түсінік беру.

М: Соңғы кезеңде алғыр топты анықтайтын боламыз. Үстелдің үстінде әр түрлі материалдар( табиғи материал, мата, керек емес жарамсыз заттар т.с.с заттар ) қойылады. Әр топ бір бұйым құрастырып шығару керек.

М: әділқазылар әр бөлімге жеке – жеке және қорытынды ұпай сандарымен таныстырып, сайыстың жеңімпазын анықтайды. Топтарды марапаттайды.