Шығар жол алда білім алушыларға психологиялық кеңес

Шығар жол алда

Білім алушыларға кеңес

Бұл өмірде жалғыз бақыт- тоқтаусыз алға қарай талпыну.

«Уақытты босқа өткізбе» ережесін үнемі есіңе сақта. Емтиханға дайындықты бастамас бұрын, барлық материалдарды қарап шығып, өзіңе таныс материалдарды қоя тұрып, жаңа таныс емес тақырыпты оқудан баста.

Дайындыққа бөлінген уақытты дұрыс пайдалануға тырыс. Жаңа және күрделі материалды жұмыс жасауға және ойлау қабілеті жоғары болатын тәулік уақытынды оқы. Әдетте бұл жақсы демалыстан кейінге таңертеңгі уақыт.

Сабаққа дайындалатын орынды әзірле. Ол үшін үстелдегі қажетті оқулықтардан (оқу құралдары, дәптерлер, қағаз, қарандаш т.б.) басқа артық заттарды алып таста. Бөлме интерьеріне сары немесе күлгін түстерді енгізуге болады, өйткені олар ойлау қабілетін жоғарылатады. Бұл үшін қабырға суреті немесе эстампа жеткілікті.

Емтихандарға дайындықты алдын ала , бөліктеп, сабыр сақтай отырып баста. Дайындыққа жоспар құрастыр.Күнделікті дайындық жоспарын жасау барысында, дәл бүгінгі күні оқылатын материалды анықтап алу қажет. « Аздап дайындала тұрайын» демей, дәл қандай бөлім мен тақырыптар оқылатынын анықтап ал. Сонымен қатар ағза үйлесімділігін ескеріп, сабаққа дайындалу уақытын белгіле.

Қиын материалдарды есте сақтау үшін бірнеше қайтара оқу қажет, кешке және таң ертең тағы да қайтала.

Белгілі тақырыптарды басынан аяғына дейін жаттап алмай жоспар жасау арқылы есте сақтауға болады.

Оқылатын материалды саны жетіден аспайтындай етіп, мағыналы бөліктерге бөлген жөн. Материалдың жалпы мағынасын бір сөзбен жеткізу үшін мағыналы бөліктерін кеңейтіп және жалпылау қажет. Мәтіндегі «жұлдыз», «ағаш», «жақша» т.с.с типті схемалармен қысқартуға болады. Қабылдау және есте сақтау сапасы айтарлықтай жақсарады.

Мәтінді өз сөзіңмен әңгімелеп жеткізу, бірнеше қайталап оқығаннан гөрі есте сақтау қабілетін жақсартады. Жалпы айтқанда, кез келген мәтінмен аналитикалық жұмыс оның есте сақталуына әкеледі

Барлық уақытта әсіресе емтиханға дайындық уақытында өз денсаулықтарыңды күтіңдер. Бұл уақытта уақытылы және жақсы тамақтану қажет. Серуендеу, спорттық ойын сауықтар жайлы ұмытпаңдар, үзіліс жасап белсенді көңіл аударыңдар. Жақсы тынығыңыз- ұйқы сіз үшін өте қажет. Емтихан алдында ұзақ уақыт дайындалып отырып қалмаңыз.

Ішкі қобалжуларды шаршағандықты басатын күнделікті жаттығуларды жасаңыз.

Білім алушылардың мамандық таңдауға дайындығын анықтау.