Шырша мерекесі ашық сабағы 6 бет материал

Шырша мерекесі

Зал іші көз тартарлықтай безендірілген. Ортада әсем де, сұлу шырша.

Түрлі түсті ойыншықтармен безендірілген. Көңілді музыка әуенімен Жылан жылы ортаға келіп тұрады.

Жылан: - Құтты болсын ағайын!

Жаңа жылым тағы да

Қол соғып қарсы алайық,

Шақырайық ортаға,

Ертеңгілік бастасын,

Шағын орталық тобында.

Көңілді «Кішкентай шыршамыз» әні орындалып, балалар залға кіреді. Шыршаны айналып орындарына отырады. Музыка тоқтаған соң, ортаға Жылан жылы шығады.

Жылан: - Тыңдаңыздар, тыңдаңыздар,

Естімедік деп айтпаңыздар.

Бүгін біздің Фея, бәрімізді

«Жаңа жыл» карнавалына

шақыру билеттерін таратты.

Шамдардың жартысы сөнеді. Шыршаның жанына түлкі мен қарға

жүгіріп келеді.

Қарға: - Түлкі, айтшы, Фея шақыру билетін кімдерге берді?

Түлкі: - Әй, қарға, сен тағы да бәрінен құр қалдың ғой.

Карнавалда кімнің тәртібі жақсы болса, сол барады – деп

айтты ғой Фея.

Қарға: - Мен де карнавалға барғым келеді.

-Ал мені Аяз ата өзі шақырды, міне көрдің бе менің шақыру

билетімді. Жаңа жыл карнавалында кездескенше сау бол түлкі.

-деп түлкіге билетін көрсетіп ұшып кетеді.

Түлкі: - Өте қызық, шақыру билеттерді Фея тек қана өз қолынан

берді екен десем – деп, түлкі иығын көтеріп таң қалып кетеді.

Музыка әуенімен залға Фея және екі сиқыршы бала кіреді. Фея шырша жанындағы орындыққа отырады, ал екі бала Феяның екі жағына барып тұрады. Сол кезде шам толығымен жанады.

Фея: - Иә, қалайсыңдар менің көмекшілерім. Менің бірінші

тапсырмамды орындадыңдар ма?

1-ші Сиқыршы: - Біз әлі сиқыршы емеспіз - біз оқушымыз, бірақ

сіздің тапсырмаңызды орындадық.

Фея: - Ал, сен ше кішкентай көмекшім, Золушканы шақыруды

ұмытып кеткен жоқсың ба?

2-ші Сиқыршы: - Жоқ, мен шақыру билетін Золушкаға бір

керемет қара құстан беріп жібердім.

Фея: - Ой, бұл қателік болды-ау, Золушканың билетін өз қолына беру

керек еді.

2-ші Сиқыршы: - Жақсы. Онда біз Золушканы іздеп тауып,

карнавалға алып келеміз – деп, екі сиқыршы

музыка әуенімен шығып кетеді.

Фея: - Ал, енді карнавалға кімдер келгенін мен көрейін – деп, Фея

орынынан тұрып, залды бір айналып балаларды қарап шығып,

шырша жанына қайта келеді (балалар орындарынан тұрады).

Фея: - Сәлеметсіңдер ме, қадірлі қонақтар! Сәлеметсіңдер ме, балалар!

Бүгінгі Жаңа жыл кешіне келгендеріңе өте қуаныштымын!

Фея: - Ал енді бәріміз Аяз ата мен Ақшақарды шақырайық.

Балалар хормен: - Аяз ата, Ақшақар...

Залға Аяз ата мен Ақшақар кіреді. Шыршаны екі айланып ортаға тұрады.

Аяз ата: - Амансыңдар ма, балалар!

Ақшақар: - Сәлеметсіңдер ме, қадірлі қонақтар!

Аяз ата:- Амансың ба, ұлдарым!

Амансың ба, қыздарым!

Қандай жарқын жүздерің!

Қандай әсем жырларың!

Асулармен алысқан,

Асау жылменжарысқан.

Аталарың сендерге

Шаршап келді алыстан.

Өздеріңе оралдым.

Бар сыйлығым – жаралғым.

Керемет бір ән тыңдап,

Келіп тұр-ау демалғым.

Ақшақар: - Аяз ата, балалардың әсем шырша шамдарын жағайықшы.

Тауда туып, тауда өскен,

Шыршамыз тұр ортада.

Бәріміз бір дауыспен,

Дейміз енді шыршаға.

Аяз ата балалармен бірге: - Қуант бізді таңырқат

Шамдарыңды жарқырат!

Бір, екі, үш –

Шам жарқырай түс.

деп Аяз ата таяғымен еденді бір ұрады (бәрі қол шапалақтайды)

Аяз ата: - Балалар, шыршаның шамдары жанбады ғой, кәне бәріміз

тағы да бір рет қатты дауыспен айтып көрейік.

- Қуант бізді таңырқат

Шамдарыңды жарқырат!

Бір, екі, үш -

Шам жарқырай түс.

деп бәрі қол шапалақтағанда шырша шамдары жанады.

Фея: - Ал, енді балалар, Аяз ата мен Ақшақарға арнап «Аяз ата »

әнін орындап берейік.

Ән: «Аяз ата»

Аяз ата: - Қызым қарашы, бәрі де карнавалға әдемі киініп келіпті ғой,

Ақшақар: - Аяз ата, тек қана Золушка көрінбейді ғой.

Фея: - Менің екі көмекшілерім кетіп еді, олар әлі келген жоқ.

Золушканың қайда екенін білмейміз.

Ақшақар: - Менің бір сыйқырлы айнам бар, сол айна бізге бәрін

көрсететін шығар, - деп айнасын алып шығып, айтады-

- Сен айна бәріненде сұлусың,

Сен айна бәріненде көріктісің,

Сиқырыңмен бізге көрсетші,

Золушка карнавалға неге келмеді?

Аяз ата мен Ақшақар, Фея айнаға қарап шыршаның бір жанында тұрады.

Сол кезде шамдардың жартысы сөнеді, шыршаның екінші жанына қарға ұшып келеді, қасында Мыстан кемпір бар.

Мыстан кемпір: - Қарға сен неге қарқылдайсың, мен саған не деп едім, Феяның кімдерді шақырғанын біліп кел деп едім ғой.

Қарға: - Фея барлықтарын шақырған, тек қана сені мен мені ғана шақырмады, бірақ мен екі баланың шақыру билетін алып қойдым, - деп қолындағы билетін көрсетеді.

Мыстан кемпір: - Бұл не? Бері әкел, - деп билетін алып қояды.

- Бұл Золушканың шақыру билеті ғой, оны шақырып

мені шақырмапты, көрсетем мен оларға.

Қарға: -Фея тек қана тәртіпті және жақсы балаларды шақырды.

Мыстан кемпір: - Әй, қарға мен сонша не жаманмын ба?

Бір-екі жаман нәрсе жасап едім сол ма?

Оны жай, ішім пысқан соң, көңіл көтеру үшін

жасадым. Болды! Бітті! Енді мен карнавалға

Золушка болып, киініп барамын, - деп

сыпырғышын еденге тоқылдатады.

- Көрсетемін мен оларға шақырмағанды......

Жүр кеттік қарға, - деп сыпырғышының үстіне

мініп, сыртқа қарай ұшып кетеді.

Шамдар толығымен жанады.

Аяз ата: - Балалар, бұл не болды? Енді қайттік?