Сиқырлы күз ертеңгілігіне арналған мектепке дейінгі сценарий

Тақырыбы: «Сиқырлы күз»

Мақсаты: Балаларды күз әлемімен таныстыру. Күз мезгілінде болатын ерекшеліктерді сахналандыру. Балаларды күз байлықтарымен, күзгі еңбекпен таныстыру. Табиғатты сүюге, қорғауға тәрбиелеу.

Әдіс-тәсілдер: Сахналау, әңгімелеу, көрнекілік, ойын, сұрақ-жауап.

Көрнекі құралдар: Жапырақтар, көкеністер мен жемістердің муляждары, себет, күрек, ойыншықтар, түрлі-түсті шар.

Барысы:

Зал орман көрінісімен, жапырақтармен әдемі безендірілген. Көңілді әуенмен балалар ортаға шығады.

Қолдарына ұстаған жапырақтарымен әсем әуен ырғағына сай би қимылдарын жасайды.

Жүргізуші: - Сәлеметсіңдер ме, балалар! Армысыздар, құрметті қонақтар, кішкентай бүлдіршіндер! «Сиқырлы күз» атты ертеңгілігімізге қош келдіңіздер!

- Балалар, біздер күзгі орманға келдік. Күзгі орманның жапырақтары қандай екен? Қане, қарайықшы. Жапырақтары сап-сары, қызғылт, қызыл. Өте әдемі екен?! Солай ма, балалар? Ал орманды кім әдемілеп қойғанын білесіңдер ме?Балалар: - Сиқырлы күз әдеміледі.Жүргізуші: - Дұрыс айтасыңдар, балалар.- Балалар, мен осы әдемі орманды аралап жүріп, өзіме көптеген достар таптым. Мен оларды мерекеге шақырдым. Менің достарымның сендерге арнаған тосын сыйы бар екен. Қане, бәріміз отырып, бірге тамашалайық.

(Ертегі кейіпкерлері ортаға шығып, «Қызыл алма» ертегісін сахналайды)

Жүргізуші: Балалар сендерге ертегі ұнады ма?

- Жарайсыңдар, менің достарым, сендер қандай татусыңдар.

Ертегі кейіпкері – Қоян: Балалар, сендер де біз сияқты бір-бірлеріңмен татусыңдар ма? Менің кірпі досыма көкеністер мен жемістер қажет, сендер жинауға көмектесесіңдер ме?

- Жақсы, ендеше мен сендерді ойын ойнауға шақырамын.

Ойын: «Кім жылдам?»

Ойын шарты: Ортаға екі бала шығып, себетке көкеністер мен жемістерді жинау керек.

Ертегі кейіпкері – Кірпі: Рахмет балалар, маған көмектескендерің үшін алғыс айтамын.

Ертегі кейіпкері – Аю: Жарайсыңдар, балалар, өздерің қандай ақылдысыңдар.

Жүргізуші: Аю, дұрыс айтасың, біздің балалар өте ақылды әрі өнерлі. Олар бүгінгі мерекеге арнап «Қолшатыр» биін билеп бермек. Қане, қол соғып, қошеметтеп қарсы алайық.

Би: «Қолшатыр»

Жүргізуші: Тамаша балалар, әдемі биледіңдер. Қане, барлығымыз қол соғайық.

Ертегі кейіпкері – Аю: Балалар, Күз бізге ең дәмді әрі пайдалы дәрумендерді сыйға тартатын ең жомарт мезгіл. Тәтті алманы да, үлбіреген жүзімді де күз мезгілінде жейміз. Сондықтан да күз мезгіліне алғыс айтуымыз керек.

Жүргізуші: Аю, сен тағы да дұрыс айттың. Біздің балалар күзге деген алғыстарын тақпақ арқылы білдіреді. Қане, балалар, жомарт күзге арнаған әдемі тақпақтарымызды айтып берейік.

Тақпақтар:

Мадияр: Күзім, күзім, күзім,

Пісті алма, жүзім.

Айша: Сап-сары маңай,

Сап-сары тоғай.

Соңғы әнін айтып,

Құс кетті қайтып.

Алдияр: Келді міне күз,

Айнала сары түс.

Керемет, тамаша

Қандай әсем күз.

Ертегі кейіпкерлері: Балалар, біздің орманға қонақ боп жиі келіп тұрыңдар, сендермен ойын ойнаған, әдемі әндерің мен тақпақтарыңды тыңдаған, әсем билеріңді тамашалаған өте қызықты. Сендерге көп-көп рахмет. Мынау сендерге сыйлық. Біз сияқты тату болып, сыйлықты бөлісіңдер. Балабақшаға барған соң ашып көріңдер, сендерге ұнайтынына сенімдіміз.

Жүргізуші: - Менің тату достарым, сендерге де рахмет.

Күз арқылы білемізЖомарттықтың салтын біз.Біз өзіңді сүйеміз,Балалар: Рахмет саған, алтын күз!

Жүргізуші: - Осымен біздің ертеңгілігіміз аяқталды. Барлықтарыңа рахмет, енді балабақшамызға қайтайық.