Сиқырлы қолшатыр тақырыбындағы шығармашылық материал

Сиқырлы қолшатыр ортаңғы топ

Музыканың сүйемелдеуімен залға қолдарына жапырақтар ұстаған балалар кіреді.

Жүргізуші:

Амансың ба, алтын күн,

Амансың ба, жер ана!

Амансың ба, достарым,

Сендерді көрсем қуанам.

Астық пісіп, орақ түсіп.

Қырман дәнге толады.

Бөбектерім, айтыңдаршы,

Бұл қай кезде болады?

Балалар: Күзде!

Балалар күз туралы өлең оқиды.

Берекесін сыйлауға,

Өлкемізге күз келді.

Жемістерін жинауға,

Шақырады бідерді.

Құстар қайтты ән салып,

Бұлт шарлады аспанды.

Қыс келеді жар салып,

Күзгі суық басталды.

Күзім-ау, күзім-ау,

Мінезің бұзық-ау.

Жаңбырың сіркіреп,

Келгенің қызық-ау.

Ән. «Күз бояуы»

Жүргізуші: Балалар, қараңдаршы, күзгі орман неткен әдемі! Ару Күз бізге қаншама жарқын түс сыйлады!

Қолына жапырақ ұстаған бала шығады.

Біз-жапырақпыз, жапырақпыз,

Бұтақтарда отырамыз,

Біз жапырақпыз, жапырақпыз,

Жел соқса, бірден ұшамыз!

Би. «Күз жапырақтары»

Жүргізуші: Балалар, ал енді күз жапырақтарымен ойын ойнайық!

Ойын. «Өз үйшігіңді тап» (жапырақтармен)

3орындыққа 3үлкен картон жапырақты қояды: жасыл, сарғылт, сары; балалардың қолында осындай түсті екі жапырақтан. Балаларға түсі бойынша өз жапырағын «үйшігін» тауып, жапырақтардың жанына тұруды ұсынады.

1-бөлім. «Марш» ойнайды-балалар өздерінің жапырақтарының жанында адымдайды.

2-бөлім. «Полька» ойнайды-жан-жаққа еркін жүгіреді; музыка аяқталғанда-өз жапырақтарының жанына «үйшік» салады. Кімнің командасы жылдам?

Жүргізуші: Бүгінгі күзгі мереке қандай ғажап! (көңілді музыка ойналады). Ой, естідіңдер ме, музыка ойнап тұр, мүмкін, бізге біреу қонаққа асығып келе жатқан шығар! Балалар, көңіліміз көтерілуі үшін алақандарыңды шапалақтаңдар!

Музыканың сүйемелдеуімен қолына түрлі-түсті үлкен қолшатыр ұстаған сайқымазақ шығады.

Сайқымазақ: Сәлеметсіңдер ме, балалар! Мені таныдыңдар ма? Мен әлемдегі ең көңілді сайқымазақпын, мені бәрі жақсы көреді! Ал менің есімім Бим! Сонымен, танысайық, мен-Биммін-мені бәрі жақсы көреді! Ал сендерде қандай мереке?

Балалар Күз мерекесін қарсы алып жатырмыз деп жауап береді.

Сайқымазақ: Алақай! Мен мерекені сондай жақсы көремін! Яғни, ең түрлі-түсті мереке басталған сияқты!

Жүргізуші: Иә, Бим! Біздің мерекеміз басталып та кетті және біз сені қонақта көргенімізге өте қуаныштымыз!

Сайқымазақ: Ал мен сендерге жайдан-жай келмедім, тосынсый алып келдім! Қараңдаршы, менің қолымдағы қолшатырым қандай әдемі. Ол жай қолшатыр емес, сиқырлы қолшатыр, себебі ол кез келген тілекті орындайды! Тек қолшатырды айналдырып, сиқырлы сөздерді айту керек: «Қолшатырым, қолшатырым, айналшы, арман-тілегімді орындашы!»

Жүргізуші: Керемет! Сайқымазақ Бим, ал сенің қолшатырың кез келген тілекті орындай ма?

Сайқымазақ: Кез келгенін! Ал армандаңдар!

Жүргізуші: Күз туралы өлең тыңдағымыз келеді.

Сайқымазақ (қолшатырды айналдырады).

Қолшатырым, сен айналшы,

Армандарды орындашы!

Өлеңсіз мерекеміз қалай өтпек?

Кім өлең жолдарын оқып береді?

Балалар күз туралы өлең оқиды.

Жүргізуші: Сайқымазақ Бим, ал біздің балаларымыз жұмбақ шешкенді қатты ұнатады.

Сайқымазақ (қолшатырын айналдырып)

Қолшатырым, сен айналшы,

Армандарды орындашы!

Жұмбақтарсыз мерекеміз қалай өтпек?

Жұмбақтарды кім шешеді?

Бір аяғы, қалқиған қалпағы бар,

Ағаш түбінде тұрағы бар.

Ол не балалар? (саңырауқұлақ)

Бұл саңырауқұлақты жемеңдер!

Ол не екен, ойланып көріңдер? (шыбынжұт)

Сырылдатады шәйнегін,

Ұнатпаса да жұрт, мейлі.

Тереземіздің әйнегін жуады,

Бірақ сүртпейді. (жаңбыр)