Сиқырлы құлып квест ойыны мектепке дейінгі балаларға

Мақсат пен міндет

Баланың ойлау,танымдық, шығармашылық қабілеттерін, бірлесе әрекет ету іс-қимылдарын, тілдерді үйренуге деген қызығушылығы, ұйымшылдыққа, тапсырмалардың шешімін оңай және жылдам шешуге,топта жұмыс жасауға, өзіндік пікір қалыптастыруға жетелеуге. Сонымен қатар, ойын барысында әртүрлі әдіс-тәсілдерді, ойындарды қолдану. КВЕСТ ойынының ұйымдастыруда алдына белгіленген бір нақты мақсат қойылады, яғни (кейіпкерді құтқару, қазына табу, картамен жұмыс т.б.) Көмекшінің көмегіне жүгінуге болады.

Тәрбиеші: Қайырлы күн,балалар! Менің көңіл -күйім жақсы,мен сендерді көргеніме өте қуаныштымын! Мен өзімнің көңіл-күйімді сендермен бөліскім келеді.Дағды қызметіне бейімделу үшін бір-бірімізге күлімсіреп, алақанымызды көршіміздің алақанына тигізіп жақсы көңіл-күй тілейік.

- Балалар, біздің балабақшаның электрондық поштасына хат келіпті. Оны бізге жолдаған Ертегілер әлеміндегі біздің досымыз Ақылды мысық екен.

Ол хатта бізге маршруттық картаның нұсқауын жіберіпті және де осы карта бойынша не істеу керектігімізді жазыпты. Мен картаны шығарып, сендерге алып келдім.

-Мінекей, ақылды мысық бізге осы карта арқылы жүріп, дайындаған ойындарын дұрыс орындасақ, сендерге керемет тосынсый болады деп жазыпты.

-Ал, балалар саяхатқа шығуға дайынсыңдар ма?

Балалар: иә

Тәрбиеші: -Керемет, онда біз қазір ерекше саяхат жасаймыз. Әр аялдамада біздің жүру бағытымызды анықтауға көмектесетін түрлі деңгейдегі әр түрлі ойындар орындайтын боламыз.

Сонымен, достар, алдымызда жолымызды анықтауға арналған аялдамалар көрсетілген маршруттық карта.

Ойын аялдама бойынша жүргізіледі. Әр аялдамада әртүрлі ойындар берілген. Егер ойындарды дұрыс орындасақ,тосынсый болады.Ал, балалар, ендеше дайынсыңдар ма? Карта бойынша бізге ең алдымен іздермен жүру керек.

№ 1 аялдама «Ой сергіту»

Үстел үстіне суреттер қойылады. Сол суреттердің жетіспейтін бөліктері араласып шашылып жатады, сол бөліктерді суретке сәйкес қою керек. Біз дұрыс орындасақ, бізге жол ашылады. (Таным)

Келесі аялдамаға бізді апаратын жол белгілер арқылы жүреміз.

2 ойын: «Төлдерін тап» Бұл аялдамада берілген мозайка арқылы жануарлардың төлдерін табу. (Қатынас)

Әрі қарай белгілер жоқ, себебі,

-Мен сұрақтар қоям, жұмбақ жасырам. Сендер дұрыс жауап берсеңдер, бізге жол ашылады.

Жұмбақ жасыру:

1.Аяз қысып, өрнек сызып,

Терезені торлайды.

Қарға омбығып,

бет домбығып,

Сырғанап балалар ойнайды.

Айтыңдаршы бөбектерім, Бұл қай мезгілде болады? (қыс мезгілі)