Сіз деген әдеп, біз деген көмек сабақ жоспары

САБАҚ:

Сіз деген – әдеп, біз деген -көмек

Мектеп: №80 мектеп-лицейі

Күні:

Мұғалімнің есімі: Асилова Ұлжан

СЫНЫП: 3 Ж

Қатысқандар саны:

Қатыспағандар:

Сабақ негізделген оқу

мақсаты (мақсаттары)

Сыйластық, қамқорлық құндылықтарын ұғынады. Үлкенге құрмет көрсету, кішіге қамқор болу тәрізді әдептілік қағидаларын меңгереді.

Сабақ мақсаттары

Барлық оқушылар:

Оқулықта берілген тапсырмаларды орындайды. Тақырыпты меңгереді.

Оқушылардың басым бөлігі:

Тақырыптың маңызы туралы дәлелдеп айтып бере алады.

Кейбір оқушылар:

Білімді сыныптастарына түсіндіріп оқулықтан тыс ресурстар қоса алады.

Бағалау критерийі

Жеке, жұптық, топтық тапсырмаларды орындай алады.

Сабақ барысында тыңдаушының назарын өзіне аудара алады.

Ресурстар

Оқулық, суреттер, топқа бөлуге арналған кеспе қағаздар және әртүрлі заттар, топтық тапсырмалар, кері байланыс, стикер.

Әдіс-тәсілдер

Күншуақ, «Жалғастыр» ойыны,сұрақ-жауап, сәйкестендіру, «Суреттер сөйлейді», сахналық көрініс, әңгімелеу, түсіндіру, ойын, көрнекілік. Рефлексия.

Пәнаралық байланыс

Музыка, қазақ тілі, бейнелеу өнері, әдебиеттік оқу

Жоспарланған

уақыт

Жоспарланған жаттығулар (төменде

жоспарланған жаттығулармен қатар,

ескертпелерді жазыңыз)

Ресурстар

Басталуы 5 минут

Психологиялық ахуал қалыптастыру:

1. Кіріспе. «Әдеппен сөйлеп әдептен».Балалар шаттық шеңберін құрып келген қонақтармен амандасады.— Армысың қайырымды Аспан ата,— Армысың мейірімді Жер – Ана,— Армысың шұғылалы Нұрлы Күн,— Армысың мектептегі сыныптас,— Армысыздар, құрметті мұғалімдер.

Балалар, біз қазір неге амандастық деп ойлайсыңдар?— Үлкендермен және барлық адамдермен амандасу керек.Амандасу ненің белгісі?Амандасу әдептіліктің белгісі.

Топқа бірігу

Жүрек стикерлер арқылы 4 топқа біріктіру.

1-топ «Қанағат»

2-топ «Рақым»

3-топ «Талап»

4 топ «Еңбек»

Балалар шаттық шеңберін құрып келген қонақтармен амандасады

Жүрек стикерлер арқылы 4 топқа біріктіру

Ортасы 20 минут

5-минут

Оқулықпен жұмыс Хормен оқыту

Әдеп

Сыйластықты іздеген

Әдеп сақтар ізгі өрен,

Сыпайылық белгісі-

Үлкендерге «Сіз»деген.

Топтық жұмыс Тыңдалым

Бірлік

Данияр мектептен келсе, үйдің алды омбы қар боп қалыпты. Ол тамағын ішті, аздап демалды да аулаға шықты. Қорадан қол шанасын алып, оған талдан тоқыған қорапты таңып бекітті. Қолына күрек алды. Ауланың қарын тазартуға кірісті. Қорапқа қар толтырып, шанамен сырғытып, оны алысқа апарып төгеді. Жалғыз өзі қанша қимылдаса да, ісі өнбеді.

-Данияр! Кел, мен саған көмектесейін, — деді көрші үйдегі досы Нариман. Нариман да қол шанасын сүйреп шығыпты.

-Содан кейін бірігіп біздің үйдің алдын тазалайық,жарай ма?

-Жарайды, — деді Данияр қуанып.

Екеуі екі шанамен қар толтырып тасып, жұмысты тез аяқтады. Осыдан кейін Нариманның үйінің алдына келді. Бұлардың жанына көмекке көрші үйдегі Берік пен Серік келді. Төртеуі ойнап- күліп жүріп, қызу еңбекке кірісті. Олардың бұл істеріне үлкендер сүйсіне, қызыға қарайды.

-Алақай! Екі сағатта бәрін бітірдік! – деп айқайлады балалар. Осылайша, төрт дос күш қосып, төрт үйдің алдын лезде- ақ қардан тазалап шықты. Мұның аты – бірлік еді.

1-топ Мәтін желісі бойынша оқиғаны ретімен сәйкестендіру

2-топ Бірлік сөзін топтастыру (Күншуақ)

3-топ Мәтін мазмұны бойынша сурет салу

4-топ Мәтін желісі бойынша сахналық көрініс.

Тыңдалым

Сергіту сәті

2 минут