Сөйлем және оның түрлерін қайталауға арналған ашық сабақ

Сабақтың тақырыбы: Сөйлем және оның түрлерін еске түсіреміз.

Сабақтың мақсаты:

1. Сөйлем және оның түрлері жайлы білімдерін ескетүсіре отырып толықтыру; Сөйлемді айтылу мақсатына қарай ажырата білуге машықтандыру және сауаттылықтарын арттыру.

2. Оқушының танымдық белсенділігін арттыру, ойын, тілін, дамыту.

3. Ұқыптылыққа, сауатты жазуға, дұрыс отыруға тәрбиелеу.

Сабақтың түрі: Аралас

Сабақтың көрнекілігі: слайд, карточка, суреттер.

Сабақтың әдісі: сұрақ-жауап, әңгімелеу.

Пәнаралық байланыс: Ана тілі, дүниетану, математика

Сабақтың барысы:

І. Ұйымдастыру кезеңі.

а)Психологиялық дайындық.

Шаттық шеңбері

– Қайырлы күн, қымбатты балалар! Бүгін мен сендерді ерекше көңіл-күймен қарсы алып тұрмын. Сендер үшін бір керемет әрі жақсы нәрсе жасағым келіп тұр.

Кәнеки, өзіміздің шаттық шеңберімізде тұрып, Мейірімді періштесі сыйлаған «Сиқырлы таяқшаны» бір-бірімізге бере отырып, жақсы сөздер мен игілікті тілектер айтайық. Осы таяқшаның көмегімен біз мейірімді сиқыршыға айналамыз. Балалар, мен өзімнің тілегімді бірінші айтайыншы:

Бақыт, шаттық тілеймін,

Ертемен барлық балаға.

ІІ. Қайталау сабағы

Проблемдік ситуация туғызу. Ребус шешу.

-Ал,балалар ребус шешіп көрейік.(сөйлем)

С

К

-Қандай сөз шықты?

-Сөйлем.

-Ендеше біздің тақырыбымыз неге байланысты болады?

-Сөйлем тақырыбына байланысты. Оқушылар 1-2 сыныптардан сөйлем тақырыбымен таныссыңдар. Ендеше сөйлем тақырыбы бойынша нені білеміз? Канеки,ойымызды жинақтайықшы.

-Ал енді айтқан ойларымызды топтастырып көрейік

Топтық жұмыс:

Ә)Топтастыру постер құрастыру. Сөйлем дегеніміз не? Топтың екі оқушысы өз жауаптарын тақтаға шығып өорғайды.

Сөйлем сөзден құралады.

Сөйлемнің бірінші сөзі бас әріптен басталып жазылады.

Сөйлемдегі сөздер бөлек жазылады.

Сөйлем соңына (?) (!) (.) қойылады.

Сөйлемдегі сөздер бір- бірімен байланысты болады.

Сөйлем тиянақты ойды білдіреді.

Сөйлем түрлері. «Тыныс белгісін тап» ойыны.

Мейіржан жылы киінді

Маржан нешінші сыныпта оқиды

Алақай, апам келе жатыр

осы сөйлемдерде не жетіспейді?

Тыныс белгілері

Ол қандай тыныс белгілері?

Нүкте,сұрақ белгісі,леп белгісі

Бірінші сөйлемнің соңына қандай тыныс белгісі қойылады?

Нүкте

Ол қандай сөйлем?

Хабарлы сөйлем

Екінші сөйлемнің соңына қандай тыныс белгісі қойылады?

Сұрақ белгісі

Ол қандай сөйлем?

Сұраулы сөйлем.

Үшінші сөйлемнің соңына қандай тыныс белгісі қойылады?

Леп белгісі

Ол қандай сөйлем?

Лепті сөйлем

-Балалар біз сендермен сөйлемнің түрлерін анықтадық.

Әрқайсысының анықтамаларын оқушыларға айтқызу.

1.Бірдеңе жайлы хабарлау мақсатымен айтылған сөйлемді хабарлы сөйлем

дейміз.

2.Жауап алу мақсатында айтылған айтылған сөйлемді сұраулы сөйлем

дейміз.

3.Лепті сөйлем адамның көңіл күйін,сезімін білдіреді.Олар көтеріңкі

дауыспен айтылады.

-Бүгінгі сабағымыздың мақсаты қандай?

-Сөйлем тақырыбын еске түсіру.

Мұғалім: «Қандай сөйлем?»

Сөйлемдерді оқу, оқушылар сөйлемге қандай тыныс белгісін кою керек екенін анықтап, қолдарындағы таңбаны көрсетеді. (. ? !)

16- желтоқсан туелсіздік күні ме?

Анам дүкеннен келді.

Күн суытты ма?

Тыныш отыр!

Хатты тез жеткізіңіз.

Кең далам!

Бүгін күн қандай тамаша!

Менің анам өте тамаша адам.

Айжан сабаққа келді ме?