Сөз және оның мағынасы бойынша сабақ жоспары 3 сынып

Қазақ тілі

Сабақтың тақырыбы: Сөз және оның мағынасы

Сабақтың мақсаты: 1.Сөз және оның мағынасы туралы 2-сыныптағы алған білімін қайталап, еске түсіре отырып, жаттығулар орындау;

2.Сөздік қорын, ауызша сөйлеу тілін дамыту;

3.Дәптермен, тақтамен жұмыс жасауда ұқыптылыққа, тазалыққа тәрбиелеу

Сабақтың түрі: Жаңа сабақ.

Сабақтың әдіс-тәсілдері: сұрақ-жауап, көрнекілік, жаттығу жұмыстары.

Сабақтың көрнекіліктері: тірек сызбалар, мазмұнды суреттер

Сабақтың барысы: І. Ұйымдастыру кезеңі: сабаққа даярлық.

ІІ. Мақсат қою кезеңі: сабақтың тақырыбын, мақсатын хабарлау.

ІІІ. Жаңа материалмен жұмыс:

а) өткенді еске түсіру. Сөз дегеніміз не? Сөздің қандай мағыналарын білесің?

ә) оқулықпен жұмыс. 1-жаттығу (тірек сызба көмегімен сөз таптарын еске түсіру)

б) дәптермен жұмыс. Күн ретін жазу.

2-жаттығу. Сөздерді оқу, ондағы ұқсастық пен айырмашылықты бөліп көрсету, сөйлем құрау.

тон – тоң рас – лас

тонды – тоңды ара – ала

жана – жаңа қатар - қатал

Мысалы: Жазда аралар гүлдерден бал жинайды. Айдостың ала сиыры жайылып жүр.

3-жаттығу. Аспан, жер және суға қатысты сөздерді тауып жаз.

Аспанда: ай, жұлдыз, күн, бұлттар, құстар, тікұшақ.

Жерде: топырақ, тастар, жәндіктер.

Суда: балықтар, балдырлар, кеме, қайық .

в) Сергіту жаттығуы.

Ұшайықшы бәріміз,

Оңға қарай бір ұшып,

Солға қарай бір ұшып,

Шарлайықшы жер шарын.

4-жаттығуды өзіндік жұмыс ретінде балаларға сурет бойынша сөйлем құрап жаздырту.

5-жаттығу. Оқушылардың үстел жайында білімдерін ауызша сұрау, суретпен жұмыс жүргізу.

ІҮ.Бекіту:

а) 6-жаттығудағы ақпаратты есте сақтап талдау.

Үстел – тамақ ішуге, жазуға арналған төрт, екі, бір сирақты, үсті тегіс үй жиһазы.

ә) Ойын «Кім тапқыр?» Ойының шарты: оқушыларды 4 топқа бөліп, зат, сын, сан есім, етістік бойынша сөздер айтқызу, сұрақ қою.

Ү. Қорытындылау .

- Балалар, бүгін біз не үйрендік?

- Сөз туралы не білеміз?

- Сөз мағынасына қарай қалай бөлінеді?

ҮІ. Үйге тапсырма: 7- жаттығу 5-бет.

ҮІІ. Оқушыларды бағалау.