Сүйіспеншілік таным жолы ретінде материалы, 8-сынып

Мектеп: №32 ЖОББМ Күні: _____________________ №:7-8

Тақырып: СҮЙІСПЕНШІЛІК – ТАНЫМ ЖОЛЫ РЕТІНДЕ

Құндылық: Сүйіспеншілік Қасиеттер: мейірімділік сабырлық,кешірімділік

Мұғалім:Токенова Ж.С Сынып: 8 Барлығы:

Мақсаты: оқушыларға өзін-өзі тану арқылы сүйіспеншілікпен өмір сүрудің мағынасын түсіндіре отырып, сүйіспеншілік құндылығының мәнін ашу.

Міндеттері:

Білімділік: оқушыларға «таным», «әр сәт», «себеп», «салдар», «әрекет» ұғымдары туралы түсінік беру;

Тәрбиелілігі: оқушыларды мейірімділікке сабырлыққа,кешірімділікке тәрбиелеу;

Дамытуышылығы: оқушылардың мейірімділікпен ойлау, сөйлеу, әрекет ету дағдыларын дамыту;

Ресурстар:дәптер,

үнтаспа,

құралдар,мәліметтер

Сабақ барысы:

1.Ұйымдастырушылық кезең

Оқушылармен амандасу. «Өзін-өзі тану» сабағының ережесін «5-Т» еске түсіру

Тыныштық сәті:

-Балалар, дұрыс отырайық,арқаларыңызды түзу ұстайық,қолдарыңызды партаға қоюға болады,көздеріңізді жұмайық

Ескерту

Топпен атау (тәртіп,талап,тазалық,татулық,тыныштық)

Жәй баяу жағымды музыка қою)

Үй тапсырмасын тексеру

№1сабақ: «Хаттар» (Ы.Алтынсариннің Н.И.Ильминскийге жазған хаттарынан үзінділер)

Талқылау сұрақтары

Ыбырай алтынсарин халқының игілігі үшін алдына қандай мақсат қойды?

Оның Николай Ивановичке жазған хатындағы көтерілген мәселелер қаншалықты маңызды?

Ұлы ұстаз кітаптың мазмұнына не себептен аса мән берді?

Оның еліне сүйіспеншілігі қандай іс-әрекетінен көрінеді?

Өзің халқыңның болашағының жарқын болуы үшін қандай мақсат қойған болар едің?

№2сабақ: «Балапан торғай» Бердібек Соқпақбаев

Талқылау сұрақтары:

Қожаның торғайға қамқорлығынан қандай қасиеттерді көруге болады?

Қамқорлық көрсету, жанашырлық таныту,, басқаның қамын ойлау қандай құндылықтың көрінісі болып табылады?

«Сүйіспеншілік - жүректе» дегенді қалай түсінесіңдер?

Басқаларға сүйіспеншілік танытқанда қандай әсерге бөленесіңдер?

Дәйексөз

Топпен 3 рет қайталау, дәптерге жазып алу

Махаббат – іс-әрекеттің қуатты көзі.

Клод Адриан Гельвеций

Мүмкін сен бұл әлемде жай ғана адам шығарсың, ал біреу үшін бүкіл әлемнің өзісің. Маркес

Дәйексөздің мағынасын қалай түсіндіңдер?

Бірге оқимыз(Мұғалімнің сыйы)

№1сабақ:

Сүйіспеншіліктің күші туралы

Бір адам өте күшті болғысы келіпті. Содан ол ешнәрседен қорықпайтын, бәрін жеңе алатын күшті қалайды.

Бір күні оған өтіп бара жатқан адам келіп, былай дейді: «Күш – сүйіспеншілікте. Шөл далаға, ну орманға бар, жүрегіңдегі сүйіспеншілікпен әрекет жаса». Адам ешнәрсені түсінбесе де шөл далаға жолға шықты, сонда да сүйіспеншіліктің қалай көмектесетіндігін ұғына алмады.

Шөл даламен келе жатады, ешкім жоқ. Күн тас төбеде, құдық жоқ, ыстық титықтатып бітті, тері ақты. Ары жүруге күші де қалмады. Не істеу керек? Әбден діңкесі құрығанда, жат та өле бер деген халге жеткенде, кенет ол Сүйіспеншіліктің Күшін есіне алды да ойланды: «Жарайды, бәрібір өлемін, оданда соңғы күшімді өмір сүргенім мен осы өмірді сүйгенім үшін, мына әлемге соңғы рет Сүйіспеншілік пен Алғысымды жіберуге жұмсайын. Босқа күшті болғым келген екен, жәй ғана өмір сүріп жатқаным үшін қуануым керек еді, ал мен ... маған бәрі аз болған ...».

Адам күрсінді де соңғы Сөздерімен өмірге, Күнге және шөл далаға Сүйіспеншілігін білдірді. Бұл Сүйіспеншілігінен оның жанының балқығаны сондай, ол шөл даланың ыстығын сезінбейтін болды, ал күші болса баяғы қалпына түсті. Адам өте таңырқады. Көңілденіп, ән салып ары қарай жүріп кетті. Бүкіл әлемге, шөл далаға және Күнге Сүйіспеншілігін жолдады. Міне алыстан орман да көрінді. Адам Сүйіспеншіліктің шөл даланы және ажалды жеңуге көмектескенін түсінді.

Ол келе жатты, бірақ алдынан ажалдың күтіп тұрғанын білмеді: жылан оны шағуға дайындалып тұрған еді. Ал адам болса әнін айтып келе жатты. Кенет ауада оған бір нәрсе найзағайдай жарқ ете қалды, ол бір нәрсе ойлап та үлгермеді, тек оның жүрегі сүйіспеншілікті төге берді. Таңғажайып жағдай болды: жылан улы тілін адамнан тартып әкетті. Ал адам болса, жүріп келе жатқан қалпында ары қарай да жүре берді.

Адам жігерлене түсті, Сүйіспеншіліктің Күшін біраз түсіне бастағандай. Өзіне емес, өзі үшін емес, кездескенге деген Сүйіспеншілік. Одан әрі жүріп келеді. Одан да көңілдірек бола түсті. Орманға келіп кіреді. Қараңғы түсе бастады. Орманда қорқыныш билей бастады. Бір жерлерден уілдеген дауыстар естіледі, біресе үстінен пыр етіп ұшқандай болады, сатыр-сұтыр, тырсылдар, жүрегіне үрей үйірілді. Қорқыныш оны қыса бастады. Адам тәубесін үйіріп, ойлады: «Болды, ажал келді». Жақын жерден ырылды естігенде өмірімен қоштаса бастады да, Сүйіспеншілік туралы есіне алды. «Не болса да болар» деп ойлады.