Сұлу анам туралы өлең мен әңгімелер жинағы

Сұлу анам

Сен күлсең әлем күліп қарағандай,

Алғысымды жеткіземін саған қалай?!

Сенсің менің шуақ шашқан жарық күнім,

Сенсің менің жылуым, таңымда арай.

Асыл анам, ару анам, көріктім,

Сендей сұлу жанды қайдан көріппін.

Қабағыңа кірбің түскен сәттерде мен,

Су сепкен жалындай боп сөніппін.

Сендей адам бұл өмірде білемін жоқ,

Өзің барда шаттанып, күлемін көп.

Қасымда болшы мәңгі жан анашым,

Қарыздарым алдыңда білемін көп.

Дәл өзіңдей жақын жоқ сірә маған,

Өзіңсіз тарылады мына ғалам.

Сәл жырақтап кетсем егер жаныңнан,

Сыймаймын жер- әлемге сағынғаннан.

Періштем менің мейірімді,кешірімді,

Бүгін тағы жырға қосам есіміңді.

Жаратқан жар болып бір өзіңе,

Бақыт құсы күзетсін есігіңді.

Авторы: Нурайым Алимкулова