Сыбайлас жемқорлықсыз мінсіз болашақ туралы эссе

Ақтөбе облысы Алға ауданы Тамды орта мектебінің

дене шынықтыру пәнінің мұғалімі

Утегенова Кызгалдак Максатовна

Жемқорлықсыз мінсіз болашақ

Арамдықтан жамандық көрмей қалмас,

Мың күн сынбас, бір күні сынар шөлмек...

Абай

Сыбайлас жемқорлық- бүгінгі таңдағы қоғамның індеті. «Сыбайлас жемқорлық» түсінігі – пара беруді, өзінің қызметтік дәрежесінің лауазымды тұлғасын жеке бас мақсатында тікелей пайдалану деген мағынаны береді. Бұл індет мемлекеттің бәсекеге қабілетін төмендететіні белгілі. Дегенмен де, қандай іс – шаралар атқарылса да, күрес өз нәтижесін бере алмақ емес.

Еллдің ертеңі үшін, болашақ ұрпағымыздың алдындабасымызды тік көтеріп жүру үшін,жемқорлық індетімен белсене күресіп, оны түп – тамырымен жою қажет. Сонау кеңестік заманынан бастау алған «бармақ басты, көз қысты» әдетіміз әлі де басылар емес. Мұнымен қалай күреспек керек?!

Елбасы «Қазақстан – 2050: бір мақсат,бір мүдде, бір болашақ» атты халыққа Жолдауында: Аса маңызды міндет – Сыбайлас жемқорлыққа қарсы жаңа стратегияны қалыптастыру және іске асыруды жалғастыру» деген.

Әрине, сыбайлас жемқорлық дәрі беріп емдейтін сырқат емес. Айналасындағы салауатты, таза және сау ортаны шарпып, тыныс – тіршілігі тарылтатын, заңсыз әрекеттер мен қоғамдық ортаның және мемлекеттік органдардың, ұйымдардың, жеке кәсіпкерлердің азаматтардың қызмет етуіне қатер төндіретін қауіпті дертті болдырмаудың тетігі халықтың өзінде.

Қазіргі таңда мемлекет тарапынан жемқорлыққа қарсы күрес мақсатында ауқымды жұмыстар жүргізілуде. Менің ойымша, жемқорлыққа әкелетін жол мардымсыз жалақы, заңға бағынбау, құқықтық мәдениеттің төмендігі десек, жыл сайын мемлекеттік қызметкерлер мен бюджет саласындағы қызметкерлердің жалақысы көтерілуде. Зейнеткерлердің орташа зейнетақысы 60 мыңды құрайды. Мемлекеттік биліктегі шенеуіктердің қызметі халықтың көз алдында болуы керек. Және олардың санына да шектеу қойған дұрыс. Ең төмен жалақы алатын жұмысшылардың айлық жалақысы көтерілсе нұр үстіне нұр болары сөзсіз.

«Біз қандай жағдайда жемқорлықтан құтыламыз?» деген сауалға мен мына

жағдайларды атап көрсетер едім:

1.Пара бермеу және алмау.

2.Мақсаты нәтижелерге жету үшін,өз мүмкіншілігіңмен жетуге тырысу.

3.Парақорлықты көрсеңіз жергілікті органдарға және ақпарат көздеріне хабар

беру.