Сыйынар ем ана деген тәңірге 4 сынып тәрбие сағаты

«Ғани Мұратбаев атындағы орта мектебі» КММ

Бастауыш сынып мұғалімі: Ахатаева Қанат Заманбековна

Тақырыбы: Сыйынар-ем ана деген тәңірге

Аяулы да қымбатты аналар мен аруларымыздың мерекесі 8 наурызда 4 «А» сынып оқушыларының ата-аналарына мен ұстаздарына арналған «Сыйынар ем ана деген тәңірге» атты тәрбие сағатына қош келдіңіздер.

Мерекелік кештің басты мақсаты: Нәзік жанды аруларымыздың қоғамдағы рөлінің айтарлықтай екендігін дәлелдеп, оларға қуаныш сыйлау. Оқушылардың оларға деген ізгі ниеттерін көрсету.

Аяулым: Армысыздар, аяулы аналар, құрметті ұстаздар, гүлдей құлпырған қыздар! Барлығымыз асыға күткен көктемнің алғашқы күндерімен бірге 8 наурыз Халықаралық әйелдер күні де келіп жетті. Бұл - бір қолымен бесікті, екінші қолымен әлемді тербеткен аналар мен нәзік жанды қыздар қауымының төл мерекесі.

Сенен өскен балалар,

Батырлар мен даналар.

Құттықтаймыз мейраммен,

Құрметті, жан аналар!

Балым: Қош келдіңіздер, құрметті аналар мен мектебіміздің ұстаз, қыздары! Бүгінгі мерекелеріңіз құтты болсын! Сіздерге сарқылмайтын денсаулық, ұзақ ғұмыр тілейміз. Осы күні өздеріңізге бағытталған тілектер періштенің құлағына шалынсын. Әрдайым біздердің жанымызда жүре беріңіздер.

Ана десем шешек ашып жанары,

Өмірімнің бастау алар ажары.

Ана деген тіршілікке пана боп,

Әрбір үйде жұлдыз болып жанады, - дей отырып, алғашқы мерекелік құттықтау сөзді Телмухамбетова Бақытгул апайға береміз.

Шалқып, тасып әніміз

Жадырасын жанымыз,

Ана, сені құттықтап,

Әндетеміз бәріміз. Алдарыңызға әнші шәкірттеріңіздің орындауындағы «Ана туралы ән» қол соғып қошеметтеп қарсы алыңыздар.

Аяулым: Барша ана құтты болсын мерекеңіз,

Әрқашан ана сізбен берекеміз.

Ақтасақ ақ сүтіңді, асыл анам,

Сонда біз кісілікке теңесеміз,-дей отырып ұл-қыздарыңыз жүрекжарды тілектерін ұсынады.

Балым: Құлақтан кіріп, бойды алар,

Әсем ән мен тәтті күй.

Көңілге түрлі ой салар,

Әнді сүйсең, менше сүй, – деп, Абай атамыз айтқандай ... Амангелді Шырын, Төлеуғазы Аяулымның орындауындағы «Менің әжем дара» әнін қабыл алыңыздар.

Аяулым: Үкілі кәмшат, бүрмелі көйлек.

Тұрғандай өзі, қимылсыз билеп,

Иықтан шашып, төгіліп жерге,

Күмісті шашбау, жарасып белге деп ақын ағаларымыз жырлағандай келесі кезекті 4 «А» сынып бишілеріне береміз. Флешмоп

Балым: Талай ренжітсек те, еркелігімізді көтеріп, туған анамыздай маңдайымыздан сипай білген ұстаздарымызға айтар алғысымыз шексіз. Олардың еңбегі ұлан-асыр мұхитпен тең. Сабақтарды әрдайым қызықты өткізіп, ойын ойнататындарыңыз әлі де есімізде. Сол себепті бүгін біз сіздерді ойнатамыз. Ойын: Қағазға алдын ала ерекше қылығы бар 3 ұстаздың және 3 оқушының есімі жазылады. Артынша бұл қағаздар таратылады. Ұстаздар қағазда есімі жазылған оқушыны, ал оқушылар ұстазына пародия салады. Барынша сыпайы жақсы мінездерін салуға тырысу керек.

Сайлауғазықызы Балымның орындауындағы «Аяулы анашым» әнін қабыл алыңыздар.

Аяулым: Бишілер бар бізде қыздар мен ұлдар тобы, Мерекеге өнерімен келген бүгін. Таң қалдырып, қанекей би билеші, Қол соғып, демеу берсе көрермендер! - деп кезекті Ерқанат пен Алидің орындауынды «Қазақ биіне» береміз.