Сынып жетекшілер әдістемелік бірлестігі жұмысы 3 сынып

Сынып жетекшілер әдістемелік бірлестігі жұмысын ұйымдастырудың

тиімділігі

Атырау облысы Исатай ауданы Нарын ауылы

Жалпы білім беретін Нарын орта мектебі

I санатты бастауыш сынып мұғалімі

Нарымбетова Анар Болатқызы

Ұлттың болашағы – ұрпағында болса, жас ұрпақтың тәрбиесі – сынып жетекшілердің қолында.Ал,сынып жетекшінің мұраты – жетілген, толыққанды азамат тәрбиелеу.Ұрпақ тәрбиесі – адамзат баласының асыл мұраты.Қазақстан Республикасының Президенті Н.Ә. Назарбаев «Нұрлы жол – болашаққа бастар жол» Қазақстан халқына Жолдауында: «Mәңгілік Ел – елдің біріктіруші күші, ешқашан таусылмас қуат көзі.Ол «Қазақстан-2050» Стратегиясының ғана емес,XXI ғасырдағы Қазақстан мемлекетінің мызғымас идеялық тұғыры! Жаңа Қазақстандық патриотизм дегеніміздің өзі – Мәңгілік Ел! Ол – барша Қазақстан қоғамының осындай ұлы құндылығы», − деп атап көрсеткен болатын [1]. «Mәңгілік Ел» жалпыұлттық идеясын жүзеге асырудың іргетасы білім беру ұйымдарында қалануы тиіс. Бұл үшін мектепте сапалы білім берумен қатар мақсатты түрде саналы тәрбие жұмысын жүргізу қажет деген болатын.

Тәрбие – жеке тұлғаны мақсатты қалыптастыру процесі. Бұл арнайы ұйымдастырылған, басқарылатын және бақыланатын, соңғы нәтижесі қоғамға қажет және пайдалы тұлға қалыптастыру болып табылатын сынып жетекшілер мен жеке тұлғаның өзара іс-әрекеті. Елдегі орын алған оң өзгерістер білім беру ұйымдары қызметінің тәрбие жүйесінде өз көрінісін тауып отыр. Тәрбие ісінде жалпықазақстандық менталитетті, мәдени, ұлттық-тарихи дәстүрлерді ескере отырып, ұлттың зияткерлік, рухани және шығармашылық әлеуетін жаңғырту үшін жағдайлар жасалуда.

Ғалым В.А.Караковский: Тәрбиелік жүйе ұғымы педагогикалық әрекеттің неғұрлым іргелі факторларының бірін: мектепті өзін-өзі реттеу мен өзін-өзі ұйымдастыруды, өзіндік қызмет ету және даму логикасы бар, әлеуметтік ағза ретінде бейнелейді – деп анықтама берген. Оқу мен тәрбие егіз, оларды бір – бірінен бөліп қарауға болмайды. Ұлы данамыз Әл – Фараби «Адамға ең бірінші білім емес, тәрбие берілуі керек, тәрбиесіз берілген білім адамзаттың қас жауы» десе, ал В. Белинский «Бала тәрбиесіне ерекше мән берілуі керек, тәрбиенің арқасында болашақ адамзат тағдырының негізгі мәселесі шешіледі» деп білгірлікпен дөп басып айтқан. «Ел боламын десең, бесігіңді түзе»,- деп М.Әуезов көрегендікпен дәл айтты емес пе? Бала тәрбиесінің дұрыс жолға түсуі оны қоршаған ортаға, әсіресе отбасы мен ұстаздар қауымының парасаттылығына байланысты. Мемлекетімізде қазіргі таңда сапалы білім берумен қатар, болашақ жастарды рухани – адамгершілікке тәрбиелеудің де зор қажеттігі туындап отыр. Әлеуметтік жағдайлардың өзгеріске ұшырауы білім беру мекемелеріндегі тәрбие жұмыстарын тоқырауға әкелді. Қазіргі кезеңде тәрбиеге және тәрбие жұмыстарына деген жаңаша көзқарас қалыптасуда, олардың ізгілік мәні тереңірек ашылуда.

Тәрбие жұмысын ұйымдастыруда сынып жетекші өзінің оқушыларының инициативасына сүйену, барлық баланың деңгейін, қызығу бағыттарын, әрқайсысының дара дамуын, жеке тұлғалық қалыптасу жолын және шығармашылықпен жаңа формамен түрлендіріп өткізуі,анықтап отыруы қажет. Олай болса, сынып жетекші – мектептегі оқу-тәрбие жұмысын тікелей және негізгі ұйымдастырушы, сыныптағы тәрбие жұмысын жүзеге асыру үшін директор тағайындаған ресми тұлға. Сынып жетекшісі өз оқушыларын ұжымдық әрекетте ауызбіршілікте болуға, сыныпта дәріс беретін мұғалімдер мен тіл табыса білуге, оқушылардың ата-аналары мен байланыста бола отырып жұртшылықпен бала тәрбиесіндегі ықпалын біріктіре білетін ұйымдастырушы.

Сынып жетекшісінің негізгі қызметтері:

тәрбиелеу (баланы әлеуметтік қорғау);

ұйымдастыру (сынып және мектептің тіршілік әрекетінің барлық педагогикалық аспектілері бойынша жұмыс, тұлғаны және ұжымды қалыптастыру, оқушыларды зерделеу);

үйлестіру (тәрбие процесіне қатысушылар – педагогтер, оқушылар, ата-аналар, жұртшылық арасында дұрыс қарым-қатынас орнату);

басқару (оқушылардың жеке ісін және құжаттамалардың басқа түрін жүргізу негізінде тұлға мен ұжым дамуының өзгерісін бақылау).

Сынып жетекшісінің негізгі мақсаты- мектеп оқушыларын қоғамның белсенді және саналы азамат етіп тәрбиелеуге барынша ықпал жасау. Сынып жетекшісі,сыныптағы әрбір жеке тұлғаның ғылыми дүниетанымын қалыптастырудың, адамгершілік қасиеттерін, еңбекке сүйіспеншілігін қамтамасыз етіп, жан-жақты жарасымды дамуына жағдай туғызу. Сондықтан оның жұмысының маңыздылығы мен тәрбиелік шараларының бәрі осы мақсатқа бағытталуы тиіс. Атап айтқанда тәрбиенің негізгі салаларына: ақыл-ой тәрбиесі, адамгершілік тәрбиесі, эстетикалық тәрбие және дене тәрбиесі, құқықтық тәрбие, еңбек тәрбиесі т.б. тәрбие міндеттерін мектеппен сыныптың нақтылы өмір жағдайларына байланысты қарастыру. Сынып жетекшісінің міндеті сан алуан. Сол себепті сынып жетекшісі жүргізетін тәрбие жұмысы өзінің психологиялық мазмұны жағынан өте күрделі әрі көп ізденісті талап етеді.Бұл сынып ұжымындағы әр алуан тәрбиелеудің түрлері арқылы мектеп пен бала арасындағы қарым – қатынасты ұйымдастырып, әр оқушының жеке өзіндік ерекшелігін көрсете білуіне жағдай жасап, өз қызметін оқу – тәрбие жұмысының бірыңғай жүйесінде жүзеге асыратын өз ісінің шебері.Сынып жетекшісінің тәрбие қызметіндегі мақсаты:

1. Білім алушы тұлғасының өзін – өзі дамыту мен өзін іс жүзінде көрсетуі үшін, оның қоғамда табысты әлеуметтенуі үшін жағдай жасау.

2. Балалардың тума нышандары мен қабілеттерін дер кезінде айқындау әрі оңды дамыту,қорғаныс,қауіпсіздік,эмоциялық жайлылығы үшін психологиялық – педагогикалық жағдайлар жасау.

3. Тәрбиеленушілердің әр түрлі шығармашылық, тұлғалық және қоғамдық мәнді іс – әрекетін өмірдің әлеуметтік – жарамды тәжірибесінің көзі ретінде ұйымдастыру: қазіргі және болашақ есейген өміріндегі өзін – өзі дамыту білімі, икемі мен дағдылары, тұлғаның өзін – өзі анықтауы және өзін іс жүзінде көрсете білуі.

4. Өзара бірлескен қарым – қатынас кезінде тәрбиеленушілердің әлеуметтік құнды қарым – қатынастары мен алаңдататын мәселелерін сәйкестендіре ұйымдастыру.Осы тұрғыда мен жетекшілік ететін Нарын орта мектебінің сынып жетекшілер әдістемелік бірлестігі туралы айтар болсам,сынып жетекшілерінің кәсіби шеберлігін арттыру міндеттерін табысты жүзеге асырудың басты шарты әдістемелік бірлестіктегі жұмысы болып саналады. Әдістемелік бірлестіктің (ӘБ) негізгі міндеті сынып жетекшілерінің, тәрбиешілердің әдіскерлік деңгейін одан әрі арттыру, олардың шығармашылық өсуі мен кәсіби мансабына жол ашу, өзін-өзі оқыту мен өзін-өзі дамыту мүдделері үшін әдістемелік жұмыстарды ұйымдастыруға жіктемелік тұрғыдан қарауды жүзеге асыру болып табылады. Әдістемелік жұмыстарды жіктеу әртүрлі оқытуларды (мазмұны, көлемі, күрделілігі, формалары, әдістері мен тәсілдері бойынша) ұйымдастыру көмегімен сынып жетекшілерінің жеке ерекшеліктерін ескеруге мүмкіндік береді. ӘБ жұмысын ұйымдастыру және жоспарлау мұғалімдердің нақты сұранымдарына сай құрылуы керек.Бұл үшін мектепте мұғалімдердің – ӘБ мәжілістеріне, семинарларының тақырыбына енгізуге болатын проблемаларының білімдік сұраныс картасы жасалуы тиіс.

Сынып жетекшілерінің кәсіби даярлығының диагностикасына төмендегі бағыттарды зерттеу жатады:

ғылыми-теориялық;

әдістемелік;

психологиялық-педагогикалық даярлық.

Сынып жетекшісінің диагностикалық, коммуникативті-ынталандырушылық, ұйымдастырушылық, ғылыми-әдістемелік қызметі бағаланады.

Міндеттері:

тәрбие жұмысының психологиясы мен педагогикасы мәселелері бойынша сынып жетекшілерінің теориялық, ғылыми-әдістемелік даярлық деңгейін арттыру;

тәрбиелеудің бірыңғай принциптерінің орындалуын қамтамасыз ету; сынып жетекшілерін қазіргі заманғы тәрбиелеу технологияларымен және қазіргі заманғы жұмыс формалары мен әдістері жөніндегі біліммен қаруландыру;

сынып ұжымдарының тәрбиелік шараларын жоспарлауды, ұйымдастыру және педагогикалық талдауды үйлестіру;

сынып жетекшілері жұмысының озық тәжірибелерін зерделеу, қорыту және практикада пайдалану; сынып ұжымдарының тәрбиелік жұмыстары жүйесінің қалыптасуы мен дамуына жәрдемдесу. Әдістемелік бірлестік төмендегідей құжаттама жүргізеді: бірлестік мүшелерінің тізімі; бірлестіктің жылдық жұмыс жоспары; бірлестік мәжілістерінің хаттамалары; өткізілген шаралар, тақырыптық бақылау қорытындылары бойынша талдау материалдары;сынып ұжымдарындағы және сынып жетекшілерінің қызметіндегі тәрбие жұмысына қатысты әдістемелік құжаттар; «сынып ұжымы әдістемелік жинақтамасының» материалдары. Сынып…