Сыныптағы ұжымшылдық туралы мақала, 9-сыныпқа

Тақырыбы: «Сыныптағы ұжымшылдық»

Мақсаты: сенімділік атмосферасын жасау,сынып оқушыларының бір-бірін жақын тануға, жағымды сәттерді бағалай білуге, бір-біріне сене білуге, позитивті ойлай білуге, ұжымшылдыққа, ынтымақтастыққа үйрету. Топты біріктіру және тиімді командалық өзара әрекеттесу.

Тренинг міндеттері:

1. сыныпта қолайлы психологиялық климатты қалыптастыру;

2. командада жұмыс істей білуді дамыту;

3. сыныпты біріктіру.

Сынып: 8 – 9 сыныптар

Педагог-психолог: Куртубаева А.Т.

Ұйымдастыру кезеңі: /амандасу, тренингке қатысуға келгендерге алғыс айту/

Тренингке дайындық, ережесімен таныстыру: - Тренинг – ойын, ал әрбір ойын ережелерді қажет етеді.

1.«Автопортрет» жаттығуы. Нұсқау: әр қатысушыға қос беттен беріледі, өз сипаттамасын тек бір жағына ғана жазу керектігі және 2 минуттан кейін есімдері көрсетілген беттерді мұғалім жинап алынатындығын ескертеді. Жаттығу шарты: Сізді таныс емес адаммен кездесу күтіп тұр делік, ол бірден сізді тану үшін өзіңізді сипаттап жазыңыз. Көпшіліктен өзіңізді ерекшелендіріп тұратын белгілеріңізді табыңыз. Бет-әлпетіңізді, жүрісіңізді, сөйлеу мәнеріңізді, киім киісіңізді, зейінді аударарлықтай ым-ишараларыңыз болса т.б.

2. «Жақсы оқиғалар» жаттығуы

Уақыты: 15 минут

Мақсаты: тренингті орындауға оң көзқарас қалыптастыру

Жаттығу шарты: шеңбермен отырған әр бір оқушы бүгін таңертең басынан өткен бір жағымды оқиғамен бөлісу қажет.

Сұрақтар: 1) Жақсы оқиғаларды есте сақтау қиын болды ма? Неге деп ойлайсыз?

3. «Интервью» жаттығуы

Мақсаты: топта өзін еркін, ашық ұстау және сенімділік атмосферасын жасау.

Оқушылар өздеріне сыныптағы оқушылар арасынан жақсы таныс болғысы келетін оқушыны жұп қылып таңдап алып, 5 минут ішінде бір оқушы екіншісінен интервью алады, одан кейін орындары ауысады. Ортақ талқылауда әрбір оқушы жұбы туралы жаңа не біле алды, бір-бірінің қандай ұқсастықтары бар сонымен бөліседі.т.б

4.«Біз екеуміз ұқсаспыз, себебі…..» жаттығуы

Уақыты: 10-15 минут

Мақсаты: бір-бірін жақынырақ білу, бір-бірімен танысу (Егер олар бір-бірін білмесе), бір-біріне ұқсас екенін білу.

Жаттығу шарты: оқушылар бір-біріне қарап, сыртқы және ішкі шеңберге тұрады. Екі шеңберде адам саны тең болу қажет. Сыртқы шеңбер оқушылары өздеріне қарама-қарсы тұрған жұптарына «Біз екеуміз ұқсаспыз, себебі…» деген сөйлемді айту керек. Мысалы: Жер планетасында тұрамыз, бір сыныпта оқимыз. т.б