Табиғат білгірлері сыныптан тыс жұмыс 4 сынып

«Н.Төреқұлов атындағы №13 жалпы орта мектебі»

коммуналдық мемлекеттік мекемесі

«Табиғат білгірлері» интеллектуалдық сайысы

2017 – 2018 оқу жылы

Сабақтың тақырыбы: Табиғат білгірлері

Сабақтың мақсаты: Оқушыларға табиғат ерекшеліктерін ұғындыра білу, табиғатты сүйе білуге, оны қорғауға баулу. Оқушылардың ойлау қабілетін дамыту, сөздік қорын байыту. Табиғатты аялап қорғауға, әсемділігін құрметтеуге тәрбиелеу.

Сабақтың көрнекілігі: Слайд

Сабақтың барысы:

Армысыздар, құрметті ұстаздар және ойынға қатысушы сайыскерлер!«Білекті бірді жығады, білімді мыңды жығады» деген дана халқымыз. Біз білім теңізінен жүзіп өткенде ғана еліміздің тірегі, сүйеніші боламыз. Сондықтан да бүгінгі «Табиғат білгірлері» сайысына қош келіпсіздер! Сайысқа келіп отырған оқушыларымыздың жолы ақ болсын деген тілекпен, сайысымызды бастауға рұқсат етіңіздер. Алдымен сайысымызды бастамас бұрын сайыскерлерімізді таныстырып өтейік.Сайыскерлер екі топқа бөлінген.1. «Алғырлар» тобы.2. «Тапқырлар»тобы.

Бүгінгі білім сайысын бағалайтын әділқазылар алқасын таныстыруға рұқсат етіңіздер!

ДОІЖО Қозыбекова Д

ДТІЖО Нұрманова Г

Балалар, біздің бүгінгі сайысымыз табиғат туралы болмақ. Табиғат дегеніміз не?

Назерке: - Табиғат - ол су. Суды тіршілік көзі дейді. Сусыз жер бетіндегі тіршілікті елестету мүмкін емес.Саян: - Табиғат - ол топырақ. Жер бетіндегі тіршілік атаулы қоректік нәрді топырақтан алады.Асель: - Табиғат - ол өсімдік. Өсімдік - бұл жасыл желек, көк майса құрақ, қызыл - жасыл гүлдер.

Динара: - Өсімдік ашыққанда - тамақ, шөлдегенде - сусын, ыстықта - көлеңке, суықта - пана, ауырғанда - дәрі, ренжігенде - қуантатын табиғаттың сұлу көркі. Өсімдік – таза ауа, еліміздің дәулеті - жасыл желек, орман.Аяулым: - Табиғат - ол жануарлар әлемі. Жүгірген аң, ұшқан құс, дала ажары - ақбөкен, әні мен сәні - бұлбұл, су аруы - аққу табиғатымыздың сәні емес пе?

Дұрыс айтасыңдар, табиғат - тіршілік атаулының құтты қоныс мекені, тіршіліктің түлеп өсуіне қажетті нәрі, жер бетіне көрік берген сәні. Табиғат, Жер - Ана, атамекен, туған жер деген ұғымдар бір - бірімен тамырлас, әрі тағдырлас.Табиғат! Осы бір жүрекке жылы, көңілге қонымды естілетін салиқалы сөзде қаншама мазмұн, терең мағына, ұлағатты мол ұғым, тұжырымы кең, ой жатыр десеңізші!Табиғат - адам бойында адамгершілік абзал қасиеттерді қалыптастыратын ұлағатты ұстаз, тәлімі мол тәрбиеші.Ендеше, ұлы табиғатымыздың құрметіне бүгінгі білімділер сайысын бастайық.

Сайыс 4 кезеңнен тұрады:1 - кезең- «Бәйге»2 - кезең - «Полиглот»3 - кезең - «Кім тапқыр?»4 - кезең - «Кім жылдам?»

1.«Бәйге» айналымын бастайық! Мақсаты: бұл айналымда әр топ 10 сұраққа тез жауап беру керек. Дұрыс жауапқа 1 ұпай

1. Табиғат нешеге бөлінеді? (2, тірі, өлі)

2. Тірі табиғатты ата (адам, өсімдік, жануар)

3. Адам өзіне қажетті жағдайларды қайдан алады? ( табиғаттан)

4. Табиғаттағы су неше күйде болады? (3, сұйық, қатты, газ)