Табиғатқа қамқорлық ашық сабағы 4 сынып

«Өзін-өзі тану» сабағының жоспары

Мектеп_С.Сейфуллин атындағы шағын орталықты орта мектеп

Мерзімі: 20 .01.2019ж

Сынып: 4 «б»

Оқушылар саны 18

Тақырып:Табиғатқа қамқорлық

Құндылық:Қиянат жасамау

Қасиеттер: сүйіспеншілікпен қарау,қамқорлық,жауапкершілік

Мақсаты: Оқушыларды табиғатқа қамқорлық жасауға үйрете отырып, қиянат жасамау құндылығын түсіндіру

Міндеттері:

Оқушыларға табиғатқа қамқорлықтың қиянат жасамау екендігін ұғындыру.

Оқушылардың бойынан сүйіспеншілік, қамқорлық қасиеттерін дамыту.

Оқушыларды сүйіспеншілікке қамқорлыққа жауапкершілікке тәрбиелеу.

Ресурстар: (құралдар, мәлiметтер)

Сабақ барысы:

Ұйымдастыру кезеңі.Сәлемдесу оқушылардың құрал –жабдықтарын түгендеу. Оқушыларды 3топқа бөлу.Оқушылар жауқазын гүлін беріп,оның жапырағындағы тақырып арқылы топқа бөлінеді

1-топ Жер-қазына

2-топ Су-алтын

3- топ Жануар-байлық

5 «Т» ұстанымын еске түсіру.

Бүгінгі сабақта тәртіпті сақтай отырып, талапты орындау кезінде, сыныпта тыныштық орнату арқылы тазалық пен татулыққа қол жеткізейік.

Жағымды көңіл күйге келу.

1.«Орманға ойша серуен» /баяу әуен/

Омыртқаларыңызды тік ұстап, көздеріңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңізді сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз.

Таза ауаны жұтып, шашыңызды желбіреткен желді және сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, әрі қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға енген сайын, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оның діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз. (1-2 мину үзіліс жасау).

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзімізді ашып, күлімсіреңіз!

2.Үй тапсырмасын тексеру

Ә. Табылдиевтің «Атаның өнегесі» мәтінін оқып келу.

Мазмұны бойынша сұрақтар:

Атасы немересін неліктен жол үстіне тоқтатты?

«Жол жүрсең, жоралғыңды сақта» дегенді қалай түсінесіңдер?

Атасы мен немересінің бұлақ көзін ашуын табиғатқа қамқорлық деп айтуға бола ма? Неліктен?