Табиғатқа қамқорлық тақырыбындағы сабақ жоспары 1 сынып

Сабақтың тақырыбы: Табиғатқа қамқорлық.

Сабақтың мақсаты: 1. Оқушылардыңтабиғат құндылығы, табиғатқа қамқорлық жасау туралы

түсінігін кеңейту.

2. Табиғат ана туралы ойларын, түсініктерін, пайымдауларын арттыру.

3. Табиғатты сүюге, қорғауға тәрбиелеу.

Сабақтың типі: Тақырып мазмұнын ашу, бекіту.

Сабақтың әдісі: талдау, топтау, әңгімелеу.

Сабақтың көрнекілігі: оқулық, дәптер, түрлітүсті қағаз,қарындаш, қайшы.

Сабақтың барысы: 1. Ұйымдастыру кезеңі. Шаттық шеңберін жасап, бір-бірімізге игі тілектерімізді айтамыз. Бірге «Мен де балғын гүлмін!» өлеңін хормен айтамыз.

2. Үй тапсырмасы:

Жақсылықтан жақсылыққа тақырыбында балалардың жазған шығармаларынан:

Жақсылықтан жақсылыққа жету үшін ерінбей еңбектену, жалқаулықты жеңе білу, адамгершілік қасиеттерді сақтай білу, бірлік, татулық, кішіпейілділік қажет екендігіне көздері жетті.

3. Жаңа сабақ. «Табиғатқа қамқорлық» деп аталады.

- Табиғатқа қамқорлық дегенді қалай түсінесіңдер?

- Табиғатқа не үшін қамқорлық жасау қажет?

- Сендер өз өмірлеріңде табиғатқа қандай қамқорлық жасап көрдіңдер?

Балалар жауабы тыңдалады.

- Балалар, біздің жанымызға жомарттық, кеңпейілділік, қиялымызға ұшқырлық, сезімімізге асқақтық, сыйлап отырған Табиғат - ана. Оның сұлулығы мен көркемдігін айтып жеткізу мүмкін емес.

Ата-бабамыздан табиғатты мұраға, болашақтан қарызға алдық. Сондықтан оны аялап, өсіріп, баптап кейінгі ұрпаққа қалдыруымыз керек. Осы сұрақ-жауаптың, әңгіменің нәтижесінде мынандай трек сызба жасайды.

Жомарттық сыйлайды. Жан сұлулығын сыйлайды. Кеңпейілділік

Табиғат

Қиялымызға ұшқырлық Көңілімізге

мөлдірлік

Сезіміміз асқақ болады Бабалар мұрасы Ұрпақ қарызы

Бейнеролик көрсету: «Ата өнегесі» оқиғасын талдату.

Атасы немересін неліктен жол үстінде тоқтатты?

Жол жүрсең «жоралғыңды сақта» деген не?

Немересінің бұлақ көзін ашуын табиғатқа қамқорлық деп айтуға бола ма?

Қағаз қиып барлық балаларға таратылады, өздеріне ұнаған сұрақты қалаған оқушыға жазып береді, жауап жазып ол оқушы қайтарады.

1 топ. Табиғатқа қамқорлық керек, өйткені ...

2 топ. Табиғатты аялау керек, өйткені...

3 топ. Атасы мен немересінің еккен ағашы бес жылдан кейін қалай өседі, сол көріністі суреттеп

беріңдер.

4. Бекіту:

Көзіңді қалдыр – бұлақ көзін аша жүр,

Ізіңді қалдыр – істен мұра шаша жүр,

Өзіңді қалдыр – бақша өсіріп жаса нұр.

Жоғарыда берілген дәйексөздің мағынасын ашып, түсіндіру.

5. Үйге тапсырма.