Табиғатты аялайық балабақшаға арналған оқу материалы

Ұйымдастырылған оқу қызметінің

технологиялық картасы

Білім беру саласы:Таным.Қатынас.Шығармашылық.

Бөлімі:Жаратылыстану

Тақырыбы: «Табиғатты аялайық»

БМ:балаларға табиғат туралы түсінік бере отырып жанды және жансыз табиғат жан-жақты мағлұмат беру,ажырата білуге үйрету.

ДМ: адам денсаулығына табиғаттың пайдасын түсіндіре отырып,оны қорғауға,аялауға үйрету арқылы туған жер экологиялық тәрбие туралы түсінігін ұлғайту. ТМ:табиғатқа деген сүйіспеншілігін арттыру,қамқорлық пен қарауға тәрбиелеу.

Қолданылатын көрнекіліктер:Слайд №1,2,тақырыптық суреттер,жапсыруға гүлдер,ағаштар үнтаспа, Билингвальды компонент:жанды жансыз табиғат-живая не живая природа,табиғатты қорғауға-защищать природу.

Әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық-қозғаушылық

Балалармен шаттық шеңберін өткізу: Армысың аспан арайлы! Армысың,күннің шуағы! Қасиетті жер –ана, Бесік боп тербеп тұрады, Армысың жан досым, Армысыздар қонақтар! Осы жақсы көңілімізбен орнымызға отырайық. Балалар бізде кәзір Жаратылыстану оқу қызметі болады.Біздің тақырыбымыз: «Экология және денсаулық» Бүгін біз табиғат туралы және оның адамға пайдасы туралы әңгімелесеміз. Балалар тыңдайықшы,құлағымызға бір дыбыстар естілетін сияқты.Кәне бәріміз құлақ түріп тыңдайықшы. (Үнтаспадан құстардың,желдің, судың дыбыстары естіледі) Естігеніміз не деп ойлайсыңдар? Осының бәрі біздің табиғатқа жатады.

-Балалар шеңберге тұрады, -көкке қолдарын көтереді, -күнге қолдарын созады. -жерге көрсетеді. -шайқалады. -құшақтасады, -бастарын иеді.

-Балалар табиғат дыбысы бар ұнтаспа тыңдайды. Су,құстар,ағаштар,жануарлар дыбысы естіледі.

Ұйымдастырушылық ізденістік

Табиғат дегеніміз бізді қоршаған орта.Ал Экология-ол біздің таза ауа,біз таза ауамен дем алуымыз керек.Табиғат екі түрге бөлінеді.Жанды және жансыз табиғатқа.Тірі табиғатқа жатады:өсетін дем алатын көбейетін,құстар,жануарлар, шөптер,ағаштар Жансыз табиғатқа жатады:су,тас,құм,олар өспейді, дем алмайды. Балалар біздің топта табиғат бұрышы бар ма? Гүл қандай табиғат түріне жатады?оның астында не бар?дұрыс жер ол қандай түріне жатады? Ойын ойнайық: «Егерде» Егерде гүлге су құймаса не болады?

Егерде жерді қопсытпаса не болады?т.б. Адам денсаулығы мен табиғат арасында қандай байланыс бар екенін балалар өз тақпақтарында айтып береді.

Балалар мақал-мәтелдер білесіңдер ме?

Жаңылтпаштар білесіңдер ме?

Мен сендерге жұмбақ жасырамын,сендер шешімін табыңдар. 1.Жарығы тегін жылуы тегін,айбарлым менің жайдарлым менің? 2.Көрінбейді аяғы,ауызы жоқ білдің бе, салып кетіп,баяғы ызын гу-гу-ге ? 3.Өзі судан жаралған,бірақ судан қорқады? Балалар сергіту сәтін жасап жіберейік: Табиғат неткен көрікті. Жапырақтай жайқалып. Гүлдей жайнап өсеміз. Бір отырып,бір тұрып. Билеп,билеп аламыз. Билингвальды компонент:жанды жансыз табиғат-живая не живая природа,табиғатты қорғауға-защищать природу. Слайд№1. (машина,үй,зауыт түтіндері, шашылған қоқыстар) Адамдар табиғатты дұрыс пайдаланбауынан, табиғатта бүлінеді,машиналар,зауыттүтіндері, қоқыстар табиғатты ластайды.Мысалы жазда көлге дем алуға барғанда айнала,шыны қоқыс, темір адамдар дем алуға келеді де өздері осының бәрін жинамай тастап кетеді.Сендер олай істемеңдер,бәріне осыны айтыңдар.Табиғатты аялап қорғау керек.Балалар бізге бір көрініс көрсетеміз дейді: «Табиғат құбылыстарының айтысы» Үстеріне табиғаттың белгілерін киген балалар шығады: Бұлт,жел,қар,күн.

Бұлт шығады да былай дейді:

Гуілдеп жел шығады да былай дейді:

Сықырлап қар шығады да былай дейді:

Жарқырап күн шығады да былай дейді: