Тәй-тәй технологиясы арқылы баланы дамыту туралы мақала

Қызылорда қаласы, МКҚК «Ер Төстік» балабақшасының әдіскері Аманшейтова Ақгүл Аралбайқызы

«Тәй – тәй» баланы жан – жақты дамытушы технология

Баланың ынтасын арттыру үшін

оқытылатын нәрседе бір жаңалық болуы қажет.

Жүсіпбек Аймауытов

Қазіргі таңда дене бітімі дамыған, белгілі білім қорына ие, шығармашыл, сыни ойлау дағдысы қалыптасқан, креативті ойлайтын және командада жұмыс жасай білетін,мектепке оқуға сапалы даяр тәрбиеленушілерді тәрбиелеу – кез келген мектепке дейінгі ұйымдардың басты міндеті болып саналады. Осындай бүлдіршіндерді тәрбиелеп шығару үшін ең алдымен балабақша педагогтары, яғни тәрбиешілері мен мамандары жаңа заманауи технологиялар мен әдіс – тәсілдерді меңгерген, жаңашыл, шығармашыл ізденімпаз болуы тиіс. Балабақша балаларының өз ойларын еркін айтатындай, шығармашыл етіп, оны жан – жақты тәрбиелеу мақсатында Дж.Сорос негізін қалаған «Тәй – тәй» технологиясының маңызы зор.

«Тәй – тәй» технологиясының міндеті:

балаларды жасытпай еркіндік беру, өз қалауларымен білім алуларына жағдай жасау,

балаға білім беруге отбасын міндеттеу, қатыстыру,

баланы шынайы өмірге бейімдеу,

рөлдер ойнау арқылы алдына қойған мақсатына жетуге ұмтылу,

балалардың бірегей қабілеттерін дамыту,

баланың өзіндік «Менін» анықтауға көмектесу,

дұрыс қарым – қатынас мәдениетіне тәрбиелеу,

балада сенімсіздікті болдырмау сынды міндеттерді қамтиды.

«Тәй – тәй» технологиясының басқа технологиялардан ерекшелігі – балабақша мен отбасы арасында ынтымақтастықты арттырады және ата-аналарға педагогикалық және әдістемелік кеңестер беріледі .

Таңертеңгі жиын өткізудің маңыздылығы, , мұнда тәрбиеші мен балалардың бір– біріне деген жылы лебіздері, қарым – қатынастары және бір – бірімен дос болуы ,сүйіспеншіліктері қалыптасады.

Таңертеңгі жиын - балаларды мейірімділікке, қамқорлыққа, ұйымшылдыққа, сезімталдыққа, байқағыштыққа тәрбиелейді.

Себебі, «Тәй – тәй» технологиясы бойынша ұйымдастырылған оқу қызметтеріне белсенді дамытушы орталықтарға ассистент ретінде ата – аналар қатыстырылады. Ата – аналар орталықтарда балаларға көмектесіп, бағыт – бағдар беріп отырады. «Тәй – тәй» технологиясы балаларға арналған жеті белсенді дамытушы орталықтарда тапсырмалар орындау арқылы жүзеге асырылады.

Дамытушы белсенді орталықтар балалар үшін

қауіпсіз, ыңғайлы,

жалықтырмайтындай,

жаңаша заттар мен ойыншықтарға толы,

жас ерекшеліктерге сәйкес, бағдарлама мазмұнына сай материалдарға бай,

ер бала мен қыз баланың жыныстық ерекшеліктері ескерілген, құралдар (қыз бала ойындары, шеберхана құралдары) болуы шарт.

Дамытушы белсенді орталықтарға жеке – жеке тоқталар болсақ;

«Әдебиет» орталығында - өз жас ерекшелігіне сай көркем шығармалармен , ертегілермен танысып, әңгімелеуге, тақырыпқа сай мақал – мәтелдер айтуға үйреніп, сөздік қорлары молаяды. Мазмұнды суреттер арқылы жүйелі

сөйлем құрауды үйренеді және байланыстырып сөйлеу дағдылары қалыптасады..

«Желілі – рөлді ойын» орталығында – әр түрлі рөлдерді бөлініп ойнау арқылы мамандықтарға деген қызығушылықтары артып, үлкендер еңбегін бағалауды үйренеді.