Тапқыр достар 11-сыныпқа арналған сайыс сабақ жоспары

Тілдер апталығына арналған «Кім тапқыр?» сайысы

Мақсаты: а) Оқушыларды ата-дәстүрін ардақтау,ұрпақтың ана тілін терең меңгеруге құштарлығын ояту, түсініктерін кеңейту, салт дәстүрді, мәдениетін сыйлауға дәріптеу. Бұрынғы өткен ата-бабалардың, би- шешендеріміздің, ақылгөй-көсемдеріміздің ұлағатты сөздерін жаттап, олардың мән-мағынасы жете түсіндіру.

ә) Тапқыр да, жүйелі сөйлеуге, ақылды, салмақты ой айтуға баулу, тіл байлығын, сөздік қорын, ой-өрісін, шығармашылық қабілеттерін дамыту.

б) Тілді құрметтеуге, қадірлеуге, бағалап мақтан етуге, елін, жерін, Отанын сүйетін патриот тұлға тәрбиелеу. Ұлыларымыздың ұлағатты сөздерінен үлгі алуға баулу.

Көрнекілігі: Ұлағатты сөздер жазылған плакаттар, мақал-мәтел, би-шешендердің портреттері, ақын-жазушылардың айтқан қанатты сөздері, шешендік кітаптар көрмесі.

Сайыс барысы:

Жүргізуші – Құрметті ұстаздар, оқушылар бүгін «Кім тапқыр?» атты 11 сынып оқушылары арасында тіл мерекесіне өтілетін сайысымызды бастаймыз. Алдарынызға осы сайысқа қатысатын оқушыларды шақырамыз. Сайыскерлер өздеріне нөмір таңдап алады. Сайыскерлерімізге сәттілік тілейміз.

Жүргізуші: – « Өнер алды –қызыл тіл»,- деген қазақ халқы. Мұны қазақ сөз қадірін білгендіктен айтқан. Сөз өнері қиялға, көңілге байланысты болады. Ақыл ісі- аңдау. Қиял ісі- меңзеу. Көңіл ісі- тую. Тілдің міндеті- ақылдың аңдауын, қиялдың меңзеуін айтуға жарау. Тілмен айтып, білдіруге көп шеберлік керек... Ендеше, Қазақ- «сөз қадірін өз қадырым» деп білген халық. Қазақ тарихында сөздің алатын орны ерекше. Бітпес даудың, бәтуасыз шудың кесімі да, шешімі де сөз болған. Сөзден өткен күш, сөзден өткен құдірет жоқ. Ендеше, бүгінгі сайысқа келген сайыпқыран сайыскерлерімізге сөз кезегін берсек. Осы сайысқа келгендегі мақсатыңыз не? Сол жөнін де айта кетсеңіз.

1-оқушы: –Өсірген ой, білімді

Сүйем туған тілімді.

Мақсат етем әр сөздің,

Мәнің терең білуді.- дегендей, сайысқа келгендігімнің өзі туған тілімнің ойын, мақсатын жеткізу арқылы білімімді шындау үшін келіп отырмын.

2-оқушы: –Тілім барда қазағым бар, халқым бар,

Дәстүрім бар, ата жолы салтым бар, -деп, салт-дәстүрімізді сақтап, ана тілімізді құрметтеу мақсатында осы сайысқа келдім.

3- оқушы: –Естіген, тура сөз.

Шыңға тіккен тумен тең.

Езге атқан тура сөз,

Құмға сіңген сумен тең,-дегендей, сөйлейін деген сөзімізді, ойлаған ойларымызды, ақылға қозғау салып, бұра тартпас дәлелімен тамсандырып, таңдай қақтырытын білгір-білімді сөзімізді ортаға салу да- менің рйымда. Олай болса, білгенімді ортаға салайын, білгенімді ойыма алайын деп осы сайысқа келіп тұрмын.

4- оқушы :– Асан Қайғы, Жиренше

Сөйлеп өткен қазақ тіл,

Жәнібек пен Қойлыбай

Сыйлап өткен ғажап тіл,-деп, ата-бабаларымыз айтқандай, қазақ тіліні көркейтуге, болашақ иелері- біздер мен сіздерді шақыруға келгенмін.

5- оқушы: – Адамның сәні- өнер, білім, ақылы,

Жердің сәні- жеміс, өнім, дақылы,

Сөздің сәні- өнегесі, нақылы,

Пікірдің сәні- ең пайдалысы, мақұлы,- деп ата-бабамыздан келе жатқан салт-дәстүрімізді бойымызға сіңіріп, білімді, ақылды, парасатты, елімізді сүйетін ұрпақ болып өсуге, туған тілімізді – ана тілін құрметтеуге замандастарымды шақыруға келгенмін.

6- оқушы: –Ей, Достым, білім ізде осы тұста,

Әрдайым біліп сөйле қақтығыста,- демекші, сөзге шешен- ұлы бабалар мұрасының ұлағатты сөздерін көрермен сіздерге жеткізу үшін келген едім.

Жүргізуші: - Бәрекелді, оқушыларымыз ана тіліміздің жанашыры екенін таныта білді. Ендеше, біз сайысымызды бастайық. Сайысқа төрелік ететін қазылар алқасын тағайындап алайық.Сайыстың төрешілері: А.Қасымбеков, М.Смадиярова, П.Омарова

Қазылар айтады енді әділікті,

Кімдердің жауаптары кәміл шықты,

Бүгінгі «Кім тапқыр?» сайысында

Жеңіске жетер дейміз сөзі мықты.

Жүргізуші: Сайысымыздың ережесімен таныс бола отырыныздар. Олай болатын болса, сайысымыз 5 айналымнан тұрады. Жауап беруге дайын оқушы қолыңдағы жұлдызшаны көтереді. Бірінші болып жұлдызшаны көтерген оқушы…