Тәрбие отбасынан басталады атты тәрбие сағаты

Ақмола облысы

Целиноград ауданы

Қоянды орта мектебінің

Бастауыш сынып мұғалімі Багдал Майгуль

«Тәрбие отбасынан бастау алады»

(ата-аналарға арналған шебер сынып)

Мақсаты:

қазіргі кездегі баланың дамуына, жеке тұлға болып қалыптасуына ата-ана тәрбиесінің әдіс-тәсілдерін жетілдіре отырып, қарым-қатынас орнату;

ата-ананың бала өміріндегі орны мен рөлі туралы ой түрткі салу, өз баласын жақсы тану, көмек және кеңес беру мақсатында ата-аналардың педагогикалық-психологиялық білімін көтеру;

ата-ананың бала тәрбиесіндегі негізгі тұлға екеніне көз жеткізу;

баланың бойындағы жағымды қасиеттерді дамытып, жағымсыз қасиеттерден арылуға, ата-анамен қарым-қатынасын жақсартуға көмектесу;

әдепті, байсалды бала ата-ананың қуанышы екеніне көз жеткізу;

ата-ананың жауапкершілігін күшейтуге көмектесу;

Қолданылатын дереккөздер: АКТ, презентациялық материалдар, музыка, плакат,видео ролик, маркер, құмсағат, ақша

Әдіс-тәсілдер: пікір алмасу, сұрақ-жауап, топтастыру стратегиясы, психологиялық жаттығулар, постер қорғау, талдау, салыстыру, ой жинақтау, кері байланыс

І Мұғалімнің сөзі:

Мен келдім, міне, бүгін ортаңызға,

Тілеймін амандық баршаңызға.

Қайырымды ата-ана айнала,

Шеңберге келсін жайлана.

Жалықпаймыз бастаймыз,

Тәрбиеге ой тастаймыз.

Бақытты болса баламыз

Бізде бақытты боламыз!

ІІ Ынтымақтастық атмосферасын қалыптастыру «Сәлемдесу»

Мақсаты: Жаңа заман талабына сай үш тілді енгізе отырып ата ананың бір біріне деген қарым қатынасын жақсарту.

Музыка ырғағымен қатысушыларды көргеніме қуанышты екенімді айтамын Ата-аналардың таңдауы бойынша үш елдің ақшаларын алуды ұсынамын , таңдаулары бойынша кім қай елдің ақшасын алса сол елдің тілінде топпен амандасуды ұсынамын (орыс, ағылшын, қазақ) тілінде амандасу. Олар бір- бірімен мейірімді қарым – қатынаста болып, бір –бірімен амандасады.

Құрметті ата-аналар және бүгінгі шебер сынып сайысының қонақтары, жұмысымызды бастамас бұрын мен бір сұраққа жауап алғым келіп тұр. Жалпы баланың жеке тұлға болып қалыптасуын, оның жан-жақты тәрбиелі болып шығуы үшін кімдердің ықпалы қажет деп ойлайсыз?

Олай болса, дәл қазір өткізетін жұмысымызда осы тұрғыда болмақ.

ІІІ Топқа бөлу (ақшалардың түріне қарай).Ақшалар туралы пікірлер.1 минут

Біз бала тәрбиесін ақшаға сатып алалмаймыз

Ой жинақтау «Бала мен әке » бейне фильмін көріп, қатысушылардың ойын, пікірін тыңдау

Ата-аналар «Сіздің ой тұжырымыңыз» сұрағына топпен бірлесе отырып,өз ойларын постерге түсіреді және қорғайды

Мұғалімнің Қорытынды сөзі:

Ата - анаға көз қуаныш,Алдына алған еркесі,Көңіліне көп жұбаныш.Гүлденіп ой – өлкесі. Бала тәрбиесіне уақытыңда көңіл бөліп, еліміздің инабатты, адамгершілігі мол,білімді, саналы ұрпағын тәрбиелейік. Егер ата - ана мен ұстаз және оқушы өзара тығыз байланыста болса, балаларға бірдей талап қойып отырса, тәуелсіз еліміздің ұл - қыздары жан - жақты дамыған азамат болып шығары сөзсіз.

ІҮ Ата-аналарға арналған сауалнама: "Сіз қандай ата-анасыз?"

Нұсқау: «Қазір сіздерге 13 сұрақ оқимын, сіздер бұл сұрақтарға «келісемін», «кейде ғана келісемін» немесе «келіспеймін» деген жауаптармен жауап беріңіздер»

1. Кез келген ісіңізді тастай салып баламен айналыса аласыз ба?

2. Балалардың жасына қарамай, онымен ақылдаса аласыз ба?

3. Балаңызбен қарым-қатынас барысында жасаған қателеріңізді мойындайсыз ба?

4. Өзіңіздің қателігіңіз үшін балаңыздан кешірім сұрайсыз ба?

5. Балаңыз жасаған іс ашуландырған кезде өзіңізді ұстап, ашуды жеңе аласыз ба?

6. Балаңыздың орнына өзіңізді қоя аласыз ба?

7. Бір сәтте сізге мейірімді адам деп сенуге бола ма?

8. Өзіңіздің басыңыздан өткен балалық шағыңыздан ескерілетін жағдай айтасыз ба?

9. Балаңыздың жүрегін жарақаттайтын сөздерді, сөйлем тіркестерін атамауға тырысасыз ба?

10. Балаңызға уәде беріп, жақсы мінез-құлқын ескере отырып уәдеңізді орындайсыз ба?

11. Балаға қалаған ісін жасауға, өзін ұстауға кедергі жасамай бір күн еркіндік, бересіз бе?

12. Басқа бала сіздің балаңызға дөрекілік көрсетсе, себепсіз ренжітсе, көңіл аудармайысыз ба?

13. Балаңыздың көз жасы, дөрекі еркелеуі екенін білесіз, соған қарсы тұра аласыз ба?

Жауабы:

1. Әрқашан жасаймын, келісемін – 3 балл

2. Кейде ғана келісемін – 2 балл

3. Келіспеймін - 1 балл

Сауалнаманы бағалау өлшемдері:

0-16. Бала тәрбиесі – сіз үшін үлкен проблема. Бала тұлғасын дұрыс қалыптастыру үшін педагог немесе психолог мамандардың көмегіне сүйеніңіз.

16-30. Балаға қамқорлық жасау – бірінші кезектегі маңызды іс. Сіздің бойыңызға тәрбиешілік қабілет бар, бірақ тәжірибеде әрқашан бір қалыпты бір бағыттағы мақсатпен әрекет етесіз. Кейде қатал, кейде мүлдем жұмсақсыз. Сізге жауапкершілікпен ойлану керек.

30-39. Бала сіздің өміріңіз үшін ең құнды болғаны. Сіз балаңызды тек түсініп қана қоймай, әрі ойын тануға, сыйлы көзбен қарауға тырысасыз.

Ү Психологиялық тренинг«Балалық шаққа саяхат»

«Өзіме бала сияқты ойнауды рұқсат ете аламын». Тапсырмалардың бірі: жазбайтын қолмен балалық шақтан ең сүйікті ойынды салып, суретке атау беру керек. Мақсатқа байланысты нұсқау балалық еске түсірудің эмоциялық бояуын таңдауға еркіндік қалдырады. Дәлірек айтқанда: -жазбайтын қолмен балалық шақтың белгілі оқиғасын салу; -жазбайтын қолмен балалық шақтың ең жарқын еске түсіруін салу. Оң қолмен жазатын адамдар сол қолымен сурет салу кезінде өздерінің қабілеттерінің шекарасын кеңейтеді, сана бақылауын азайтып, сезімдерге қарайды, яғни спонтанды бола бастайды. Ол өз суретінің көркемділігі туралы ойламай, жай сурет сала бастайды. Осындай кезде күшті қайғырулардың, балалық қорқыныштың көрініс табуы және жарқын шығармашылық бейнелердің пайда болуы мүмкін. Неліктен осы балалық ойда пайда болғанын талқылаған дұрыс. Адам бейнелермен жұмыс істеу кезінде өзін қалай сезінді және өзін қазір қалай сезініп жатыр? Еске түскен оқиғаның автордың «өмірлік сценариімен», мінезқұлықтың басым жақтарымен қандай байланысы бар? Оның қазіргі өмірінде қалай көрініс тауып жатыр?

ҮІ Қиындықтан шығу «Балаға көңіл бөлесіз бе?»

Арт терапия әдістерін қолдану

Балаңызға мұғалім қол өнерден кез келген тақырыпта тапсырма берген бірақ балаңыз оны жасауды ұмытып кетті аяқ асты баланың есіне мұғалімнің тапсырмасы түсті Ал сабақ басталуға 30 минут қалды сіз не істер едіңіз? Ата ананың жауабы тыңдалып 5-10 минут ішінде қол өнерден берілген тапсырманы орындау ұсынылады.

ҮІІ «Байлаулы бала» (тренинг):

Бір ата-ана ортаға шығады. Төмендегідей сұрақтар қойылады.

Сіз балаңызбен көл жағасына бардыңыз. Балаңыз суға қызыққаны соншалық суға қарай жүгіріп кетті. Сіз қалай тоқтатасыз? (аяғы байланады)

Қарасаңыз балаңыз адамдардың тастап кеткен темекінің тұқылын жинап алып, сонымен ойнап отыр. Сіздің әрекетіңіз? (қолы байланады)

Жұмыстан шаршап келсеңіз бала теледидардан атыс-шабыс, бір сөзбен айтқанда өз деңгейіне келмейтін кино көріп отыр. Сіздің әрекетіңіз? (көзі байланады)

Балаңыз басқа ұлттың қызын ұнатты. Бірақ сіздің қалауыңыз ол емес еді. Сіздің әрекетіңіз? (кеудесі байланады)

Балаңыз досымен келіспей қалды да, жаман сөздермен сыбағасын берді. Сіздің айтар сөзіңіз? (аузы байланады)

Міне, баламыз қандай күйге түсті, құрметті ата-ана. Мұндай күйге түспес үшін баламызға неге болмайтынын, «өйткені» сөзін қолдана отырып түсіндіруіміз керек. Сонда ғана сіз бала тәрбиесінде мақсатыңызға жете аласыз.ҮІІІ «Сенімді орындық» ойыны

Мақсаты: Ата-ана ұстаз оқушы арасындағы сенімділікті орнату.

Жай музыка ойнап тұрады Ата-аналарды шеңберге тұрғызып бір бірінің иығына қолдарын қойып тізелеріне отыруды ұсыну.Тізеге отырған ата аналар қолдарын жоғары көтеріп шапалақтайды.