Тәрбиешінің бақыты балалар әлемі эссесі мектепке дейінгі балаларға

Эссе: «Тәрбиешінің бақыты-балалар әлемі»

«Балам дейтін ел болмасаса,елім дейтін бала қайдан болсын»

Ахмет Байтұрсынов

Балабақшағы тәрбие-барлық тәрбиенің бастамасы.Тәрбиеші-алдымен баланы тәрбиелейтін адам, сосын білім беретін ұстаз. Мен бұл жағдайды былай көз алдыма елестетемін: тәрбиеші баланың екінші анасы, баланың досы, баланың көмекшісі,үлгі тұтар тұлға деп білемін.

Әр мамандықтың өз қиындығы, өз қызығы бар.Менің мамандығым-тәрбиеші. Тәрбиеші жұмысы күрделі де, қызықты да, жауапты.Тәрбиеші болу - айтуға оңай болғанымен, бұл мамандықтың қоғам үшін қаншалықты маңызы барлығын сол кәсіпті таңдағандар, осы жолда еңбек етіп жүрген жандар жақсы түсінеді. Мен балабақшада он бес жыл еңбек етудемін,бұл еңбектен жалыққан емеспін.Мен әрі суретші, әрі әртіс, әр баланың жан дүниесін түсіне алатын психолог ретінде бүлдіршіндерімді тәрбиелеуде халқымның ғасырлар бойы келе жатқан құндылықтарын бойына сіңіріп, ойына ұялатуға тырысамын. Күнде таңертең жұмысқа келгенде, балалармен бірге болған әрбір уақытым мені жаңа әлемге жетелегендей болады. Алдымда отырған жас бүлдіршіндерімнің сүйкімді де, әдемі, байсалды да, ақылды жүздерін көрсем, әрбір үйдің ерке баласының жүздерінен не нәрсені де білуге құштар шабытты, сұраулы жанарларын байқаймын.Осы бір «Балалар әлемнің» теңізіне бір бағыт алсаң ешқашан басқа жаққа кете алмайсың деп ойлаймын.Бүгінде балаларға мейірім төге отырып, биік белестерге жетуіне жауапты екенімді ешуақытта естен шығармаймын. Тәрбиешінің жұмысы күрделі де қызықты. Мен үшін қазіргі заманның тәрбиешісі-ол зерттеуші, бақылаушы,құрастырушы, суретші,

Осындай тынымсыз еңбектің жемісін көру үшін, тәрбиешілік жұмыс тәрбиешінің бойынан – жігерлілік пен еңбекқорлықты қажет ететінін айқын аңғардым. Әрине, әрбір тірлікте де жігерлі еңбек етпей айтарлықтай нәтижеге жету мүмкін емес. Ал тәрбиешіде бұл қасиеттердің түп негізі жауапкершілікте дер едім.

Қорытындылай келе, әр адам сүйікті мамандығы бойынша жұмыс жасағанда өз мамандығынан рухани күш алып, еңбектің рахатын көреді деп ойлаймын. Сүйікті мамандығы болса атақ-абыройға кенеледі. Ал, тәрбиеші болудың ең басты міндеті- өз еліміздің тұғырын биікке көтеретін азаматтарды тәрбиелеп шығару деп ойлаймын.