Тарих – ғасырлар куәсі тәрбие сағатының материалы

Сабақ тақырыбы: «Тарих - ғасырлар куәсі» (сайыс кеші)

Мақсаты: 1. Қазақ хандығы құрылуының тарихи оқиғалар тізбегін,ақынның өмір жолдарын еске түсіре отырып, танымдық қабілеттерін арттыру;

2. Тарихи ұлы тұлғалардың ерліктері мен ақынның өлеңдері арқылы адамгершілікке,отансүйгіштікке тәрбиелеу;

Сабақтың көрнекілігі: слайд шоу (Керей-Жәнібек және «Қазақ елі» туралы бейнефильм-дер , қазақтың ұлы хандары мен батырларының суреттері бар таныстырылымдар, Қазақстан еліндегі батырларға арналған ескерткіштердің суреттері)

1. Сайыстың барысы:

- Құрметті, оқушылар. Бүгінгі тәрбие сағатымыздың тақырыбы «Тарих - ғасырлар куәсі».Енді сабағымызды бастамас бұрын мына «Қазақ елі» бейнебаянға назар аударайық.

Ән: «Қазақ елі» орындайтын 9 «в» класс оқушысы Қосқұлақов Нұрболат

- Қазақстан Республикасы Президенті Н. Назарбаевтың Қазақстан халқына арналған 2015 жылғы Жолдауы қалай аталады? (Нұрлы жол болашаққа бастар жол» Жолдауы).

- 2015 жылы қандай атаулы мерейтойлар тойланады? (Қазақ хандығының 550 жылдығы, Қазақстан халқы Ассамблеясы мен Конституциямыздың 20 жылдығы, Ұлы Жеңістің 70 жылдығы,Абай атамыздың 170 жылдығы).

«Қазақтың бүкіл тарихы – бірігу тарихы, тұтастану тарихы. Қазақ тек бірігу, бірлесу жолында келе жатқан халық» - деп президентіміз Н. Ә. Назарбаев айтып өткендей бұл ғасырда өмір сүріп отырған барша ұрпақ ғылым саласында өзіндік жол салар дара ұрпақ болуы тиіс. Олай болса болашаққа нық қадам жасау бүгіннен басталады. Ата - бабаларымыз бізге бірліктің, ынтымақтың, тұтастықтың ұлы үлгісін көрсетіп кетті. Қазақстанның арғы - бергі тарихының ең ғибратты тағылымы, міне осында. Олай болса бүгінгі қазақ хандығының 550 жылдық мерейтойына арналған және Абай атамыздың 170 жылдық мерейтойына арналған «Тарих - ғасырлар куәсі» атты кластан тыс шарамызды бастайық.

Жүргізуші: Түріктің бір бұтағы қазақ еді,

Қайсар мінез,өр еді,ғажап еді.

Жәнібек,Керей хандар басын қосып,

Өмірге келген еді қазақ елі.

Алтай мен Атыраудың арасында,

Жетісу,жеті өзеннің сағасында.

Бірігіп Ұлы,Орта,Кіші жүз боп,

Хандық құрды қазақ өз даласында.

Келесі біздің кластан тыс шараларымыздың бөлімі оқушылардың екі топқа бөлу. І- топ: «Керей тобы», ІІ- топ: «Абай тобы».Тақтаға қарап отырсаңдар әр тақырыпқа мынадай ұяшықтар берілген.Сұрақтарды әр топ кезек бойынша таңдап,сол кезекпен жауап береді.

1 тур: «Толған ел тарихын таспен жазады»

1.Тарих сұрақтары

10.Алтын Орда ыдырағаннан кейін қандай жаңа мемлекеттер құрылды? (Сібір хандығы,Қазан хандығы,Астрахан хандығы)

20.Қазақ хандығының негізін салушылар (Жәнібек пен Керей)

30.Керей мен Жәнібек сұлтандар қай жерде қазақ хандығының ұлттық туын тігіп,1465-1466 жылдары Қазақ хандығын құрды? (Батыс Жетісу жерінде қазақ хандығын құрды)

40.Қазақ халқының Жәнібек пен Керей бастаған бөлігі қай хандықтан бөлініп кетті? (Әбілқайыр хандығынан)

2.Тұлғалар

10.Қасым хан қай жылдары ел биледі? (1511-1518 жылдары е биледі)

Қасым ханның кезіндегі Қазақ мемлекеті халқының саны нешеге жетті?

(1 млн-ға жетті)

20. Хақназар хан қай ханның баласы? (Қасым ханның баласы)

Хақназар хан қай жылдары ел биледі? (1538-1580 жылдары)

30.Абай Құнанбаев қай жылы,қай жерде дүниеге келді? (1845 жылы Шығыс Қазақстан облысы, қасқабұлақ деген жерде дүниеге келді)

Абайдың әкесі кім болған? (Абайдың әкесі аға сұлтан болған)

40.Тәуке хан қай жылдары ел биледі? (1680-1715 жылдары ел биледі)