Тарих – ұлт жадындағы шындық 11 сынып

Тарих – бұл жай ғана өткен шақтың оқиғалары емес, ол – халықтың жүріп өткен жолының ізі, елдің есігі мен еселігінің көрінісі. Қазақ халқының тарихы – мыңжылдықтар тереңінен сыр шертетін, күреске, намысқа, ерлік пен төзімге толы бай шежіре. Өз тарихын танымаған халық – тамырынан ажыраған бәйтерек секілді. Тарих – ұлттың жаны, ал оны ұмытқан адам – өзінің кім екенін білмейтін жолаушыға ұқсайды.

Менің ойымша, тарихты білу – әрбір жас ұрпақ үшін парыз. Себебі біз жүрген жолымыздың, алып отырған тәуелсіздігіміздің, еркін сөйлеп, ой айтудың бәрінің түп тамыры өткен дәуірлердегі батыр бабаларымыздың күресінде жатыр. Егер біз сол күресті, сол кезеңнің ауыртпалығын білмесек, бүгінгі еркіндіктің қадірін де ұғына алмаймыз.

Мысалы, Қазақ хандығының құрылуы (1465 ж.)– еліміздің мемлекеттілік бастауы. Бұл – жай ғана тарихи дата емес, бұл – ел болуға ұмтылған ұлттың арманын жүзеге асырудағы алғашқы нақты қадам. Керей мен Жәнібек сұлтандардың көшіп, бөлек ел болуды таңдауы – еркіндікке деген ұмтылыстың үлгісі.Содан кейінгі Ақтабан шұбырынды (1723-1727 жж.)жылдары – қазақ халқы үшін ауыр кезең болды. Жоңғар шапқыншылығы салдарынан жүздеген мың адам босып, аштық пен өлімге ұшырады. Бұл оқиға – елді бірігуге, бірлікке жетелеген тарихи сілкініс болды.

ХІХ ғасырда қазақ даласы отарлық езгінің қыспағына түсті. Соның бірі Кенесары Қасымұлы бастаған көтеріліс (1837-1847 жж.) – азаттық үшін жүргізілген соңғы ұлттық қозғалыс болды. Ол қазақтың егемен ел болуына деген соңғы қарсылық, үміт пен намыстың оты болды. Бірақ бұл күрес сәтсіз аяқталды, ал қазақ елі толық Ресей империясының отарына айналды.

XX ғасырқазақ ұлты үшін ең ауыр кезең болды. Оның дәлелі 1916 жылғы ұлт-азаттық көтеріліс – патшаның тыл жұмысына қазақтарды күштеп алуға қарсы шыққан қозғалыс. Онда жүздеген ауыл қырылып, мыңдаған адам босып кетті.

– 1932-33 жылдардағы ашаршылық– халықты қасақана аштан қырып, ұлтты әлсіреткен нәубет. Сол жылдары 2,3 миллион қазақ қаза тапты. Бұл – геноцидпен тең қасірет.