Татулық достық кілті психологиялық тренингі балабақшаға

«Татулық – достық кілті» (психологиялық тренинг)

Психолог: Мамышова Гулшат АлтыбаевнаТақырыбы: «Татулық – достық кілті»Қатысушылар: балабақша педагогтары

Мақсаты:

1.Тәрбиешілер арасында қарым-қатынасты нығайту, жағымсыз көңіл-күйден арылу,күш-қуат жинау,өзін-өзі тану, құрметтеу, өзін еркін сезінуге көмектесу.

2.Жеке тұлғаның рухани өсуіне психологиялық жағдай жасай отырып, адамгершілік, сыйластық, әдептілік, шынайылық, адалдық құндылықтарын ұсынуға көмектесу.

3.Қатысушылардың өз ойларын ашық жеткізіп, бір-бірінің пікірін құрметтеуге, сеніммен қарауға бейімдеу.

Жоспары:

І.Кіріспе.

ІІ.Негізгі бөлім:

«Сәлемдесу»

Топқа бөлу.

«Ой жинақтау»

Қай топ епті?

ІІІ. Қорытынды.

«Тілек шамы.»

«Шаңырақ»

І. Кіріспе бөлім:

Сәлеметсіздер ме, қымбатты әріптестер! Бүгінгі өткізілетін психологиялық тренингке қош келіпсіздер! Бүгін сіздердің психикалық көңіл-күйлеріңізді көтеруге, өз бойларыңыздағы шығармашыл қабілеттеріңізді бағалай білуге, бір-бірімізбен татулық, сыйластық қарым-қатынаста болуға арналған тренингке ұйымшылдықпен қатысуға шақырамын.

Достық- татулықтан басталады,

Татулық- табылмас бақыт. –деген екен ата бабалырымыз.

Ал енді құрметті әріптестер татулығымызды, достығымызды осы тренингте көрсете білейік.

2.Топқа бөлу.

Ал тренингімізді бастамас бұрын топқа бөлінейік. Ол үшін сіздер түрлі-түсті гүлдерден өздеріңізге ұнайтын бір түсті таңдайсыздар, сол таңдаған түстерінізге қарай топ құрып, үстелдерге жайғасып отырады. Үш топқа мына аттар ұсынылады.

І топ. Татулық.

ІІ топ. Достық.

ІІІ топ. Ұжымдық.

3.«Ой жинақтау»

Әр топ мүшелері өз топтарының атауларын қорғап шығу керек. Әр топқа өз атауларына байланысты 2 сұрақтан беріледі. Ойлануға 5-10 минут уақыт.

І топ сұрақтары.

1.Татулық сөзіне тұжырымдама беріңіз.

2. «Тату балалар» атты саусақтар ертігісін сомдап берсеңіз.

ІІ топ сұрақтары.

1.«Достық» ұғымын қалай түсіндіресіз?

2. Достық туралы 5 мақал-мәтел келтіріңіз.

ІІІ топ сұрақтары.

1.Ұжым дегеніміз не?

2.Өз қунышыңызды ұжыммен бөлісіңіз (Рөлге ену)

Қазір мен сіздерге жіп беремін, сол жіпті ілмек іліп өрмекші торын жасайсыздар. Сол құрылған тордың үстіне қаламды қойып, бос құмыраның ішіне қаламды түсіресіздер.

5.«Тілек шамы»

Тілек шамын жағып бір-бірлеріне өз тілектерін және ыстық лебіздерін білдіру. Бұл шамды жаққан себебіміз қашан алдарыңыз осы шырақ секілді ашық, жарық болсын, оттарыңыз сөнбесін деймін. Және де бір-бірлеріңізге тілек айтуларыңызды сұраймын.Тілек шамымен бірге айтылған тілектеріңіз қабыл болу мақсатында біз сіздермен шаңырақ құрайық.