Татулық – достықтың киелі бесігі

Татулық - достықтың киелі бесігі

(1-мамыр мерекесіне орай өткізілген сабақтан тыс іс-шара,бастауыш деңгейге арналған)

а) Көпұлтты Қазақстан Республикасының халықтар достығы – еліміздің бірлігінің кепілдігі екендігін таныту. Қазақстан халқының бірлігі күні мерекесі туралы білу, сөйлемдерді дұрыс құрастыра білуді үйрету. ә) Тапсырмалар арқылы тыңдаушыларды сөздерді дұрыс байланыстырып, ойды жүйелеп айтуға дағдыландыру. Мемлекетіміздің өркендеп, ілгері басып келуінің бір себебі – елімізде қалыптасқан ұлттар тұтастығы мен халықтар достығының нық болуын жалғастыру, татулықты дәріптеу, ұлттар достығын сақтау мен нығайтудың маңызы зор екеніне көз жеткізу.

Жүргізуші:Армысыздар, құрметті, қонақтар,ұстаздар мен тыңдаушылар!«Татулық - достықтың киелі бесігі» атты мерекелік іс - шараға қош келдіңіздер!

Нәсілдерге нәсіл болсын нұрлы күн,

Ынтымақтың шертсем деймін бір жырын,

Татулығын жырға қосам ұлттардың

Мақтан қылып ұлыстардың бірлігінАл енді тыңдаушылармен танысу үшін «Жүректен-жүрекке» тренингін өткіземіз. Әр тыңдаушы жүректі ұстап тұрып, өзін таныстырады, және қарсыластарына жақсы тілек айтады, жүрек солай қолдан-қолға көшіп отырады.

Жүргізуші 1 - мамыр - Қазақстан халықтарының бірлігі күні. Қазақстан мемлекеті көп ұлтты. Біздің елімізде жүз отыздан астам ұлттар тұрады: ұйғыр, кәріс, үнгіш, татар, орыс,дүнген, өзбек, қырғыз, түрікмен, тәжік, армян, әзербайжан, украин, белорус, түрік, шешен және тағы басқа шет мемлекеттен келген ұлттар біздің елімізде тіршілік етуде. Біз олармен татумыз, доспыз және бір - бірімізбен қоян - қолтық аралас өмір сүрудеміз.Бүгін әрбір ұлтқа салт - дәстүрлерін жаңғыртуға, мәдениеті мен әдебиетін дамытуға, тілінің жетілуіне қамқорлық көрсетілуде. Дегенмен бақыт, әділдік, бейбітшілік, жарқын болашақ үшін күрес олардың бәрінің басын біріктірді.

«Ой қозғау»

Ойын «Кім табады?» Қоржын ішіндегі сұрақтарға жауап беру.

-Қазақстан Республикасында қанша ұлттар мен ұлыстар мекендейді?

(130-дан астам ұлттар мен ұлыстар мекендейді)

-Қазақстан халқы Ассамблеясы қай жылы құрылды?

( 1-наурыз 1995 жыл)

-Тәуелсіздікті қай жылы алдық?

Жүргізуші

Назданып бүгін өмір нұрлы күні,

Қыр беттің қызғалдаққа тұнды гүлі.

Мамыр боп, айбары асып асқақтайды,

Еңбек, Бақыт, Береке, Бірлік күні.

1-кезең: Сәлем – сөз басы (Тыңдаушылар 4 мемлекетті слайд арқылы таныстырады)

1-мемлекет: Ресей

2-мемлекет: Германия

3-мемлекет: Қырғызстан

4-мемлекет:Армения

Халқымыз достық, ынтымақтастыққа ерекше мән берген «Қырғыз, қазақ - бір туған», «Өзбек - өз ағам», «Түбі бірге түрікмен» деп қырғыз, өзбек, түрікмен және т. б. ұлттарды ынтымақтастыққа шақырған. Бірлік — халық салты. Халқымыздың бірлік салты отбасынан…