Тәуелсіз ел азаматтарына арналған іс-шара сценарийі

«Жангелдин ауданы әкімдігі білім бөлімінің «Балдырған» бөбекжай – балабақшасы»

Біз тәуелсіз елдің азаматымыз!

Тәрбиеші Досмаганбетова Г.Б.

Армысыздар құрметті қонақтар!Қазақстан Республикасы Тәуелсіздігінің 25 жылдық мерейлі мерекесіне арналған «Тәуелсіз елдің азаматымыз» тақырыбында өткізілетін сайысымызға қош келдіңіздер!Тәуелсіз еліміз болашаққа айқын бағдар түзеп,өркениетті елдер қатарына қосылуға аяқ басты.Аспанымыз ашық,еліміз аман болса бұл мақсатқа жетеміз деген сенімдеміз.

Біздің Отанымыз-Қазақстан.Бұл ел Еуразияның орталығына орналасқан.Қазақстан Республикасы өзін демократиялық,зайырлы,құқықтық және әлеуметтік республика ретінде орнықтырды,оның ең қымбат қазынасы-адам және адамның өмірі,құқықтары мен бостандықтары.

Сен де арманда едің-ау,мен де арманда,

Сол арманға қол жетті,арман бар ма!

Өзімізді өзіміз таба алмастан,

Адасқанбыз,сан тарап ормандарда.

Аспан түсті туымыз желбіреді,

Шықты және теңгеміз ел біледі.

Әнұран да,Елтаңба-өзімдікі,

Қара аспанды қай саяқ төндіреді?!

Тарихтың белгілі енді алдамасы,

Оңтүстік-достық,бірлік жалғамасы.

Үш жүздің басын бұрын қосқан болса,

Тұранды қосты бүгін-Ордабасы!

Енді кімнің қаламыз жүлдесінен,

Тандырмады таңдантып кімді есінен-

Кең маңдайы жарқырап-Назарбаев,

Сөйлегенде жержүзі-мінбесінен!

Қантөгіссіз дербестік алған едік,

Тәуелсіздік жемісін сау көрелік.

Ауыр боп тұр,мұнан да қиын болған,

Қынжылмайық,халайық,тәубе дейік!

Тәуелсіздігіміздің 25 жылдығына орай ұйымдастырылып отырған сайысымызды бастайық.Ортаға екі топты шақырамыз.

Әнұран орындалады.

Сайысымыздың әділ бағасын беретін әділқазылар алқасы тағайындалады.

Сайысымыз 5 бөлімнен тұрады.

Таныстыру

Музыкалық сәлем

Қол өнері (үй тапсырмасы)

Ойын

Қорытынды

Қане бір-бірімізді қостаймыз,

Бүгінгі сайсымызды бастаймыз.

Жеңіске жетеміз-деп,

Жалынды ұран тастаймыз.

1-бөлім: Әр топ өздерін таныстырып өтеді.

2-бөлім: Музыкалық сәлем

3-бөлім: Қол өнері

4-бөлім: Ойын

5-бөлім: Қорытынды

Ал енді спорт сүйер жанкүйерлер,бүгінгі сайысымыз өз мәресіне жетті.

Бүгін міне оң болып әр ісіміз,

Жоғары боп күш-жігер намысымыз.

Осылайша қуанышпен думандатып,

Аяқталды халайық сайысымыз.

Сөз кезегі әділқазыларға беріледі.

Ішкі жау балағыңнан қақпасын деп,

Сыртқы жау пәле-жала жаппасын деп.

Мен әркез отырамын Тәуелсіздік

Қадірін білмегеннен сақтасын деп!

Ел аман,жұрт тыныш болып,ашық аспан астында тату-тәтті,шат-шадыман ғұмыр кешейік.Тәуелсіз еліміздің арайлап атқан әр таңы тек қуаныш пен жақсылыққа толы болсын!