Тәуелсіз ел ұланымыз мектепке дейінгі ертеңгілік

« Тәуелсіз ел ұланымын!»

Мақсаты : Тәуелсіз еліміздің болашағы – жас ұрпақтар бойына Отанға деген сүйіспеншіліктерін арттырып, туған жері мен елін сүюге, оны қорғай білуге тәрбиелеу. Мақал-мәтел, тақпақтар арқылы ой-өрісін кеңейту, сөздік қорларын молайтып, тілдерінің дамуына ықпал ету.

«Тойбастар» күйі

І-Жүргізуші:Армысыздар, құрметті ұстаздар, балалар!

ІІ-Жүргізуші:Армандарды жақындатып тым алыс,

Біздің жаққа жеткен екен жылы ағыс.

Егемендік - ел бақыты, ертеңі,

О, халайық! Құтты болсын қуаныш!-

дей келе, еліміздің Тәуелсіздік мерекесіне арналған мерекелік ертеңгілігімізді бастауға рұқсат етіңіздер!

ІІ-Жүргізуші: Әнұраны елімнің,

Шақырады бірлікке

Егеменді халқымның

Болашағы бірлікте.

І-Жүргізуші:Еліміздің, елдігіміздің белгісі Қазақстан Республикасының Әнұранын орындайық.

Әнұран орындалады

І-Жүргізуші: Мерекелік құттықтау тілегін білдіруге балабақшамыздың меңгерушісі Кемпрбаева Гүлжамал Амангельдиевнаны шақырамыз.

ІІ-Жүргізуші:

Кең байтақ, көз жетпейтін жерім менің

Таулы орман, жасыл жайлау көлім менің

Бүгінде бар әлемге даңқың жетті

Тәуелсіз Қазақстан – елім менің

І-Жүргізуші: Біздің Тәуелсіз Қазақстанның туын биіктен көрсететін бүлдіршіндеріміздің арнау өлең-тақпақтарына кезек берейік.

Бақытым-Республикам Қазақстан,

Көгінде ақ көгершін, қаздар ұшқан.

Саған жетпес құшағы әлемнің де,

Қыс болса, бір шетінде жаз ауысқан.

Ертеңіңе бұрғаныңда бетіңді,

Ұлы ерлікке буғанбелің бекінді.

Тәуелсіздік хабаршысы – Желтоқсан,

Тарихыңның жаңа беті секілді.

Тәуелсіздік! Бабалардың ұраны,

Бейуақытта бойға таққан тұмары.

Тәуелсіздік!Түнектерде тұншығып,

Ызғар ұрып, жанбай қалған шырағы.

Отан деген атамекен,

Отан деген туған жер.

Отан –Ана, Отан үлкен

Қазақстан туған ел!

Отанды біз атамекен,

Деп аялап айтамыз

Өйткені оны мекен еткен,

Бабамыз бен атамыз.

ІІ-Жүргізуші:

Қазақ дейтін менің бір елім,

Жатыр алып жарты дүние әлемін.

Бұл даланы анам жаспен суарған,

Бұл далаға жылап келіп қуанған.

І-Жүргізуші: Ия , Қасым Аманжолов ағамыз жырлағандай, кең байтақ жерімізде Қазақ халқының басынан не өтпеді десеңші.Талай қиындықты бастан кешірсе де, ешқашан мойымай, күресе білді. Азаттық таңы туатынына кәміл сеніп, үміттерін үзбеді. Тәуелсіз еліміздің аясында шаттынып, қуанып өскен достарымыздың өнерін тамашалайық:

Би « Ел басы »

І-Жүргізуші: Білесің бе, Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата-бабаларымыз ғасырлар бойы армандап, күтумен өтті.

Қайрат Рысқұлбеков, Ләззат Асанова сияқты қыршын жастардың құрбандыққа баруы арқасында ғана тәуелсіздік алып, егеменді ел болдық. Осы жас өрендерімізге арналған ән-жырмызды тыңдайық:

(Осы кезде Қайрат, Ляззат, Сабира, Ерболдардың суреттері әкелінеді)

Күн кешіп лапылдаған жастарым,

Дүрліктірді желтоқсанның аспанын.

Жерді, дінді, тілді баба дәстүрін

Қорғау үшін көтерді олар бастарын.

Қайрат:

Қаймана қазақ қамы үшін,

Қарусыз шықтық алаңға.

Алыстан әскер алдырып,

Қырып салды-ау табанда.

Тұрса да биік өр басын,

Қазаққа бақыт орнасын.

Сексен алтыншы жылғыдай,

Желтоқсан желі болмасын!

І-Жүргізуші: «Орнында бар оңалар» демекші, ел орнында, жер орнында, жерге жетер байлық жоқ. Жер болса, ел болады, ел болса ер болады. Ерлеріміздің арқасында «Қазақстан» егеменді ел болып, дүниежүзіне танылды. Солардың бірегейі, ұлы тұлға деп айтуға келетін – елбасымыз Нұрсұлтан Әбішұлы Назарбаев атамыз. Елбасына арналған жыр шашуды бүлдіршіндеріміз айтады.

Кең байтақ қой Қазақстан картасы,

Астанамен айшықталған ортасы.

Бүгін бізге таңдай қағар күллі әлем,

Бұның бәрі Елбасының арқасы.

Шықты тарап ой-данадан,

Бері қарап жұлдыз беті.

Өзі қалап сайлап алған,

Елімнің бар Президенті

Оянады көңілден қайдағы арман,