Тәуелсіз елдің рухты жастары сынып жетекшіге арналған материал

№42 Е.Қашағанов атындағы орта мектебі

«Тәуелсіз елдің рухты жастары»

атты мерекелік іс-шара!

1-жүргізуші: Қайырлы күн құрметті ұстаздар!

2-жүргізуші: Қайырлы күн қадірменді оқушылар!

1-жүргізуші: Өткенін ұмытпаған, тарихын ұлықтаған ұлан-ғайыр атырапта бүгін мереке!

2-жүргізуші: Бұл мереке – Тәуелсіздігімізге 28 жыл толуы!

1-жүргізуші:

Сіздерді келе жатқан 16 желтоқсан – Қазақстан Республикасының Тәуелсіздігі күні мерекесімен шын жүректен құттықтаймыз!

1-жүргізуші:Құтты болсын тәуелсіздік мерекесі, Мықты болсын елімнің керегесі. Татту-тәтті боп халқымыз әрқашан, Кетпесін туған жердің берекесі.

Шайқалмасын ешкімнің шаңырағы,Бақыт көрсін Отанның сан ұланы.Енді ағайын, көгінде қалықтасын,Қазағымның қастерлі - Әнұраны!

Ту кіргізіледі /Аянғали/

Әнұран орындалады

1-жүргізуші:

Жарқырашы Қазақстан!

Жайна сен де Астанам.

Әрқашанда гүлдене бер

Тәуелсіз ел Қазақстан!

2-жүргізуші:

Құттықтау сөз кезегін мектеп директоры Байгелова Ғалия Сатыбалдықызына беріледі

1-жүргізуші: Иә, бүгінгі мерекенің орны өзге. Қанымен қара тасқа қашалып, ғасырлар бойғы арман-тілекті бойына сіңіріп сағым жылдардың елесін арқалап жеткен ата-бабамыздың арманы болған мереке. Дала төсінде тербеліп тұрар Тәуелсіздік бесігі шартараптағы сағыныштарды біріктірері сөзсіз. Осы орайда, тәуелсіздік жолында шейіт болған боздақтарымызға бүгінгі ұрпақ тарапынан тағзым ретінде бір минут орнымыздан тұрып, үнсіз еске алсақ. (Барлығы орнынан тұрады)

1-жүргізуші:

Халқымызға ғасырлар бойғы арман болған тәуелсіздік, егемендік ұстанымдарын биікке көтеретін бұл күн – біздің Отанымыздың әрбір азаматы үшін қастерлі мереке.

Азаттық аңсаған елдің түпкі мақсатының орындалып, бүгінгі Қазақстан Республикасы өз мемлекеттілігін бұдан 28 жыл бұрын жариялаған болатын. Бұл мереке күнтізбеде «Қазақстан Республикасының мемлекеттік тәуелсіздігі туралы» Конституциялық Заңының 1991 жылы 16 желтоқсанда қабылдануына байланысты тұрақты түрде аталып өтіледі.

2-жүргізуші:

Кең байтақ, көз жетпейтін жерім меніңТаулы орман, жасыл жайлау көлім меніңБүгінде бар әлемге даңқың жеттіТәуелсіз Қазақстан – елім менің

8 сынып оқушысы Ералы Мұхиттың орындауында «Жүрегім қазақ» әнін қабыл алыңыздар

1-жүргізуші: Қазақстан үшін, қазақ халқы үшін тәуелсіздік аспаннан түскен сый емес еді. Халқымыз бостандықты аңсап, тәуелсіздікке зарығып жетті. Аңсатқан азаттық жолында еліміз аз қиыншылық көрген жоқ. Тәуелсіздік – ата-бабамыздың ежелден келе жатқан арманы. Халқымыздың бостандыққа ұмтылысының және өшпес қайсар рухының арқасында тәуелсіздікке қол жеткіздік. Бұл күнге дейін жеткен ұмытылмас оқиғалар – ел бостандығын қорғау соғыстары мен ұлт-азаттық көтерілістердің тарихымызда өшпес өнеге, өлмес мұра ретінде сақталатыны анық.

жүргізуші.

1986 жылы 16 желтоқсанда Қазақстан Компартиясы Орталық комитетінің пленумында Дінмұхаммед Қонаевты міндетінен босатты. Оның орнына Ресейден келген Колбин сайланды. Төтенше өткен Пленум не бәрі 18 минутта аяқталды.

– жүргізуші.

Асығыс өткен пленум шешімі дүйім қазақ халқымен санаспаушылық болып табылады, Пленум шешіміне көңілі толмаған халықтың жүрегінде наразылық ұшқыны лаулай түсті.

Әдеби монтаж

Сағындық Аружан, Ахмет Аяжан, Мұхтар Нұрберген, Серікжан Ерасыл,

Өз шығармашылығынан Болат Мөлдір

ОҚУШЫЛАР АЙТАДЫ