Тәуелсіз елдің ұланымын ашық сабағы бастауыш сыныпқа

Тақырыбы: Тәуелсіз елдің ұланымын!

Мақсаты:Оқушыларға «тәуелсіздік» ұғымын түсіндіру, Ата Заңды, мемлекеттік рәміздерді құрметтеуге үйрету, өз Отанын, туған жерін, елін сүюге тәрбиелеу.

1. Диалог (екі бала)

-Сәлеметсіздер ме балалар?

-Мен қайда келдім?

-Бұл Бөдене орта мектебі, 2 «Ә» сынып оқушылары.

-Мұнда не боп жатыр?

-Тәуелсіздік күніне орай мерекелік шара болып жатыр.

- «Тәуелсіздік», - дейсің бе?

- Ия. Олай болса, «Тәуелсіз елдің ұланымын»! атты шараның қонағы болыңыз.

Тәуелсіздік таңы атты елімде(Әлішер)

Тәуелсіздік бізге оңай келген жоқ, Ұл-қыздарым оны қолдан берген жоқ.Отан үшін құрбан болған боздақтар,Ел есінде қалды мәңгі өлген жоқ.Әрқашанда тыныш болсын түніміз,Шуақ шашсын ашық аспан күніміз.Кеше ғана азаттықты аңсаған,Бүгін міне, ірі елдердің біріміз.

Мұғалім сөзі:

Тәуелсіздік бізге оңай келген жоқ.... Осы күнге жету үшін талай қиыншылықтарды басынан өткізді. Еліміз 1991жылы 16 желтоқсанда Тәуелсіз Қазақстан Республикасы болып жарияланды. «Тәуелсіздік» деген ұғым өз еркіміз өзімізде, азатпыз, ешкімге тәуелді емеспіз дегенді білдіреді. Бұл күнде Қазақстан тәуелсіз, Егеменді ел. Өзінің Ата Заңы, тілі, діні, мемлекеттік рәміздері, төл теңгесі, қарулы күштері бар. Мемлекеттік рәміздер –еліміздің егемендігі мен тәуелсіздігінің белгісі.Тәуелсіздік жолында қаншама азаматтар құрбан болды. Солардың бірегейі Қайрат, Ербол, Ләззат, Сәбира есімді азаматтарымыздың рухына бас иіп, олардың ерлігін әрдайым мақтан етеміз.

Слайдтан: (Ата Заң, мемлекеттік рәміздер, теңгесі, қарулы күштерін, Қайрат, Ербол, Ләззат, Сәбираларды көрсету)

Оқушылар 2 топқа бөлініп отырады.

2. Мағынаны ашу (Класстер әдісімен топтық жұмыс)

1.«Тәуелсіз ел» дегенді қалай түсінесіңдер?

2.Тәуелсіз елдің ұланы қандай болуы керек?

Азат, еркін, ешкімге тәуелді емес, Ән ұраны, Ата заңы, тілі, Елтаңбасы, төл теңгесі,білімді, қайсар, батыл, намысшыл, үлкенді сыйлайтын, кішіге қамқор, үлгілі, өз Отанын сүйеді деген сөздер екі топқа беріледі. Берілген сөздерді сұраққа сәйкестендіреді..

Топтың аты:

«Жас өрен» «Жас өркен»

Топтың ұстанымы:

І топ ІІ топ

Айбарлымыз Тәртіп

Айбаттымыз Талап

Ақылдымыз Тыныштық

Алғырмыз Тазалық

Азатпыз Татулық

Тәуелсіз ел дегенді қалай түсінесіңдер?

Тәуелсіз елдің ұланы қандай болуы керек?

3. Тәуелсіз ұландар үні (бұл бөлімде оқушылар жаттаған тақпақтарын айтады.)

1. Шыңғыс

Мен тәуелсіз ұланмын. Өз үнімді былай жеткізгім келеді.

Еркіндігім.Қасиеттім.Қастерлім.Өзің барда өзегімде жоқ шер мұң!Кеше сенің келбетіңді арман ғып,Боданына бұғауландық басқа елдің.Бабалардың басын тігіп бәйгеге,Аналардың жанарына жас бердің!Уа, Еркіндік,қош келдің!

2. Айбибі

Мен тәуелсіз ұланмын. Өз үнімді былай жеткізгім келеді.

Өзегімді өртке ораған қоғамда,Өз үйіме өзім өгей болам ба?!Алшаң басып жүре алмаса алты алашАзаттығым! Қадірің де жоқ онда!...Саған жету қиын болса қаншалық,Сақтап тұру қиынырақ одан да!Алла берген азаттықтың әр сәті-Аманат қойМаған, СағанОған да!3.Қарақат

Мен тәуелсіз ұланмын. Өз үнімді былай жеткізгім келеді.

Саясатқа сермей алмай семсерді,Езгі күнге тері қылдым еңсемді!Желтоқсанда жалын атып жастығым,Құрсау болған темір қоғам теңселді!Есте даңқы қыршындардың қалды ма,Сексен алты ерлігім бе-ей, ең соңғы!?Уа, еркіндік,Құның немен өлшеңді!?4. Еңілік

Мен тәуелсіз ұланмын. Өз үнімді былай жеткізгім келеді.

Уа, еркіндік!Құның немен өлшенді?!Сені көксепБоздақтарым өлсе өлді!Сенсің менің ең ғажайып өлеңім,Ең шуақты,Ең шырайлы,Ең шерлі!

5.Алтынай

Мен тәуелсіз ұланмын. Өз үнімді былай жеткізгім келеді.

Құтты болсын тәуелсіздік мерекесі,

Мықты болсын елімнің керегесі.

Тату-тәтті боп халқымыз әрқашан,

Кетпесін туған жердің берекесі.

6. Елікай

Мен тәуелсіз ұланмын. Өз үнімді былай жеткізгім келеді.

Мекендеп ғаламшардың кең даласын,

Ұлы деп үлгі тұтқан ер бабасын.

Мен үшін бақыт, байлық мақтаныш та,

Қазағым, қайсар елім сен ғанасың.

7. Серік

Мен тәуелсіз ұланмын. Өз үнімді былай жеткізгім келеді.

Бейбіт өмір тілеймін мен халқымаТуған тілім шұбарланба жарқыраЕлімізде таланттылар көбейсінБас иемін ата баба рухына.

8. Аманбек

Мен тәуелсіз ұланмын. Өз үнімді былай жеткізгім келеді.

Көк аспандай тулайтын,Желтоқсанның күні бұл.Елім деген ұлдардың,Елжірейтін күні бұл.

9. Әбілмансұр

Мен тәуелсіз ұланмын. Өз үнімді былай жеткізгім келеді.

Жауына табынбаған,От болып жалындаған...Азаттық қоныс қылған,Елінде бақыт тұнған.Қыраны еркін самғап,Аспанда қалықтаған.

10. Әлішер

Мен тәуелсіз ұланмын. Өз үнімді былай жеткізгім келеді.

Желбіреп жалауларыШегі жоқ даласындаӘнұраны шарықтаған.Бәріне құшақ ашып,Ешкімді жатсынбаған.

11. Гүлсезім

Мен тәуелсіз ұланмын. Өз үнімді былай жеткізгім келеді.

Көңілі ашық қашанда,Бар елмен туыс болған.Дұшпаны тұрса күліп,Қиып түсер қылыш болған.Дәстүрін ұмытпаған,Ұлыларын ұлықтаған.

12.Іңкәр

Мен тәуелсіз ұланмын. Өз үнімді былай жеткізгім келеді.

Егемендік – бұл елімнің елдігі,

Егемендік – барлық ұлттың теңдігі.

Егемендік – елін, жерін қорғаған,

Ербол менен Қайраттардың ерлігі.

13.Ернұр

Мен тәуелсіз ұланмын. Өз үнімді былай жеткізгім келеді.

Желтоқсаным – тәуелсіздік тірегі,

Желтоқсанды қадір тұтып тұр елі.

Есте сақтап ағалардың ерлігін,

Жүректерге сақтау керек үнемі.

14.Құрмет

Мен тәуелсіз ұланмын. Өз үнімді былай жеткізгім келеді.

Желтоқсаннан бастау алған теңдігі,

Қазағымның өркендеді елдігі.