Тәуелсіз елім Қазақстан тақырыбындағы 3 сынып тәрбие сағаты

Тақырыбы: «Тәуелсіз елім – Қазақстаным!» Мақсаты: Оқушылардың бойында Отанға және туған елге деген сүйіспеншілік пен мақтаныш сезімін қалыптастыру. Тәуелсіздік, бостандық, еркіндік ұғымдарының тарихи маңызын түсіндіру. Отанды сүюге, елжандылыққа, адамгершілікке, жауапкершілікке тәрбиелеу. Көрнекі құралдар: Еліміздің рәміздері, слайдты альбом, суреттер көрмесі. Сабақтың түрі: әдеби-музыкалық монтаж.

І-жүргізуші. Тыңда жолдас, тыңда дала, тыңда ел! Сөйлеп тұрған күншығыстан жомарт өңір – Қазақстан! Жұмыр жердің онтүстік шығысында, еркін көсілген, Байтақ өлке – менің елім – Қазақстан!

ІІ-жүгізуші. Қадірлі қонақтар, аяулы ұстаздар мен достар бүгінгі «Нұр шашқан – Тәуелсіздік!» атты ашық тәрбие сағатына қош келдіңіздер!

І – жүгізуші. Сіздерді Қазақстан Республикасының Тәуелсіздігінің 20 жылдығы мерей тойымен құттықтаймыз! ІІ – жүргізуші. Жасыл шүйгін, кең жайлау, Асау өзен, асқар тау, Кербез орман, көркем бел, Лебі жұпар, ерке жел. Жанға сая панамыз Қазақстан - көркем жер!

І – оқушы. Бекзат. Мерейім – нұрлана бер, азат Күнім, Көрейін бақытымның азаттығын. Тауымды тамылжытқан бостықтан, Танылды бар әлемге қазақ бүгін. Құттысың тәуелсіздік – киелі күн! Құт күшім – егемендік иелігім, Уақыттың биігінен шуақ төгіп, Бақытым – еркіндік боп, үйілер күн.

Кең далам, көл дариям, сеңгір тауым, Бабалар жеңді ерлікпен небір жауын Байрағым желбіреп тұр биіктерде, Байладым тәуелсіздік - өмір бауын!

ІІ.Бейбарыс. Азапты ауыр күндер артта қалды,

Еркіндік ернеуінен таптық балды. Тізгінін тәуелсіздік қолға ұстап, Шаттанып шаңырақта жақтық шамды. Әнұран

3. МАружан. Қазақпын, еңселі елмін егеменді, Кеңейттім кең әлемге керегемді.

Мұхиттың ар жағында жатқан жұрттар Таныды тепе-тең деп тереземді. Қазақпын, қойнауы – құт, жері – дархан, Әнімді бес құрлықтың бәрінде айтам.

4. Арнұр. Асқақтап көк байрағы аспанымда, Қазақ тұр төрткүл дүние асқарында. Жаны жас, жүрегі мәрт елмін бүгін, Азаттық арайланып дастанында.

5. Сермұхан. Тәуелсіздік – ардақты асыл ұғым, Тәуелсіздік – қасиетті ұқсаң сырын. Тәуелсіздік алған ел бақытты ғой, Тәуелсіздік жайында осы жырым. Тәуелсіздік келген жоқ оңайлықпен, Бүгінгі жарқыраған келбетімен Тарихты сараласаң көзің жетер, Қатпарын жаза біліп рет-ретімен. 6. Жания. Тәуелсіздік аңсаған қайран елім, Талай ғасыр соғыста қорғап жерін. Арпалысып, алысып сыртқы жаумен, Сақтай білді қазақты ң ел бірлігін І-жүргізуші. Қазақстан арайланып азат таңы, Тағдырдың артта қалды азаптары. Үмітін үкілеумен өткен жылдар, Жасампаз жазып жатыр парақтарды.

ІІ – жүргізуші. Аңсаған азаттықты ұлы халық, Бостан күнге жеткенді белі талып. Бет түзеп өркениет ауылына, Арманның алаулайды шамын жағып. І – жүргізуші.

Ұзақ жылдар бойы жолында қан да, жас та, тер де төгілген тәуелсіздік – біздің халқымыз үшін аса қымбат. Себебі тәуелсіздік ата–баба рухын көтерді, сөнген мемлекетіміздің отын маздатты, елімізді қатарға қосып, әлемдік қауымға ендірді.

2-жүргізуші: Артта қалған ғасырларға көз жіберіп,алдарына мақсат қоя білген,оны іске асырып, қаһармандық танытқан,сол жолда тар жол тайғақ кешуден өткен, ата-бабаларымыздың тарихынан үзінді тамашалаңыздар:

Көрініс:

І - Жүргізуші.

Тәуелсіздік – ата тарихымызды, ана тілімізді, дінімізді, даламызды қаз–қаз тұрғызып, «қазақ» деген атауға қан мен жан кіргізді. «Отан» деп жүрегімізді қақтырды, «Елім» деп елеңдетіп, «Жерім» деп желпінтіп, барша 62 тамырымызды игізіп ата-жұртын сүйдірді.

7. Арнұр Мен қазақпын, мың өліп, мың тірілген, Жөргегімде таныстым, мұң тілімен, Жылағанда жүрегім күн тұтылып, Қуанғанда күлкімнен түн түрілген. Мен қазақпын, бір биік белеспін мен, Европа да, Азия да емеспін мен, Аралықпын жетінші материктей, Бірақ барша адаммен тең өстім мен. 8.Талғат. Тәуелсіз елім менің, Қазақстан, Өткен жолын жалғанда ұлы дастан. Болашағыңа қарасам көз жіберіп, Аумайсың атылмақшы жас барыстан.

9. Мөлдір. Бақытым – Республикам Қазақстан, Көгінде ақ көгершін, қаздар ұщқан Саған жетпес құшағы әлемнің де, Қыс болса, бір шетінде жаз ауысқан. 10. Мақсат. Мықтап ұстар асылым – Азаттығым, Келешегім, ертеңім, ғажап күнім. Сен боп, мен боп қосайық жеке үлесті,

Арқаласып халықпен мақсат жүгін. 11. Мәншүк. Тура 20 жыл-сері күн шалқығалы, Ніл көгімде қыран құс қалқығалы. Көк байрағын алашым желбіретіп, Содан бері алмастай жарқылдады. 12.Асхат. Мақтанбаймыз, әрине, қол жеткенге, Қиындық та кездесер жол шеккенде. «Бірлік түбі-тірлік» деп бекер айтпас, Ұсақтама, туған ел, бөлшектенбе. Хор:

І – жүргізуші. Қаншама ой, асыл арман өрімделіп, Ақорда аспандайды көңіл берік. Құйылар қорғасындай әрбір сезім, Толқыған көңілдерге сенім беріп.

ІІ – жүргізуші. Создық қол болашаққа көз көрмеген, Тереземіз теңеліп басқа елменен. Мүше болып, Біріккен Ұлттар Ұйымға қазақ елі, Мысын басты өзге елдің тең көрмеген.

13. Маржан. Елің үшін қуанғын және қайғыр, Даңққа бөлен өзің де данадай бір. Жаңа қаулай бастаған жапырағымды, Аяздарға тоңдырмай аялай біл. Тарихтың жадында даусың қалсын, Дала өзіңді жарылқап, тау шындасын. Баста бізді бақытқа, көзіндегі, Елге деген мейірім таусылмасын.

14. Наргиза. Ән – жырымен тербелген, Күнбезінде күн күлген. Қазақстан – Отаным, Еркіндікке бөленген. Көк тұлпардың дүбірі, Сауырында сақталған. Хан, батыр, би есімі, Бітпес шежіре, сан дастан. әдебиеті, тарихы, Небір сырлар шертеді. Біз жас ұрпағы қазақтың Болашағы, ертеңі.

15. Әсел. Алтын бесік туған жерім, құт, береке, босағам,

Таусылмасын нәсібесі әрбір қазақ аңсаған. Тәуелсіздік, ұлттық дәстүр, бұзылмасын тіліміз, Зіл – заладан сақтай берсін елімізді жасаған.

16. Бекзат. Кең далам, көл-дариям, сеңгір тауым, Бабалар жеңді ерлікпен небір жауын. Байрағым желбіреп тұр биіктерде Байладым тәуелсіздік - өмір бауын!

І-Жүргізуші:

Аз ғана уақыттың ішінде елімізді, халқымызды, шар-тарап танып үлгерді. Бірде жүгіріп, бірде жығылып жүрген қазақ елі енді еңсесі биік, көңілі көтеріңкі, қадамы мығым, «Менің елім - байтақ Қазақстан» деп маң–маң басатын болды. Елміз өркениетті замана ағысына қосылды.

ІІ-жүргізуші: Қазақстан Республикасы Президентінің 1991 жылы 16- желтоқсанда Тәуелсіздік туралы Жарлығы жарияланысымен-ақ дүние жүзінің құлағы елең етіп, егемендігін алған ерікті Қазақстанды әлем мойындай бастады. Бұл күнде Қазақстан әлемнің өзге өркениетті елдері сияқты жаңа ғасырдың табалдырығын тең аттап отырған ел. Еліміздің егемен екенін танытатын, жұрт таныған ұлттық белгілері бар. І – жүргізуші: Мемлекеттік рәміздер – еліміздің тәуелсіздігін паш ететін нышандар. Халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер. Еліміздің туы мен елтаңбасы 1992 жылы 4-маусымда, ал әнұран 1992 жылы желтоқсан айында қабылданған жарлық бойынша, мемлекеттік рәміздер болып бекітілді.

17- Камила Тәуелсіз елім, тау – елім, Қойнауың жақұт бау елім. Көк байрақ туым желбіреп, Шаттықтықтың салам әуенін.