Тәуелсіз Қазақстан мектепке дейінгі ашық сабақ

«Зере» балабақшасы

Тақырыбы: Тәуелсіз Қазақстан

Тобы: «Болашақ»

Тәрбиеші: Ш.М.Қарағойшиева

2018-2019 оқу жылы

Тәуелсіз Қазақстан

Білім беру саласы: Әлеумет

Бөлімдері: Қоршаған орта

Мақсаты: Балаларға Қазақстан Республикасы туралы білім беру.

Білімділік: Қазақстан Республикасының мемлекеттік рәміздерімен, тарихымен таныстыру.

Дамытушылық: Балалардың дүниетанымын кеңейту, тіл байлығын, логикалық ойлау қабілетін дамыту.

Тәрбиелік: туған елін, жерін сүюге, отанына адал қызмет етуге тәрбиелеу.

Қостілділікастана-столицы, , ту-флаг, елтаңба-герб, әнұран- гимн

Сөздік жұмысы: отан, астана, ұлт, ту

Қажетті көрнекілік құралдар: тақпақтар, рәміздердің суреттері, тақырып бойынша суреттер жинағы, слайд

Тәрбиеші:

— Біз аспаны ашық, сәулелі,кең байтақ елде тұрамыз. Ол ел – Қазақстан

— Бүгінгі ұйымдастырылған іс-әрекетімізді Қазақстан Республикасының ән ұранынан бастайық.

Ғажайып сәт:

Есік қағып тобымызға Аяулым достарымен келеді.

Ұйымдастыру кезеңі:

Тәрбиеші: Аяулым қайдан жүрсің?

Аяулым: Мен достарымды кестестіріп қалдым. Қонаққа алып келдім.

Осылай бүгінгі сабағымыз басталады. Балалар, біз қандай мемлекетте тұратынымызды мақтанышпен қонақтарымызға жеткізейік. Достарыңды ортаға алып, балалармен бірге отыра ғой.

Бүгінгі сабағымыз топтық жұмыста өтеді. Топқа алдын ала бөлініп отырып, топ басшысын сайладық.

1-топ: Қазақстан

2-топ: Астана

3-топ: Бәйтерек

Топтың ережесі: топ басшысын тыңдаймыз, шуламаймыз, бір-бірімізді тыңдаймыз, бір-бірімізге кедергі жасамаймыз, ұйымшылдықпен жұмыс жасаймыз.

Сұрақ-жауап:

Балалар біздің ұлтымыз кім?

Қазақ

Біздің мемлекетіміз қалай аталады?

Қазақстан Республикасы

Қазақстан қандай мемлекет?

Егеменді, тәуелсіз мемлекет

Елбасымыз кім?

Нұрсұлтан Әбішұлы Назарбаев

Елордамыз, бас қаламыз қай қала?

Астана қаласы

Ал бүгінгі өткізіп жатқан сабағымыз қандай мерекеге арналып жатыр?

Қазақстанның тәуелсіздік алған күніне

Дұрыс балалар, өте жақсы жауап бердіңдер.

16-желтоқсан Қазақстанның тәуелсіздік алған күні. Ол күнді біздер ерекше қуанышпен тойлаймыз. Ал, осы тәуелсіздік деген сөзді қалай түсінесіңдер? (Балалар жауаптары)

Балалар Тәуелсіздік бізге оңайлықпен келген жоқ. Тәуелсіздіктің мағынасы зор, тамыры терең ұғым. Қазақстан Тәуелсіздікке қалай қол жеткізгенін көру үшін тарихқа көз жүргізейік. (Слайд- шоу арқылы Желтоқсан оқиғасын көрсету)

27 жыл бұрын Қазақ елі Ресейге бағынышты болды. Қазақ елін ресей басшылары басқарған. Оған 1986 жылы 16 желтоқсанда Алматыда бір топ жастар қарсы болып, «Қазақ елін қазақ басқару керек» деген ұранмен алаңға шыққан жастар көтерілісі болды. Оқиғаға қатысқандарды саяси тұрғыдан қуғындау басталды. Студенттерді оқудан шығарды.

Бұл оқиғанын құрбандары болған қайсар батырларымыз Қайрат Рысқұлбеков, Ләззат Асанова, Сабира Мұхаметжанова, Ербол Сыпатаевтар ерлік көрсетті, олардың ерліктері мәңгі өшпейді. Осындай жастарымыздың арқасында қазіргі кезде бейбіт тыныш өмір сүріп жатырмыз. Өз бетімен ешкімге бағынбай өмір сүрген елді тәуелсіз ел деп атайды. Осы күнге жету үшін қазақ халқы талай қиыншылықты бастан кешірді. 1991 жылы 16 желтоқсанда Қазақстан Республикасының мемлекеттік тәуелсіздігі жарияланды. Осылайша Тәуелсіз Қазақстан атты жаңа мемлекет пайда болды. Оның тұңғыш президенті болып Н.Ә.Назарбаев сайланды. Жыл сайын 1 желтоқсан президент күні болып тойланып келеді.

Фатима: Елімде бейбіт тыныш өмір болсын

Елімнің ел ағасы, елбасымыз

Нұрсұлтан Назарбаев аман болсын.

Балалар, біз өте бақытты, тыныш, достығымыз жарасқан мемлекетте өмір сүреміз. Соның бәрі елбасымыздың арқасында. Сендер білесіңдер ме? Біздің Елбасымыз Нұрсұлтан Әбішұлы Назарбаев балалар үшін, еліміз үшін, отанымыз үшін ештеңе аямады. Сен басқа мемлекетке бара қалсаң, өзіңнің тіліңді, отаныңды, туыңды яғни рәміздерді мақтанышпен жеткізсең сонда ғана сен нағыз патриотты азамат екеніңді дәлелдей аласың.