Тәуелсіз Қазақстан рухани жаңғыру туралы мақала

Тәуелсіз Қазақстан: ұлт тарихындағы ұлы белес - рухани жаңғыруда

«... Уақыт қарқыны зымыран. Күні кеше өткен сияқты оқиғалар бүгінде тарих беттеріне айналып та үлгерді. Бұл жаңа мемлекет пен жаңа қоғамның дүниеге келуінің азапты толғаққа толы, сонымен бірге ғаламат сәт еді. Сол сәт әлі аяқталған жоқ, бірақ ең қиын белестерден аса білді. Ең қиын жылдар дәл қазір артымызда қалды, сондықтан да мен еліміздің еңсесі биіктей беретініне сенемін» Н.Ә.Назарбаев Туған жер, Отан ... Бұл сөздер – әрбір адамның жанына жақын, жүрегіне жылы тиер сөз. Туған жер, Отан дегеніміз – қазақ халқының бастан кешкен тарихы, ел бірлігі, бостандығы, елін, жерін қайтсек сақтап қаламыз деп құрбан болған апаларымыз бен аталарымыз. Егер біз сонау ғасырлар қойнауының қатпар-қатпар белесіне көз жүгіртіп байқасақ, ежелден-ақ ата-бабаларымыз өз жерін жауға бастырмаған, ұлын құл, қызын күң еткізбеуге батырлық ержүректігін, жауына қатал, досына адал, шыбын жанын шүберекке түйіп, садақ ұстап қол күшіне сеніп, найзаның ұшына үкі таққан ұлдары мен қыздарының жауынгерлік үлгісі бізге аманат болып жеткен. Алла Тағала біздің елімізге осыншама кең жерді нәсіп еткенін түсінуге ұмтылсақ, ұшқан құстың қанаты талатын осынау ұлан ғайыр Алтай мен Атырау аралығын ата-бабаларымыз ақ білектің күші

жатыр.Олар- атамекенін, туған елін жан аямай қорғап, ата- бабаларының ерлік дәстүрін сақтау арқылы өздерінің өшпес даңқын шығарғандар. Біздің халқымыздың атамекенді ардақтау сезімі өте терең, олар үшін туған жерді қасиет тұту - қанға сіңген мінез, ежелгі дәстүр. Бұл таным біздің жанымызға ана сүтімен тараған, ана сүтімен дарыған. «Кіндік қаным тамған жер» деген өлең жолында адамның туған жерге деген шексіз сүйіспеншілігі мен терең ыстық сезімі тамаша бейнеленген. Қазақ батыр халық, ержүрек халық, намысшыл халық. Ел басына қиын-қыстау күн туғанда ерлері намыс отын жағып, туған топырағын қасық қаны қалғанша қорғағанына өткен тарих куә, кешегі сұрапыл заман куә. Байтақ ел, күн сәулетті Қазақстан бүгінде дамудың даңғыл жолына түсті. Өлшеусіз табиғат байлығымен ғана емес, ең алдымын сан түрлі ұлттардан құрылған ауызбірлігімен аты шықты. Біздің Қазақстан - көп ұлтты мемлекет. Бейбітшілік пен достастықта, татулықта бірге жұмыла отырып, қызметтің әр түрлі саласында қазақтар мен орыстар, татарлар мен немістер украиндер мен кәрістер ... еңбек етуде. Бірлік, ұлтаралық келісім және саяси тұрақтылық – қазақстандықтардың қалауы. Мен оны білемін. Онда татарлар да, қазақтар да бар. Олардың тағдыры