Тәуелсіздік бастауы Желтоқсан сценарийі

Тақырыбы: Тәуелсіздік бастауы – Желтоқсан

Мақсаты:

1986 жылдың желтоқсанындағы адал да, аңғал Қазақ жастарының бодандыққа қарсы жойқын бұлқынысы, бейбіт шеруге шыққан, тұңғыш рет Кеңес империясының зорлықшыл тас қамалына тайсалмай қарсы шыққан желтоқсан құрбандарының ерлігін, жалынды жырларын оқушылар көңіліне ұялату. Балалардың тіл байлығын, сөйлеу мәдениетін дамыту.

Балаларды адамгершілікке, Отанын сүюге, сыйластыққа, ұлтшылдыққа тәрбиелеу.

Көрнекіліктер: Мультимедия, кітаптар, журналдар, желтоқсан құрбндарының фотосуреттері

Фон музыка «Көк тудың желбірегені»

Жүргізуші 1: Армысыздар құрметті ұстаздар, қадірлі қонақтар, оқушылар. Бүгін біздің еліміздің сан мың жылдар бойы найзаның ұшымен, еліміздің ерен ісімен, кешегі дүниені дүр сілкіндерген Желтоқсан оқиғасымен келген тарихымызда алтын әріптерімен жазылып қалған «Тәуелсіздік бастауы – Желтоқсан» атты тәрбие сағатымызды ашық деп жариялаймыз.

Жүргізуші 2:

Шайқалмасын ешкімнің шаңырағы,

Бақыт көрсін Отанның сан ұланы.

Енді ағайын, көгінде қалықтасын,

Қазағымның қастерлі - Әнұраны!

(Қазақстан Республикасының Әнұраны)

Жүргізуші 1:

Нашақор деп, ұлтшыл деп,Қазаққа күйе жаққан күнБазары кетіп бар күнде,Қайғыға халық батқан күнӘділдік пен шындықтыӨтірік жала еткен күнНадан жасаған сұмдықтанАдамдар азап шеккен күн

Жүргізуші 2:

16 – желтоқсан. Бұл ерлік пен өрлік, қайғы мен қасірет мидай араласқан әрі жарқын, әрі қаралы күн еді. Бұл қасіретті күн Қайрат, Қайыркелді, Түгелбай, Сәбира, Ербол, Ләззат сынды жүздеген, мыңдаған қыршындардың қанатын қиып түскен озбырлық күні, өктемдік үні еді.

Қасқалдақ ұшып көліненШүрегей келіп қонған күн.Қыранды қуып көгіненҚарғалар билік алған күн.Адал мен арсыз, аярды,Айырып халық ұққан күн.Саф алтындар бәз баяғыСары жез болып шыққан күн.

Жүргізуші 1:

Құттықтау сөз кезегі мектебіміздің директоры Муканова Магиза Какашовнаға беріледі.

1-жүргізуші: Қазір бұл күн Қазақ халқы үшін ұлы күн, әрі қайғылы, әрі бақытты күн. 1986 жылғы желтоқсан оқиғасы Қазақ халқында бұрын болмаған ең ауыр да, әділетсіз көтерілістің бірі.

2-жүргізуші: Енді міне, осы Желтоқсан көтерілісіне қатысқан ағаларымыз бен апаларымыз үш ғасырға жуық уақыт бойы армандаған тәуелсіздікке қол жеткізді.

1-оқушы:Тәуелсіздік – менің байтақ ОтанымБір өзіңсің Мұхтар, Абай, ШоқанымТәуелсіздік – сәбилердің шаттығыТәуелсіздік, тәуелсіздік – жыр әнім

2-оқушы:Тәуелсіздік таңы атты,Азаттықтың күні атты.Тәуелсіздік алған ел,Егемен қазақ халқы.

3-оқушы:

Құтты болсын тәуелсіздік мейрамы,Ол әркімге бейбіт өмір сыйлады.Аңсаған сан ғасырлық арман болып,Қол жеткізген шындық жырын жырлады

1-жүргізуші: Ия, ол күн тәуелсіздіктің туын ең алғаш көтерген әйгілі 1986 жылдың 16 желтоқсан еді. Таңертеңгілік сағат 10.00 да бар жоғы 18 минутта 26 жыл елді үздіксіз басқарып келген Д.А.Қонаев түсіріліп, орнына Г.Колбин ешкімнің пікірінсіз-ақ ұсынылған еді.

2-жүргізуші: Бостандық деп аталатын асқақ арман жолында қаншама қан төгілді, қаншама батыр мерт болды. Бұл арпалыс бір күн, бір жыл, бір мезет емес, талай ғасырларға созылған. Осы арпалысты жай тілмен тарих дейді. Ендеше, тәуелсіздік жолындағы тарих беттеріне тағы бір зер салайық.

Бұрынғы Алматы оқу орындарының бірінің жатақханасының алдындағы оқиға. Көрініс.

Көрініс: Сахнаға екі студент шығады, бірі – жігіт, бірі – қыз. Қолдарында конспекті дәптерлері бар.

Қыз: Мақсат, сен естідің бе? Кеше Дінмұхамед ағамыз орнынан алыныпты дейді.

Ұл: Қойшы, рас айтасың ба? Кімнен естідің?

Қыз: Кеше куратор ағайдан естідім. Бүгін Брежнев алаңында көп адам жиналады екен.

Ұл: Неге? Неліктен?

Қыз: Қонаевтың орнына Ресейден бір орыс келіпті дейді. Халық наразылық білдіріп жатқан көрінеді. Куратор ағай ол жаққа бармаңдар деп ескертті.

Ұл: Қой, біздің мұнда тығылып қалғанымыз дұрыс болмас. Жүр кетейік. Тез барайық!

3 оқушы:

Сүймейтұғын болдық қой, сүймей ғұмыр

Көлеңкеміз күннен де тимейді нұр

Колбин деген кім екен, қайдан келген?

Уа, сыртымыздан қашанғы билейді бұл?

Көрініс: Алаңда жастар бейбіт, жайбарақат. Қолдарында «Каждому народу – своего вождя», «Ленин идеясы жасасын», «Қазақстан - қазақтардікі», «Ресейге қайт» деген транспоранттар бар. Оларға Мақсат пен Айгүлде келіп қосылды.

Дауыс (Нұртуған): Қонаевты шақырыңдар! Ақиқатын айтып, түсіндірсін барлық жағдайды.

Дауыс (Амина): Қазақстаннан адам табылмады ма? Қазақстанға басқа жерден басшы әкелгені несі?

Дауыс (Бекжан): Талап – тілекті айтамыз, шықсын ортаға басшылар!

Прокурор келіп: Балалар! Уа, балалар! Мен Республика прокурорымын. Тараңдар! Жатақтарыңа қайтыңдар! Ұят болды! Мен сендерге күш қолданамын! Үйге қайтыңдар.

Осы кезде залда әскери команда беріледі.

Милиционер: Первая рота! Слушайте мою команду. Производится операция «Құйын». Немедленно разогнать экстремистов и хулиганов! Первая рота, за мной! Ура!

Осы кезде залға сырттан қаруланған әскери адамдар – көктен кіріп, алаңдағы жастарды ұрып – соға бастайды. Қаралы музыка баяу ойнап тұрады. Қарулы әскер сахнадан жаралы қыздар мен жігіттерді біртіндеп сүйреп, жұлқылап әкете бастайды. Беті – аузы қан, ұзын шашы жайылып бетін жапқан жас Қазақ қызын екі әскери солдат сүйрей бастады. Қыз жұлқынып, халыққа қарап ышқына сөйледі:

- Әй туғандар! Жігіт болсаңдар шығыңдар бері қарай! Қосылыңдар біздің қатарға