Тәуелсіздік деп соғады жүрегіміз тәрбие сағаты

Алматы облысы

Алакөл ауданы

«Үшарал қалалық балалар шығармашылық орталығы» МКҚК

«Тәуелсіздік деп соғады жүрегіміз»

(мерекелік кеш)

Ағылшын тілі үйірмесінің жетекшісі:

Биболова Т.Т.

2019 жыл

Кештің тақырыбы: «Тәуелсіздік деп соғады жүрегіміз»Кештің барысы: Ән: «Батырлар ұраны», «Жас ұлан» вокалдық тобының орындауында.

Жүргізуші: Армысыздар, құрметті ұстаздар, оқушылар және қадірменді қонақтар! Бүгінгі Тәуелсіздігіміздің 33 жылдығына арналған «Тәуелсіздік деп соғады жүрегіміз» атты мерекелік кешімізге қош келдіңіздер!Тәуелсіздік - ең басты құндылығымыз. 33 жыл ішінде тәуелсіз Қазақ елін қалыптастырып, нарықтың қиын өткелдерінен аман өтіп келеміз. Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.Армандарды жақындатып тым алыс,Біздің жаққа жеткен екен жылы ағыс.Егемендік - ел бақыты, ертеңі,О, халайық! Құтты болсын қуаныш!Азат өлкем күндей күлген шығыстан,Асыл елім жан - жүректі ұғысқан.Ата бабам аңсап өткен бақытым,Айналайын, Қазақстан - Гүлстан!Құрметті ұстаздар, оқушылар балалар шығармашылық орталығы шәкірттерінің тәуелсіздік күніне арналған шағын концерттік бағдарламасын қабыл алыңыздар!

Ортада «Аманат» әнімен Мұсағазы Думан. Қабыл алыңыздар!

Жүргізуші:Кең байтақ, көз жетпейтін жерім меніңТаулы орман, жасыл жайлау көлім меніңБүгінде бар әлемге даңқың жеттіТәуелсіз Қазақстан – елім менің

Шарықта, шарла көкті көк байрағым,

Арманым, Азаттығым, көпке айғағым.

Мен сенің салтанатты сағатыңа

Өлеңмен алтын шашақ шоқ байладым.

Алдарыңызда көркем сөз үйірмесінің жас өнерпаздары Тыныс Ерасыл және Ертісқызы Інжу. Қабыл алыңыздар!

Жүргізуші:

Тәуелсіздік елімде

Бақыт құсы самғап ұшты көгімде

Қазақ деген ғажап халық қашаннан

Көкбөрінің ұрпағымыз тегінде, - дей келе Тәуелсіздік күніне арналған мерекелік құттықтау сөз Желтоқсан оқиғасының куәгері, ел тәуелсіздігі үшін бас көтерген жастардың бірі, ауданымыздың мақтанышы, мектебіміздің директоры Уалиева Асия Уалиқызына беріледі.

Осындай жақсы тілектердің жалғасы ретінде ортаға ән айту үйірмесінің жас дарыны Сарыбай Жасынды шақырамыз. Жасынның орындауында «Елге тілек» әні. Қабыл алыңыздар!

Жүргізуші:Күй, сені тәтті көрем, жаным сүйіп,Тыңдаймын тыным алмай, жанып – күйіпӨмірдің сырын ашып жүрегімеМузаның әміріне басымды иіп.Алайық ескі күйдің бәрін жиып,Жандырған ой - қиялды қалың күйікШерттіріп құнарлырақ домбырағаТербеліп ырғағына тамылжиықДомбыра және қобыз аспаптарынан құрылған ансамбльдің орындауында «Бақтыбайдың әуені» күйі. Қабыл алыңыздар

Жүргізуші:Қазақ дейтін менің бір елім,Жатыр алып жарты дүние әлемін.Бұл даланы анам жаспен суарған,Бұл далаға жылап келіп қуанған, - деп Қасым Аманжолов ағамыз жырлағандай, кең байтақ жерімізде Қазақ халқының басынан не өтпеді десеңізші. Талай қиындықты бастан кешірсе де, ешқашан мойымай, күресе білді. Азаттық таңы туатынына кәміл сеніп, үміттерін үзбеді.