Тәуелсіздік ел тірегі ашық сабағы

Тақырыбы: «Тәуелсіздік ел тірегі!»

Мақсаты: Тәуелсіз еліміздің болашағы – жас ұрпақтар бойына Отанға деген сүйіспеншіліктерін арттырып, туған жері мен елін, сүюге оны қорғай білуге тәрбиелеу.Тақпақтар арқылы ой-өрісін кеңейту, сөздік қорларын молайтып, тілдерінің дамуына ықпал ету.

Көрнекілігі: Қазақстан Республикасының рәміздері, Л.Асанова, Қ.Рысқұлбеков суреттері, «Тәуелсіздік ел тірегі!» слайд көрсету.

Мотивациялық қозғаушы:

Шаттық шеңбері:

Бір шаңырақ астында,

Тату – тәтті тұрамыз.

Тілегіміз тыныштық

Ашық болсын көк аспан

- Біз аспаны ашық, сәулелі,кең,байтақ елде тұрамыз. Ол ел – Қазақстан!

- Бүгінгі ұйымдастырылған оқу қызметімізді Қазақстан Республикасының әнұранынан бастайық. /Әнұран орындалады./

- Жақсы балалар орындарыңа отыра койыңдар.

Тәрбиеші: Қазақстан Республикасы өзінің тәуелсіздігін алғанына 27 жыл болды. Өз бетімен ешкімге бағынбай өмір сүрген елді тәуелсіз ел деп атайды. Осы күнге жету үшін қазақ халқы талай қиыншылықты бастан кешірді. Осыдан 27 жыл бұрын Алматы қаласында жастар көтерілісі болды. Қайсар батырларымыз Ләззат Асанова, Қайрат Рысқұлбеков, Сабира Мұхамеджанова ерлік көрсетті. Осындай аға – апаларымыздың арқасында қазіргі кезде бейбіт тыныш өмір сүріп жатырмыз. 1991 жылы 16- желтоқсанда Қазақстан Республикасы өз Тәуелсіздігін жариялады. Тәуелсіздік алғаннан кейін еліміздің шекарасы белгіленіп. Қазақстан Республикасының картасы бейнеленді. Сонымен бірге Еліміздің Рәміздері бекітілді. Туымыз, Елтаңбамыз, Әнұраным қабылданды. Ата Заңымыз Конституция заңдары қабылданды. Конституция заңдарында Отанымызды қорғауға, балабақшаға, мектепке баруға, үлкен оқу орындарында білім алуға құқықтарың бар екені туралы жазылған. Тәуелсіздігіміздің ең алғашқы қастерлі нышандарының бірі Алматы қаласындағы Тәуелсіздік монументі тұрғызылды. Өз елімізді, жерімізді қадірлеп, қастерлеу біздің міндетіміз. Қазіргі таңда Еліміз дамып көркейіп келеді. /слайд көрсетіледі./

Мадияр: Қуат алған өзіңнен

Туған елдің ұлымын

Бақытты етіп өсірген

Отанымның гүлімін

Жанель: Біз отанның гүліміз

Туған жердің нұрымыз

Тәуелсіз біздің еліміз

Қазақстан байтақ жеріміз.

Мерей: Он алтыншы желтоқсан

Тәуелсіздік алған күн

Ерекше болып мәңгілік

Ел жадында қалған күн

Әмірхан: Тәуелсіздік жолында

Талай – талай тер тамған

Биілігім өз қолымда

Еркіндігім – Елтаңбам!

Тәрбиеші: -Балалар біздің елбасымыз кім?

- Нұрсұлтан Әбішұлы Назарбаев

-Біздің мемлекетіміз қалай аталады?

-Қазақстан Республикасы!