Тәуелсіздік халқымыздың бақ жұлдызы мақаласы 2 сыныпқа

Қатбаева ҚызЖібек Жомартқызы

№97 жалпы орта мектебінің бастауыш сынып мұғалімі

Тәуелсіздік-халқымыздың маңдайына жанған бақ жұлдызы.

Тәуелсіздік-ұлттық тілдің, дәстүрдің, салт-сананың мызғымас тірегі,халықтың бақ жұлдызы. Тәуелсіздік-ата-бабаларымыздың ғасырлар бойғы арман, мұраты! Сол арманға біздің ұрпақ жетті.

Тәуелсіздігімізді жарияланғаннан бері көптеген елеулі абыстарға қол жеткіздік. Еліміздің ыныштығы мен қауіпсіздігі, көп ұлтты Қазақстан халқының жарастығы мен ынтымағы нығайып, әлеуметтік-экономикалық әлеуметіміз өсті.Мәдениет руханият саласындағы құндықтарымыз жаңғырып, тарихымыздың ақтаңдақ беттері ақталды. Осының бәріне Президентіміздің парасатты, көптеген саясатының нәтижесінде қол жеткіздік.

Қазақстан-өлшеусіз табиғат байлығымен ғана емес , сан түрлі ұлттардан құралған халқының бірлігімен ,татулығымен де ерекшеленетін ел. Бүгінгі ұрпақ осы бейбіт те шуақты күндердің бағасын бағамдай біліп, биік мақсаттар жолында алға ұмтылуы тиіс.

Тәуелсіздік алғашқы жылдарындағы мемлекетіміз үшін ең басты шарттар-ұлттық валюта-теңгені қолданысқа енгізу, көршілес мемлекеттермен арадағы шекараны белгілеп алу.Конституциямызды бекіту секілді маңызды мәселелерде де Елбасының тегереуінді де тапқыр ақыл-парасатын таныдық. Бұл мемлекетіміздің берік негізін қалаған тарихи жетістік.

Қазіргі Қазақстан-егеменді, демократиялық ,зайырлы,,құқықтық мемлекет. Конституциямен бекітілген заңдық негіздер Қазақстан азаматтарының бостандығы мен сеніміне қызмет етеді.

Елбасымыз-Н.Ә.Назарбаевтың даналығы мен сарабдал саясаткерлігі бүгінде халықаралық аренада мойындалып отыр. Әлемнің небір алпауыт елдері Қазақстанмен іскерлік, экономикалық, мәдени байланыс орнатуда.

Тәуелсіздік- бұл бүгінгі жетістігіміз ғана емес, сонымен қатар, ол ертеңгі жарқын болашағымыз, келешектің кемел жоспарларымен бағыты айқындалған басым бағытты мүмкіндіктеріміз бен мақсаттарымыз.Біз, қазақстандықтар осы жолдың баяндылығы үшін өз үлесімізді қосуға әрбәрәміз міндеттіміз. Себебі Тәуелсіз болу-өз тағдырына жауап беру деген сөз.