Тәуелсіздік күні балабақшаға арналған сценарий

«Бөбек лүпілі» жекеменшік балабақшасы

Тәуелсіздік күні

Мерекелік сабақ

2018 жыл

Тақырыбы: Тәуелсіздік күні

Мақсаты: Тәуелсіздік алу үшін құрбан болған батырлар туралы мәлімет беру. Тәуелсіздік туралы мағлұмат беру. Туған жер туралы түсінікті қалыптастыру.

Көрнекіліктер: бүктеме, үнтаспа, суреттер

Барысы:

Жүргізуші: Құрметті балалар! Бүгін сендермен салтанатты мерекеміз Тәуелсіздік күнін атап өткелі отырмыз. Еліміз егемендік алып, санамыз қайта жаңғырды. Жаңғырған елдің болашағы мына отырған сендерсіңдер, ел қорғайтын нағыз азаматтар өздеріңсіндер. Мерекені ары қарай жалғастырайық. Құттықтау сөз кезегін балаларға берейік:

1 – бала. Аялап ару ананы,

Өсірген еркін баланы

Бесігім болып тербеткен

Отаным – Қазақстаным.

2 – бала. Толтырған гүлге даланы

Жайнатқан ауыл, қаланы.

Ардақты атамекенім

Отаным – Қазақстаным.

Жүргізуші: Балалар еліміздің рәміздерінен хабарларың бар ма?

Әнұранымызды шырқайық. Мынау Елтаңбамыз. Көгілдір түс аясында шаңырақ бейнеленген. Шаңырақты күн сәулесіндей айнала уықтар қоршайды. Мынау – аңыз әңгімелердегі пырақтардың қанаттары. Бас жағында 5 бұрышты жұлдыз, ал төменгі жағында «Қазақстан» деген жазу бар. Мынау – еліміздің көк туы. Түсі ашық аспан түстес көгілдір. Ортасына шапағын шашқан алтын күн. Күн астында ұшқан қыран құс, сол жағында тігінен қазақтың ою – өрнегі салынған. Ал балалар, тағы да осы еліміздің рәміздері туралы кім қандай өлең біледі?

«Қазақстан жалауы» атты өлең орындалады.

Жүргізуші: Балалар, міне еліміздің мақтанышы рәміздерін де жақсы біледі екенсіндер. Сенднр желтоқсан батырларының есімін білесіңдер ме? (Оқушылар айтады).

Бізді мерекемізбен құттықтауға Шығыс елінен бір топ бишілер келіпті, қарсы алайық.

«Шығыс биі» орындалады.

Жүргізуші: Жарайсыңдар! Төрлетіп төрімізден орын алыңдар. «Бұгінгі төл мерекелерің – тәуелсіздік күнімен құттықтаймыз!» деген тағы бір жедел хат келіп түсті. Бұны жыберген көршілес, туыс Өзбекстан Республикасының балалары.

Қадімен бір досымыз – өзбегім.

Қалтқысы жоқ демің бейне өз демім.

Өз сөзімдей жаңға жайлы сөздерің,

Өз көзімдей күлімдейді көздрің.

Өзбекстаннан да бір топ биші қыздар құттықтауға келді. Олай болса, оларды «Өзбек биімен» қарсы алайық!