Тәуелсіздік күніне арналған Жас ұлан қабылдау жоспары

1-жүргізуші: Бүгін осы мерекеге орай салтанатты түрде мектепішілік «Жас Ұлан» балалар мен жасөспірімдер ұйымына мектебіміздің бірқатар оқушыларын қабылдағалы отырмыз.

2-жүргізуші: 16-желтоқсан – Қазақстан Республикасының Тәуелсіздігі күніне арналған оқушыларды «Жас Ұлан» ұйымының қатарына қабылдау рәсіміне көше отырып, ұйымның мақсат, міндет, ережелерімен таныстыруға рұқсат етіңіздер.

1-жүргізуші: «Жас Ұлан» ұйымының әрбір мүшесі:

2-жүргізуші: Қоғамдық өмірде, тұрмыста, қазақи ұлттық болмыста, халықтық келбетпен қалыпты сақтай отырып, ата-анасын шынайы сыйлап, олардың өнегелі қасиеттерін бойға сіңіріп, өсиеттерін орындауды перзенттік парыз деп түсінеді. Туған елін шексіз сүйеді.

1-жүргізуші: Республикамыздың мемлекеттік рәміздерін құрметтеп, Қазақстан Республикасының Туының түсіндей галстук тағып, мемлекеттік Гимнді жатқа айту керек.

2-жүргізуші: Шет елдердің мемлекеттік нышандары, адамдардың немесе басқа да суреттер салынған, атаулар жазылған киімдерді киюмен, заттарды пайдаланумен әуестенбейді.

1-жүргізуші: Өзін тұрмыста, қоғамдық өмірде сыпайы, қарапайым мінезде ұстайды.

2-жүргізуші: Қазақ тілін еркін меңгеріп, елдің тарихын, мәдениетін, әдебиетін, өнерін, салт-дәстүрін жақсы білу, дамыта түсу, сақтау үшін ынталы еңбектенетін болады.

1-жүргізуші: «Жас Ұлан» ұйымының мүшесі – Отанына адал, Отанының адал азаматтары.

2-жүргізуші: «Жас Ұлан» ұйымының мүшесі – Отанының тәуелсіздігі мен бостандығы үшін күресуші.

1-жүргізуші: «Жас Ұлан» ұйымының мүшесі – батырларымыздың атын құрметтеп, оның мәңгі қорғаушысы болуға дайындалады.

2-жүргізуші: «Жас Ұлан» ұйымының мүшесі – оқуда, еңбекте және спортта өжет те қайсар.

1-жүргізуші: «Жас Ұлан» ұйымының мүшесі – шыншыл, адал жолдас, әрқашан да шыншылдық үшін күресуге дайын болуы керек.

2-жүргізуші: Білімді – көкіректе нұр деп түсін,

Жігерлі, жалынды отты жыр деп түсін.

Аталған мақсат, талап, ережені,

Орындауға бәріңде міндеттісің!

1-жүргізуші: Елбасымыз Нұрсұлтан Әбішұлы Назарбаевтың тапсырмасымен 2011 жылғы 6-шілдеде – балалар мен жасөспірімдердің бірыңғай «Жас Ұлан» ұйымы құрылды.

2-жүргізуші: Бұл ұйым екі буыннан тұрады: «Жас Қыран» ұйымы, ұйымға 1-4 сынып аралығындағы оқушылар және «Жас Ұлан» ұйымымына 5-11 сынып аралығындағы оқушылар мүше болып қабылданады.

1-жүргізуші: Ұйымға тек білімді, дарынды, қоғамдық жұмыстарға белсене қатысатын оқушылар ғана мүше бола алады.

2-жүргізуші: Атап айтатын болсақ:

«Жас Қыран» балалар ұйымына: /2-сынып/

/оқушылар тізімі, жетістіктерімен/

«Жас Ұлан» балалар ұйымына: /5-сынып/

/оқушылар тізімі, жетістіктерімен/

1-жүргізуші: Топ басшылары – бүгінгі «Жас Ұлан» балалар мен жасөспірімдер ұйымына қабылдау салтанатты жиынына дайындықтарың туралы рапорт тапсыруға дайындал.

(2, 5-сынып оқушыларының рапорт мәтіні: )