Тәуелсіздік пен егемендік туралы сынып сағаты

Тұңғыш президент күніне арналған тәрбие сағаты

Тақырыбы: «Тәуелсіз елдің көшбасшысы». 1 желтоқсан – Тұңғыш Президент күні

Мақсаты: Балаларға «тәуелсіз», «егемен» сөздердің мағынасын кеңінен түсіндіре отырып, есте сақтау қабілеттерін дамыту.

«Тұңғыш президент» мерекесі жайлы айта отырып, бүлдіршіндерге елбасының жасаған еңбектері жайлы жалпы ұғым беру. Отанға, елбасына деген сүйіспеншіліктерін арттыру.

Көрнекіліктер: Елбасының суреті, бейнетаспа, мақал – мәтел.

Балалардың іс – әрекеті. Қазақстан Республикасының мемлекеттік әнұранын айту.

Бейнетаспадан қазақ елі, тұңғыш президентіміз туралы слайдшоу көрсету, өмірбаянымен қысқаша таныстырып өту. Өмірбаяны бойынша оқушыларға бірнеше сұрақ қойылады.

«Балалық шағымның аспаны» фильмінен үзінді көрсету.Балалардың фильм жайлы пікірлері тыңдалды.

Сөздік жұмысы:

Тәуелсіздік – толық еркі бар, ерікті, бағынышты емес.

Егемен – өз билігі, бас бостандығы, өзінде, тәуелсіз.

Тәуелсіз Қазақстан Республикасының Тұңғыш президенті кім?

Тұңғыш президент – Нұрсұлтан Әбішұлы Назарбаев.

Елордасы қандай қала?

Астана бас қала

Қазақстан, егемен, тәуелсіз сөздеріне сөйлем құрастыру.

Тұңғыш президенттің отбасысы туралы әңгімелесу.

Елбасының отбасы, өскен ортасы, туған жері туралы өз түсінгендерінше әңгімелейді.

Президент оқуларына қатысқан оқушылар Тұңғыш президентке арналған өлеңдерін оқу. Тыңдаған оқушылармен бұл өлеңдерді талдау.

Президент жайлы өлеңдер оқиды.

Қызмет жолы

1960 жылы Днепродзержинск техникалық училищесін, 1967 жылы Қарағанды металлургия комбинатына қарасты жоғары техникалық оқу орынын, 1976 жылы Кеңес Одағы коммунистік партиясы Орталық комитетіне қарасты Жоғары партия мектебін бітірген.

Еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастап, домна пешінің аға газдаушылығына дейінгі жолдан өтті.

1960—69 жж. — Қарағанды металлургия зауытында жұмыс істеді.

1969—73 жж. — Қарағанды облысы Теміртау қаласындағы партия-комсомол жұмыстарында жауапты қызметтер атқарды.

1973—77 жж. — Қарметкомбинаттың партком хатшысы.

1977—79 жж. — Қарағанды облыстық партия комитетiнiң хатшысы, 2-ші хатшысы.

1979—84 жж. — Қазақстан КП Орталық Комитетінің хатшысы.

1984—89 жж. — Қазақ КСР Министрлер Кеңесiнiң төрағасы.

1989—91 жж. — Қазақстан КП ОК бiрiншi хатшысы,

1990 ж. ақпан—сәуір аралығында Қазақ КСР Жоғары Кеңесiнiң төрағасы болды.

1990 ж. сәуірінен — Қазақ КСР президенті.

1991 ж. желтоқсанның 1-інде тұңғыш рет Қазақстан Республикасы Президентінің жалпыхалықтық сайлауы өтті. Сайлау нәтижесінде Нұрсұлтан Әбішұлы Назарбаев басым дауыспен (98,78 %) жеңіске жетті.

1995 ж. сәуірдің 29-ында жалпыхалықтық референдум нәтижесінде Қазақстан Республикасы Президенті Н.Ә.Назарбаевтың өкілеттігі 2000 ж. дейін ұзартылды.

1999 ж. қаңтардың 10-ында өткен жалпыхалықтық сайлаудың нәтижесiнде Н. Назарбаев 79,78 % дауыс алып, Қазақстан Республикасы Президенті болып қайта сайланды.