Тәуелсіздік – таң нұрым тәрбие сағаты, 9 сынып

Сабақтың мақсаты: Оқушылардың өткен тарихымызға деген ұлттық көзқарастарын қалыптастыру. Оқушыларды елді, Отанын сүюге және егемен елімізді сақтауға және оны гүлдендіруге құштар патриоттық күш – қуаты мол жастарды тәрбиелеу. Желтоқсанда мерт болған қазақ қыздары мен жігіттерінің рухына, ерлігіне деген тағзым.

Сабақтың көрнекілігі: Суреттер, шарлар, ту, интерактивті тақта және т.б

Сабақтың барысы:

Би. «Қазақ биі» «Жас гүл өсіруші» үйірмесінің мүшелері Ахатова Ұлболсын, Елеусинова Аккоркем.

Жүргізуші: Армысыздар, құрметті әріптестер, оқушылар және қадірменді қонақтар! Бүгінгі Тәуелсіздігіміздің 28 жылдығына арналған «Тәуелсіздік – таң нұрым» атты үйірме мүшелері арасында ұйымдастырылып отырған байқауымызға қош келдіңіздер!

Тәуелсіздік ең басты құндылығымыз! Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 28 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш ел басымыз Нұрсұлтан Әбішұлы Назарбаевтай көреген саясаткердің ерен еңбегін дәл бүгін және әрқашанда айтып өтеміз.

Алтайдан Алатауға дейін ұлан – ғайыр жерді мекен еткен ата – бабаларымыз тәуелсіздікті арман еткен. Осынау кең даланы көк найзаның ұшымен, сом білектің күшімен қорғаған бабаларымыздың аманатын орындау үшін талай боздақтар жанкештілікке барған. Қаракерей Қабанбай, Қанжығалы Бөгенбай батырлардан бастап, Иса Досан, Шотан батырлар, беріректе Бауыржан, Мәншүк, Әлия сынды батырлар, ел қорғауды ұран еткен, сол үшін құрбан болып, ел құрметіне бөленген батырлар. Ресейдің езгісінде болып, тіліміз бен дінімізден безіп, орыстанғалы тұрғанда Қайрат Рысқұлбеков, Ләззат Асанова сияқты қыршын жастардың құрбандыққа баруы арқасында ғана тәуелсіздік алып, егеменді ел болдық.

Ал ендеше бүгінгі байқауымыздың қатысушыларын қарсы алыңыздар:

«Жас Ветеринар» үйірмесінің мүшесі Ишанова Асел

«Фитодәріхана» үйірмесінің мүшесі Кошанова Нурбиба,

«Экология және поэзия» үйірме мүшесі Утаров Бекжан

«Жасыл желек» үйірмесінің мүшесі Бекболат Әсемгүл,

«Бөлме гүлдері» үйірме мүшесі Байзолла Тогжан

«Фитодәріхана» үйірме мүшесі Жалаева Аяулым

«Экотілші» үйірмесінің мүшесі Агулеш Адилхан

«Бөлме гүлдері» үйірме мүшелері Зинолла Айша

Кружок «Природа и фантазия» Шейерман Владислав

«Жас флорист» үйірме мүшесі Алиева Тимур

Кружок «Зоотехнология» Лантаева Ангелина

«Жас Ветеринар» үйірмесінің мүшесі Умирхан Елхан

Сөз кезегі ОЭБО директоры Кержикова Фатима Гиниятуллақызына беріледі.