Тәуелсіздік таңы ашық тәрбие сағаты 2-сынып

Павлодар қаласының №33 жалпы орта білім беру мектебі

Ашық тәрбие сағат

Тақырыбы: «Тәуелсіздік –жарығы»

Сынып: 2 «А»

Сынып жетекшісі: Олжаева М.О.

2018/2019 оқу жылы

Сабақтың тақырыбы: Тәуелсіздік –жарығы

Сабақтың мақсаты:

- Оқушыларға қазақ халқының ғасырлар бойы басынан өткен қиыншылықтарын айта келіп,осы қиын зұлмат жылдары елінің азаттығын,еркіндігін аңсаған ұлт зиялыларына тоқталу. Желтоқсан көтерілісінің сипатын насихаттай отырып, Желтоқсан құрбандарын мәңгі есте сақтау.

Желтоқсан көтерілісін көзбен көрген, тарихи оқиғаға куә болған адамдармен кездесе отырып, жас ұрпақ бойына еліне, жеріне, ұлтына деген патриоттық сезімін қалыптастыру.

Оқушыларды отаншылдыққа, ұлтжандылыққа, туған жеріне, атамекеніне деген сүйіспеншіліктерін арттыруға дұрыс бағыт-бағдар беру, өз елінің тарихын сыйлауға үйрету, оқушыларды патриоттық рухта тәрбиелеу. Өз елін,жерін қорғайтын ұрпақ тәрбиелеу.Тәуелсіздік бастауы-ызғарлы Желтоқсан оқиғасы екенін жете түсіну.

Сабақтың көрнекіліктері: нақыл сөздер, еліміздің рәміздері, буклеттер, желтоқсан құрбандарының портреттері.

Сабақтың барысы: І Ұйымдастыру кезеңі:

«Тәуелсіздік жарығы»атты шағын көрінісі арқылы әдеби –монтаж ашық тәрбие сағатын бастау.

Немересі: Рахилия Әже,әже далада адамдар отшашу атып,қуанып жатыр,ол ненің мерекесі?

Әжесі: ТолғанайОл тәуелсіздіктің белгісі ғой,балам.

Немересі: Рахилия Онда маған өткен өміріңізді айтып бересіз бе?

Әжесі: Толғанай Мен өткен өмірімді айтсам,басым ауырады.

Немересі: Рахилия Онда тынығып алайық.

(Тынығып жатқан немересі түс көреді)

Немересі: РахилияӘже,әже мен түсімде жарық күннің көзін көрдім.

Әжесі: Толғанай Ол тәуелсіздіктің белгісі ғой.

Немересі: Рахилия Онда мен достарымнан сүйінші сұрап келейін .

Сүйінші,сүйінші тәуелсіздіктің жарық күні шықты!

Жүргізуші: Камила Құрметті ұстаздар,оқушылар! Бүгінгі тарихымызды тағы бір еске түсіру үшін ел тәуелсіздігінің 27 жылдығына арналған «Тәуелсіздік жарығы» атты әдеби –монтаж ашық тәрбие сағатына жиналып отырмыз.

Мұғалім сөзі: Әр қазақтың есінде сақталады,

Желтоқсандық өркендер ақталады.

Ер намысын қорғаған сарбаздарым,

Ерліктерің мәңгілік сақталады.

Қандай бақыт қуаныш күн бүгін,

Дәлелдеуде Қазақстан елдігін.

Арман еткен қыршын кеткен ағалар мен апалар,

Елің алды егеменді теңдігін,- деп жырлай келе тәуелсіздігіміз жасай берсін,еліміз тыныш болсын! Алтайдан Алатауға дейін ұлан – ғайыр жерді мекен еткен ата – бабаларымыз тәуелсіздікті арман еткен. Осынау кең даланы көк найзаның ұшымен, сом білектің күшімен қорғаған бабаларымыздың аманатын орындау үшін талай боздақтар жанкештілікке барған. Қаракерей Қабанбай, Қанжығалы Бөгенбай батырлардан бастап, Иса Досан, Шотан батырлар, беріректе Бауыржан, Мәншүк, Әлия сынды батырлар сол ел қорғауды ұран еткен, сол үшін құрбан болып, ел құрметіне бөленген батырлар.

Ресейдің езгісінде болып, тіліміз бен дінімізден безіп, орыстанғалы тұрғанда Қайрат Рысқұлбеков, Ләззат Асанова сияқты қыршын жастардың құрбандыққа баруы арқасында ғана тәуелсіздік алып, егеменді ел болдық.

Біз өзіміздің көк байрағымызды мақтанышпен жоғары көтеріп,өз елтаңбамыз бен әнұранымызды қастерлей отырып, күн сәулелі аспанымызда әрқашан Тәуелсіздікпен ерліктің белгісі дала қыранының қанаты талмай,шарықтай берсін демекпіз.

Оқушы: Мирас

Туған жерді сүю-парыз

Сүю үшін білу-парыз

Қасиетін ұғу-парыз

Күзетіне тұру-парыз

«Туған жердей жер болмас» әні Хор

Жүргізуші: Камила Тарихта аты шулы «Ақтабан шұбырынды, Алқакөл сұлама» қаралы ие болған 1723 жылғы жоңғар шапқыншылығы қазақ жерін ойсыратып кетті. 1837-1847 жылдардағы Кенесары Қасымұлы бастаған ұлт-азаттық көтеріліс.

Истайдың серігі, ақын Махамбет Өтемісұлы өз өлеңінде:

Мен, мен едім, мен едім

Мен Нарында жүргенде

Еңіреп жүрген ер едім

Истайдың барында

Екі тарлан бөрі едім

Қай қазақтан кем едім,

Бір қазақпен теңі едім.

Өздеріңдей хандардың

Қарны жуан билердің

Атаңдай даусын ақыртып,

Лауазымын көкке шақыртып

Басын кессем деп едім

Еділдің бойы ен тоғай

Жағалай жатқан сол елге

Мал толтырсам деп едім.

Жоңғар хан ордасы Хан тақта отыр.

Уәзір:Рамазан «Тақсыр!Қазақтар келіп тұр»

Хан:. Ш.Диас «Кірсін» «Иә қазақтар! Неменеге келдіңдер? Айтататындарыңды айтыңдар да елдеріңе қайтыңдар!»

Қазыбек: «Біз – қазақ деген елміз, бірақ ешкімге соқтықпай жай жатқан елміз. Елімізден құт-береке қашпасын деп, жеріміздің шетін жау баспасын деп, найзаға үкі таққан елміз, басымыздан сөз асырмаған елміз. Сен қалмақ та біз қазақ табысқалы келгенбіз. Сен темірде біз өмірде еріткелі келгенбіз. Берсең жөндеп бітіміңді айт, не тұратын жеріңді айт»

Хан: Ш.Диас«Балам», атың кім?

Қазыбек би: Атым - Қазыбек, әкем- Келдібек, ұлтым –қазақ, руым- Қаракесек.

Хан: Ш.Диас«Ендеше, дауысың қаздың дауысындай қаңқылдап шығады екен, есімің қаз дауысты Қазыбек боп қайта жаңғырсын»

«Тарих тағлымы»

Оқушы: Камила 1986 жылы 17 желтоқсанда бүкіл елді дүр сілкіндірген ғаламат оқиға болды. Азаттық, Теңдік, Тәуелсіздік. Осы бір үш ұғымның салтанат құруы үшін кімдер бас тікпеді,кімдер құрбан болмады? Бұл оқиғаның алғашқы құрбандары Қайрат Рысқұлбеков,Ләззат Асанова, Сәбира Мұхамеджанқызы, Ербол Сыпатаевтарды еске алып,олардың рухына тағзым ету парызымыз.1986 жылдың желтоқсаны бүкіл ұлтымыздың жанын жаралап, жүрегіне ызғар шашып кетті, бостандық үшін өрімдей жап - жас қыз жігіттер құрбан болды. Біз әрдайым Қайраттың от жүрек үніне, қыздардың намысын қорғаған ерлігіне, күнәсіз күйіп кеткен келбетіне бас иеміз.