Тәуелсіздік тәрбие сағаты бастауыш сыныпқа

Өткізілген уақыт: 13.12.2019

Тақырыбы: Тәуелсіздік-тұғырым!

Тақырыптың мақсаты:

А) Білімділігі: Оқушыларға өз еліміздің даму тарихын туралы танымдарын қалыптастыру.Ұлттық сана-сезімін ояту.Тәуелсіздік туралы терең мағлұмат беру.

Ә) Дамытушылығы: Оқушыларға Қазақстанның тарихи оқиғаларын есте сақтау қабілетін дамыту

Б) Тәрбиелігі: Оқушыларға желтоқсан оқиғасының ел қамын жеген,ерлерді үлгі тұту және өнеге алуға және халқының тарихын білуге үйрету.Достыққа ұйымшылдыққа тәрбиелеу.

Әдіс-тәсілдер: тақпақтар,ән,

Көрнекіліктер: шар,слайдтар,видеороликтер,макет,плакаттаар

Жүргізуші: Армыссыздар құрметті ұстаздар мен оқушылар.Бүгін біз тәуелсіздік алғанымызға 28 жыл толуына арналған «Тәуелсіздік-тұғырым!» атты тәрбие сағатымызға қош келдіңіздер.

Әнұраным жан ұраным

Айтар әнім сөйлер сөзім

Мәңгі бақи шырқалады

Қазақстанымның әнұраны

Қазақстан Республикасының «Әнұраны»

Жүргізуші: 1986 жылғы 16 желтоқсанда Қазақстан Компартиясы Орталық Комитетінің пленумы болды. Сол пленумда Д. Қонаев бірінші хатшы қызметінен босатылып, орнына бұрынғы Ульянов облыстық партия комитетінің бірінші хатшысы болған Г.В. Колбин сайланды. Бұл студент және жұмысшы жастардың бейбіт мақсаттағы шеруіне әкеп соқты. Алаңға шыққан жастарды қарулы күшпен басып – жаншыды.Күллі әлемді дүр сілкінткен 1986 жылғы Алматыдағы желтоқсан оқиғасы қазақ топырағына ұлттық санасын, намысын жетелеген жаңа әрі қайсар буынның келгенін әйгіледі.

Қазақ халқы еркіндікке жету үшін қаншама қиын-қыстау кезеңдерді бастан кешірді.Мыңдаған жылдық тарихы бар.Ал 1986 жылы оқиға халықтың есінде мәңгі сақталады.16 желтоқсан қазақ жастары орталық алаңға шығып .Қазақстан елінің тәуелсіздігін талап етті.Сол желтоқсан батырлары Ляззат Асанова,Қайрат Рысқұлбеков,Ербол Сыпатаев тағы басқа ержүрек апаларымызбен ағаларымызды 1 минут үнсіздікпен еске аламыз.

Ал ендігі кезекте оқушылардың дайындаған тақпақтарын естіп отырайық.

Слайд: «Желтоқсан батырлары»

Тақпақтар

Нұрасыл

Жазалаушы қара құрттай қаптады

Қазағымды қырып-жойып таптады

Сол елімнің ұл-қыздары ардақты

Қарсы шығып ел сенімін ақтады

Жалғыз Отан –адамның жүрегі ғой

Ер жігіт туған жерін сүйеді ғой

Ел үшін желтоқсан құрбан болған

Ербол,Қайрат-нағыз ердің бірі еді ғой

Асқар

Тәуелсіздік түскен жоққой аспаннан

Тарихы оның тым әріден басталған

Бодандықтан құтқарам деп елімді

Талай боздақ қара жерді жастанған

Майра

Желтоқсан-тарихымда әйгілі күн

Ерттеп мініп ар-ождан сәйгүлігін

Ерлерім елдік үшін атай салып

Еншілер қайтарған бәйгелі күн

Жамиғат

Еркіндік дейтін керімсал құба таңдарың

Сайраған бұлбұл әуезді әсем таңдағы үн

Тірліктің жолын ысырып кейін әуелі

Бірліктің бейбіт,береке жолын таңдаған

Ерлігім менің-есіл жүректі елдігім

Оян,Қазағым! Рухыңды түзер келді күн

Жансұлу

Нашақор деп

Қазаққа күйе жаққан күн

Базары кетіп бір күнде

Қайғыға халық батқан күн.

Әділдік пен шындықты

Өтірік жала жапқан күн

Надан жасаған сұмдықтан

Адамдар азап шеккен күн,

Қасқалдақ ұшып көлінен

Шүрегей келіп қонған күн.

Қырандар қуып көгінен

Қарғалар билік алған күн.

Темірлан

Сәбира, Ләззат сынды жауқазындар,

Жетілмей ерте солған гүл еді ғой.

Болашаққа даңғыл жол салып берген,

Боздақтар мәңгі айтылар жыр еді ғой.

Бейбала

Желтоқсан – заман толғағы байтақ даланың,

Шарпыған сәтті үміт пен күдік қаланың.

Желтоқсан – Қайрат, Ләззат, Сәбира

Құрбаны болған жаланың.

Жүргізуші: Ляззат Асанова,Қайрат Рысқұлбеков,Ербол Сыпатаев,Түгелбай Ташенов т.б.секілді өрімдей жастарымыз жалған жаланың құрбандары болды.Бірақ оларды ерліктері ел есінен ешқашан кетпейді. Ал ендегі кезекті «Желтоқсанның ызғары» атты көрінісімізді тамашалаңыздар

Көрініс

Автор: 1986 жыл 16 желтоқсан күні Қайрат пен Ербол курстастарын Жанар мен Лаззатты көріп қалады.

Жанар: Қайрат,Ербол сендер естідіңдерма? Кеше Қонаевты орыннынан алып тастапты.

Қайрат: Шынба? Оны қайдан естідің?

Жанар: Куратор ағай айтты.Бүгін орталық алаңда көптеген адамдар жиналыпты.

Қайрат пен Ербол:Неге

Лаззат: Қонаевты орыннынан алып,оның орыннына Ресейден келген орысты қойыпты. Соған адамдар шеруге алаңға жиналыпты.Соған ағай алаңға бармаң деп ескертті

Ербол: Қорқақ адамдар сияқты тығылып отырғанша,алаңға шығып шеруге қатысқаным артық, жүр менімен бірге тездетіп барайық.

Автор: Сахнада ұрандар жазылған плакаттар көтерген жастар тұр екен.Алаңда тұрған жастардың ішінне Қайрат,Ербол,Ляззат,Жанарда қатарға қосылады.

Жігіт: Қалың елім, қазағым, қайран жұртым, Ұстарасыз аузыңа түсті мұртың. Жақсы менен жаманды айырмадың, Бірі қан, бірі май боп енді екі ұртың.