Тәуелсіздік – теңдігім 4 сынып тәрбие сағаты

«№2 Қашар орта мектебі» КММ

Тәрбие сағаты:

«Тәуелсіздік-теңдігім!»

4 сынып жетекшілері:Баймбетова М.Е

Сәбденбекова Ұ.Ж.

2017-2018 оқу жылы

Күні:07.12.17

«Тәуелсіздік-теңдігім!» атты мектепішілік мәнерлеп оқу сайысы.

Мақсаты: Оқушылардың Отанға, туған жерге деген сүйіспеншіліктерін арттыру; Өлеңді мәнерлеп оқуға машықтандырып, есте сақтау қабілеттерін дамыту,Түрі: Өлеңді мәнерлеп оқу сайысыКөрнекілігі: Қанатты сөздер, суреттер,шарлар.Барысы:

Жүргізуші:

Армысыздар, құрметті ұстаздар мен тәуелсіз еліміздің ұлағатты ұрпақтары.Талай ғасырлар бойы ата-бабаларымыз еркіндік пен тәуелсіздік таңын аңсап келген. Олар көксеген арманға ХХ ғасырдың соңына қарай қол жеткіздік. Соның арқасында бүгінгі таңда өз бағыт-бағдарын ұстанған, өркениет елдер мойындаған жеке мемлекетке айналдық.Жүргізуші:

Тәуелсіздік жолында талай жандар құрбан болып, елім деп еңіреп өткені белгілі. Талай кезең қиын-қыстау, қуғын-сүргінді ата-бабаларымыз басынан кешті. Қазақстан Республикасының президенті Н.Ә.Назарбаев: «Біз Қазақстанның тәуелсіздігінің оңайлықпен келмегенін біліп оны қадірлеуіміз керек. Әрбір Қазақстанның азаматы мақтанышпен Елтаңбаны, Әнұранды, Туды көтеруі керек. Әрбір азамат өз Отаны үшін еңбек етуге, жанын қиюға міндетті»-деген.

«Тәуелсіздік-теңдігім!» атты мектепішілік 4 сыныптар арасындағы мәнерлеп оқу сайысын ашық деп жариялауға рұқсат етіңіздер!!! Ән: «Көк тудың желбірегені». Қатысатын оқушылар ән әуенімен қолдарына жалау ұстап сахнаға шығады.

Әнұран орындалады.

— «Тәуелсіздік шежіресі» атты видео көрсетіледі.

— 1991 жылы 16-желтоқсанда Қазақстан өз тәуелсіздігін жариялады. Еліміз егемен, тәуелсіз мемлекет мәртебесін алып, қазақ халқының сан ғасырлар бойы аңсаған арманы іске асты. Бұл тәуелсіздік біздің халқымызға оңайшылықпен келген жоқ. Өзгені емес, өзімізді танудан қалып бара жатқан еліміз тәуелділік құрсауынан құтылды. Міне, бүгінде, болашақта Қазақстанның көк туын жеңіс тұғырынан көрсететін ұландарымыз өз елінің тәуелсіздігін мақтанышпен жыр шумақтары арқылы жеткізгелі отыр. Олай болса, сайыскерлерді ортаға шақырамыз!

Бүгінгі 4 сынып оқушыларының мәнерлеп оқу сайысын бағалаушы әділқазылар алқасымен таныстырып өтейін: Даулетиярова Феруза Исаевна

Ходжамуратова Гаухар

Удербаева Оксана

Сайыскерлеріміздің мәнерлеп жатқа оқу шеберлігі, таңдаған шығармасының тақырыпқа сәйкестігі, мазмұны мен көлемі ескеріледі. Ал, енді сайысымызды бастаймыз.

4«А» сынып оқушылары-Досанов Ерасыл,Карлова Ақерке,Нурмаханбетов Медеу,Жетируов Бағлан.

Ән: «Туған жер» орындайтын 4 «А» сынып оқушысы Энгельсова Мадина.

4«Ә» сынып оқушылары-Жумалиева Айнур, Жетписбаева Балсая, Умбетова Зарина, Энгельсова Гаухар.