Тәуелсіздік төрінде жырла жүрек ерінбе тәрбие сағаты

Сабақтың тақырыбы: «Тәуелсіздік төрінде-жырла, жүрек, ерінбе!»

Сабақтың мақсаттары: 1. Білімділік.

Оқушыларға Тәуелсіздік шежіресі, Елбасымыз Н.Ә.Назарбаев туралы, оның өмірбаяны мен өмір жолдары, президенттік қызметі жайлы, үлгілі де өнегелі тәжірибесі жайында толық мағлұмат беру, алған білімдерін тиянақтап бекіту.

2. Дамытушылық.

«Тәуелсіздік жолында» және «Елімнің тұңғыш Президенті » атты тақырыпта ой – толғауларын біле отырып, сөздік қорлары мен шығармашылықтарын, танымдық белсенділіктерін жан – жақты дамыту.

3. Тәрбиелік.

Оқушыларды адамгершілік асыл қасиеттерге, ақыл – ой және патриоттық тәрбиеге баули отырып, жаңа ғасырдың азаматын және жан – жақты жетілген жеке тұлғаны қалыптастыруда бағыт – бағдар беру.

Көрнекі – құрал: Елбасының суреті, Қ.Р. мемелекеттік рәміздері мен нышандары, нақыл сөздер, видеокассета, слаид түрлері.

Сабақтың әдіс – тәсілі: әңгімелеу, баяндау.

Сабақтың түрі: үлгі - өнеге, дәріптеу сабағы.

Әдебиеттер: Егемен Қазақстан, Жас Алаш, Саясаткер, Ақиқат, Астана, т.б.

Сабақтың жоспары: 1. Кіріспе бөлім. Әнұран

а) «Тәуелсіздік шежіресі» ә) «Көсем қашан да көсемдігін танытар»

2. Негізгі бөлім. а) Елбасымыздың балалық шағы. « Балауса бал дәурен »

ә) Өмір жолдары. «Өмір өзен» б) Президенттік қызметі. «Еңбек жолына 20 қадам» г) Еңбектері.

3. Қорытынды бөлім. а) сұрақ – жауап. ә) оқушылардың шығармашылық жұмысы. Ойтолғау.

«Тәуелсіздік таңы», « Елімнің тұңғыш Президенті»

б) нақыл сөздерге талдау, түсінік беру. в) «Астана бас қала» шағын видеоролик

г) Қазақ елі, Елбасы туралы жазған ақын – жазушылардың өлеңдері мен еңбектерінен көрініс.

д) ән: «Елім менің»

Сабақтың жүру барысы: 1. Кіріспе бөлім.

Бүгінгі тәрбие сағатымыздың тақырыбы: «Тәуелсіздік төрінде-жырла, жүрек, ерінбе!» деп аталады. Яғни, Қазақ елінің тәуелсіздікке жету жолы, шежіресі мен Елбасымыз Н.Ә. Назарбаев туралы болмақ. Біз ең алдымен «Тәуелсіздік шежіресі» және «Көсем қашан да көсемдігін танытар» атты тараулардан бастаймыз.

Сан ғасыр сар далада аза құшқан,

Суырып құммен бірге азап ұшқан,

Ел болдық енді міне еркі өзінде

Тәуелсіз Республикам Қазақстан! – деп ақын ағаларымыз жырлағандай 1991 жылы 16 желтоқсанда Қ.Р. өз тәуелсіздігін алды. Қасиетті де, қастерлі Тәуелсіздікті сан ғасыр бұрын бабаларымыз аңсап өтті.

Тәуелсіздік атқан таңың, бақ күнің,

Азат халқың, қуанышың, шаттығың! – дегендей, ендеше қолымыз жеткен осы егемендікті ешкімге тәуелді етпей, өркениетті өмірге қадам басу біздің басты борышымыз болмақ.

Ата – бабам тұлпар мініп ойқастап,

Әрбір сөзі кесек – кесек ой тастап.

Тәуелсіз ел Президенті сайланды, Қазағымның Нұрсұлтаны ел бастап! деп жыр еткендей, енді осы тәуелсіз елді тізгініне алып, оған иелік ететін Елбасымыз өте қажет болды. Сөйтіп 1991 жылы 1 желтоқсанда Қ.Р. Президенті болып Н.Ә. Назарбаев сайланды.

Олай болса қазіргі таңда әлем мойындаған тәуелсіз қазақ елі, жәһанға атағы жеткен, бүгінгі заманның аса көрнекті саясаткері, лидері, ата кіндігінен ерекше дарынды туған Елбасымыз Н.Ә. Назарбаевтың өмірі мен осы өмірдегі қызметі жайлы сыр шертпекпіз.

Міне, осындай шұғылалы елімнің,

Бірнеше ел сыйып кетер, ұлан байтақ жерімнің,

Толар шағы қазірден – ақ бар әлемга паш бүгін,

Болашағы берік қолда, Нұрсұлтандай ерімнің.

Шықты тарап ой данадан, Бері қарады жұлдыз беті.

Өзі қалап сайлап алған, Елімнің бар Президенті.

Тәуелсіздік шежіресі

1991 жыл. 16 желтоқсан. Бұл күн –біздің тәуелсіздігімізді дүниежүзі мойындаған күн.Қазақстан Республикасының мемлекеттік тәуелсіздігі туралы Ата заңы қабылданды.

1992 жыл.Қазақстан Бірікке Ұлттар Ұйымына мүше болды.Маусым айында Тәуелсіз Қазақстан ел рәміздері: Туын, Әнұранын, Елтаңбасын қабылдады.Қазақтың тұңғыш ғарышкері Тоқтар Әубакіров ғарышқа ұшты.

1993жыл. Тәуелсіз Қазақстанның бірінші Конституциясықабылданды.15 қараша .Тәуелсіз Қазақстанның ұлттық теңгесі айналымға енді.

1994 жыл.Мемлекеттің тұңғыш ордендері мен медальдары дүниеге келді.30 маусым ұшқыш Талғат Мұсабаев аспан көгіне көтерілді.Қазақстан ядролық қаруды таратпау жөніндегі шартқа қосылды.

1995 жыл.30 тамыз.Референдумда ұсынылған жаңа Ата Заң бір ауыздан қабылданды.

1996 жыл.Алматыда Тәуелсіздік монументі ашылды.

1997 жыл.Ұрпақтар бірлігі мен сабақтастығы және қуғын-сүргіндерді еске алу жылы.Білім заңы қабылданды. Тіл туралы заң қабылданды.

1998 жыл.Халық бірлігі мен Ұлттық тарих жылы деп жарияланды.Ел астанасы Ақмолаға көшірілді.

1999 жыл.Ұрпақтар бірлігі мен сабақтастығы жылы.

2000жыл . Мәдениетті қолдау жылы.Шежірелі Түркістанның 1500 жылдығы тойланды.

2001 жыл.Тәуелсіз Қазақстанға 10 жыл. Қазақстандағы Ресей жылы.

2002 жыл.Денсаулық жылы.

2003-2005 жылдар.Ауыл жылдары.

2006жыл.Тәуелсіздікке 15 жыл.Желтоқсанға 20 жыл.7 қаңтарда жаңа әнұран қабылданды.

2007 жыл.Қазақ тілін қолдау жылы.

2008жыл.Халық санағы болды.Астанаға 10 жыл.

2009 жыл.Қазақстанның Украинадағы жылы.

2010 жыл.Астана қаласында Еуропа Қауіпсіздігі мен Ынтымақтастық ұйымының саммиті.

2011 жыл.7 қысқы Азияда олимпиадасы Астана мен Алматы қалаларында болып өтті.

3 сәуір кезектен тыс Президенттік сайлау.Халық қалауы Елбасы Н.Ә.Назарбаев болды.

16 желтоқсан Тәуелсіз Қазақстанға 20 жыл.

Негізгі бөлім.

Көк туым көтерілді бағым жанып,

Елтаңбам күллі әлемге танылды анық.

Шырқадым әнұранды бар дауыспен,

Арманым –Ата заңым қабылданып.